去左ｙｏｙｏ屋企！！

今日喺屋企瞓到好晏呀﹏
因為尋晚睇波睇到２：００先瞓．．
起身之後就溫書．．係咪好乖呢？！
跟住就去左ｙｏｙｏ屋企喇∼
好開心呀﹏又可以見到佢呀！！
哈哈∼仲有呀，
佢果度有〔有線〕，
有得睇波呀．．XDD""
唔講喇！！去玩ｌｕ∼

世界盃揭幕戰！！

嘩！！好開心呀﹏
世界盃終於都開鑼喇∼
大家係咪估唔到我係會睇波既呢？？
哈﹏講番尋晚先，
德國對哥斯達黎加．．
其實我好想哥斯達黎加贏架＊
因為我覺得德國太強．．搞到佢地好慘．．
所以咪想支持下佢地囉！！

雖然最後都係德國贏左，之不過場波真係幾好睇呀﹏
因為呢，通常揭幕戰都係好少入波架！！
但係呢場就唔同喇．．
一開場幾分鐘已經有入波喇∼
之後上半場既頭半段都好多入波，
打到半場就２：１喇．．當然係德國領先啦！！
跟住下半場開波喇．．由於冇乜入波既關係，
搞到有少少悶．．突然之間又有入波喇！！
不過又係德國∼唉﹏哥斯達黎加要加油喇∼
跟住無啦啦又有入波，真係好搞笑﹏
最後德國就贏左４：２∼
我都冇諗過可以睇到呢場波架，所以都幾開心！！
哈﹏今日又有英格蘭對巴拉圭！！
又有得睇ｌｕ∼

黑雨日﹏

今日瞓到１點鐘先起身．．
好似放緊暑假咁﹏我都想呀！！
起身就ｈｅａ下ｈｅａ下．．
冇乜做咩咁﹏
但係好慘呀．．諗住今日得我地放假．．
以為好正啦﹏點知黑雨喎．．
全世界既人都放假．．
唉﹏算啦．．
跟住就玩電腦＋ｍｓｎ＋打日記．．
咁就一日ｌｕ∼
好想今晚可以睇波呀﹏但係又好似太夜喇．．
話晒都係４年１度既世界盃喎．．
唉﹏好想睇呀！！