世界盃萬歲!！!！

嘩﹏世界盃決賽殺到黎喇！!！
意大利對法國，我係捧意大利既∼
不過都唔知係唔係路既．．
開波７分鐘法國就有球１２碼，
我就覺得呢個應該係法國既策略黎既﹏
成日安排ｄ球員推個波入禁區，
然後就喺咁跑入去，
博對方既球員情急之下犯規，
呢招真係絕呀！!！!！!

好啦﹏咁呢球１２碼就係由施丹主射既，
都唔知係唔小心定係特登呢，
個波中完楣都入喎﹏真係不愧為一代球王呀∼
不過我捧意大利嘛﹏所以都希望佢地快ｄ入番球啦！！
好彩意大利都不負我所望，喺１９分鐘入番球，
仲要係之前喺禁區ｋｉｃｋ到法國果個馬特拉斯，
咁今次就算係將功贖罪啦！！
兩軍打加時都冇入波，要用最殘忍既方法決勝負－－－１２碼!！!！!

不過值得一提既係：喺加時既下半場，
有一個經典既場面大家係唔可以錯過既﹏
施丹被馬特拉斯喺後面攬一攬，
點知佢就好大反應，竟然用頭黎撞落馬特拉斯個心口度，
馬特拉斯即刻跌低，可想而知當時施丹既力度真係好勁∼
結果施丹就梗係要比球證以紅牌趕出場，
令到施丹既足球生涯畫上左唔完美既句號﹏

講番１２碼先﹏意大利好勁呀！！
５球全中！！相反法國因為查斯古特射失，
最終意大利以５：３既１２碼撃敗法國，
捧走左２００６世界盃既冠軍，
而今屆既世界盃亦都曲終人散ｌｕ∼

其實我覺得意大利同法國都一樣咁好波，
但係意大利比法國更加需要呢個世界盃冠軍，
因為意甲有４個球會都面對【假波醜聞】既困擾，
仲要比人降班，意大利既球壇真係受好大既影響，
所以拎番個世界盃冠軍，應該可以令到佢地既足球事業有番ｄ起色！！

ａｎｙｗａｙ﹏今屆既世界盃已經完結左，
我而家既心情真係百感交集，
既興奮，但係又好失落喎！！
唯有期待住４年之後既世界盃啦∼

準備班會活動！!！!

今日起身之後，屋企人去完飲茶，
跟住就黎左我屋企，我要整個ｐｏｗｅｒｐｏｉｎｔ呀，
因為我同ａｐｒｉｌ聽日會唱歌！！
趁住今晚會打世界盃決賽，
所以我地唱ｄ有關足球既歌∼

好啦．．開始整喇∼
原來ｄ圖片都幾難搵架喎！！
哈哈﹏搵得最多梗係Ｃ朗啦∼
不過做人就唔可以咁偏心既．．
所以都要搵番ｄ其他球星既相！！

搞到９：００，食ｐｉｚｚａ！！
唔．．好味呀∼食完又要繼續開工﹏
都搞得７７８８架喇！！
真係整得幾好﹏不過都係要多謝我既表哥表妹咁幫得手，
如果得我一個人一定唔得啦∼
跟住仲要ｃｕｔ歌．．
點知又驚學校聽唔到，
搞到要錄低ｄ歌！！
嘩﹏我果然係一個電子白痴∼
淨係搞個ｍｐ３都搞左咁耐，
仲話個ｍｐ３係自己架喎！！
終於都搞掂晒喇∼２點鐘．．
世界盃決賽正式開始，即係冇得瞓．．．．．．

終於可以番約團喇﹏

ｗａｋａｋａ﹏今日可以番約團喇！！
番到去之後，今日得番ｄ Ｆ．１同Ｆ．２喺ＳＡＣ，
以後約團就靠我地架喇∼
今日首先就玩拍賣遊戲，我地用左＄３３００黎買左教會暑期班，
幾勁！！！哈哈﹏之後就有ｄ分享啦∼
好開心呀﹏ｓｉｍｏｎｅ整左啫喱糖呀！！
我同阿朱都冇去洗手，所以可以食好多呀∼
哈哈﹏唔緊要啦∼
「大菌食細菌，細菌當補品」嘛！！

約團完左之後，我諗住去買暑期作業，
唔該晒ｓｔｕｐｉｄ陪我去呀∼
好啦﹏咁我地就行過去市中心，
諗住去商務買，點知冇英文喎，
聽聞最後一本好似係比ａｐｒｉｌ買左．．．．．．
咁所以我地就去正豐喇""
[[＄５．７幫助你更快完成！！！]]
我地見到本英文成三十幾蚊，
貴左喎﹏跟住個ｓａｌｅｓ就話：
「但係我地呢本有答案架喎，可以幫助你更快完成呀！！」
聽完呢句之後，我地就更加下定決心要買呢本咁【物超所值】既暑期作業喇﹏
不過因為正豐冇ｍａｔｈｓ，所以我地又要去番商務喇∼
２個ｋａｉ子喺度行黎行去，
終於都買到喇﹏真係唔該晒ｓｔｕｐｉｄ呀，
我真係覺得超搞ｇａｇ呀！！

買完之後，我就去ｙｏｙｏ屋企食飯！！
搭輕鐵果陣，見到我表哥個ｆｄ，
同佢講下波，原來佢又係鍾意Ｃ朗架∼
哈哈﹏又多一個ｆａｎｓ喇∼

去到ｙｏｙｏ屋企ｌｕ﹏
又係喺度玩下電腦啦，
係喎﹏我同ａｐｒｉｌ星期一會唱歌呀，
哈哈∼一定好好玩呀！！
跟住食完飯，好搞笑，
我地喺度玩踢波！！！
都好耐冇玩過喇∼又回復童真！！
玩到１０幾就走喇﹏點解咁早？？
因為今晚仲有波睇嘛！！

３點鐘起身睇波：葡萄牙對德國！！
其實我都估到葡萄牙會輸架喇∼
因為始終德國都係勁ｄ﹏
好啦．．打完上半場都係０：０
下半場開波之後，德國果個舒韋恩史迪加，
入左球好令既世界波，
咁冇野好講啦，佢射得咁好∼
但係最無奈既係：葡萄牙既比堤竟然射番入自己龍門＞．＜""
唉﹏無啦啦２：０，搞到冇晒心機啦！！
之後果個舒韋恩史迪加又再射多球世界波，
３：０．．．葡萄牙冇喇﹏
不過都希望佢可以破到蛋啦！！
終於紐奴高美斯入番粒，唔使輸得咁樣衰嘛∼
其實Ｃ朗有球罰球射得都幾好架，
不過簡尼實在太勁喇﹏咁都撲到．．．
完場ｌｕ﹏球場上淨番ｄ德國球員等拎獎牌，
葡萄牙果ｄ就全部唔見晒，我諗係去晒更衣室掛∼
唉﹏葡萄牙又輸多場喇！！
不過其實佢地已經好叻架喇，
入到４強∼無論點都好，
我都會支持葡萄牙架，
因為有Ｃ朗嘛．．ＸＤＤ""'