最後一日精進班喇﹏

今日就係精進班既最後１日喇！！
哈哈﹏好開心呀∼
番到去Ｍｉｓｓ派番個ｔｅｓｔ，
我係全班最高分呀！！！
Ｍｉｓｓ送左個電話繩比我，
佢仲請我地成班飲野添呀！！
真係好ｈａｐｐｙ呀﹏

跟住我就番左屋企食野，
之後同媽咪．Ｙｏｙｏ出九龍．．
番到入屯門之後，我地行左一陣就去食野∼
我同Ｙｏｙｏ去左吉之島超級市場度試食，
ｗａｋａｋａ﹏超好笑呀！！
我地係咁試食，但係又買得好少喎∼
有個人比我地試飲果汁，但係成三十幾蚊１支，
都幾貴﹏所以我就話我地就黎要去旅行，
驚ｄ果汁好快會過期，所以就唔買，
哈哈∼我係咪好聰明呢？！

之後我地又ｊｏｉｎ番媽咪，
一齊去大家樂食晚飯．．．
我地食左果個香蕉船鐵板餐，
嘩！！好好味呀∼
好想再去食多次呢﹏

番到屋企，我同Ｙｏｙｏ又睇《惡作劇之吻》，
雖然尋晚已經睇完結局，
但係我地今日又睇，係因為．．．
我地要睇番ｄ勁搞笑既片段！！
例如喺第１９集既１８分０２秒，
蕙蘭隻眼瞪到超大．．．
真係笑到我死呀！！！

嘩!!!超大雨呀﹏

今日真係超大雨同埋超大風，
應該要掛８號風球啦！！
但係又得３號喎．．．
唉﹏搞到冇得出街∼

留喺屋企，有咩好做呢？！
我同Ｙｏｙｏ簡直就係回復童真呀！！
[[其實不嬲都係ｋａｉ　ｋａｉ地架啦∼]]
我地首先睇左２套紀錄片，
一套係講我最心愛既鯊魚．．
另外果個就係講南極，
但係好搞笑呀！！
我地以為係講企鵝既．．．

之後我地好無聊，拎左２隻兒歌既ＣＤ出黎聽！！
ｗａｋａｋａ﹏真係好搞笑呀！！
有ｄ都唔記得左點唱ｌｕ．．
同埋果ｄ人唱得好ｇａｇ！！！
今次聽完，我覺得最好聽就係果個[[魔法咕嚕咕嚕]]呀！！
好得意架＞ｖ＜'''
我地仲要喺度跳晒舞咁，好似果ｄ兒歌ＭＶ，
ｄ小朋友跑黎跑去咁！！

刺激完一輪之後，我地就十分「文質彬彬」，
喺度睇書．．．
咁跟住諗住沖涼啦，果陣時係落緊超大雨，
媽咪無啦啦話：「你地不如上天台玩下啦！！」
ｗａｋａｋａ﹏我地２個首先就係Ｏ嘴啦，
跟住就衝左上去天台喇∼

嘩！！真係好大雨呀∼
但係我地２個好似個傻婆咁，
周圍亂咁跑，亂咁跳！！
仲叫左媽咪幫我地影相添呀！！
哈哈﹏今次既經歷真係超級難忘呀∼

跟住食完飯呢﹏我地就入房玩電腦，
同埋入ｄ歌落部ｍｐ３度．．
入完之後，我地又喺度唱歌喎，
真係痴左線！！！

今日玩得好開心呀∼
「其實落雨又有乜好怕喎！！！
生命滿希望，前路由我創！！」
ｗａｋａｋａ﹏大家係咪覺得我好有文采呢？！

３Ｂ４０黃海霖

我入左３B班喇！！！
但係好似全部ｆｄ都過左去３Ｄ咁．．．
唉﹏得一個人喺果度．．．
不過好彩都仲有媽咪呀，
你記得唔好唔理我呀！！
唔﹏仲有依琳啦，Ｃoｏkｉe啦，青怡啦，
仲有Ｃaｒoｌ佢地．．．

２Ｄ班既同志，就算唔同班，
我地都要ｋｅｅｐ住咁ｆｄ呀！！
我相信我地有緣一定可以再聚架∼

阿茄同許志豪，
我真係以為你地入唔番黎呀！！
點知而家又入到喎，
真係好開心呀！！
雖然阿茄唔係同我一班，
但係我知道我地一定會越黎越ｆｄ架！！

仲有呀﹏３Ｂ既同志，
無論你而家鍾唔鍾意我地班，
我地都要一齊搞好３Ｂ！！
雖然我真係唔想同Ｏｌｉｖｅｒ一班，
不過．．．算啦！！！