快樂傳播站（一）

嘩！嘩！嘩！
今日係我地「快樂工程」第一次既快樂傳播站呀∼
真係既興奮又緊張呀﹏
今朝我同Ｙｏｙｏ起身之後，
就要出門口去天水圍ｌｕ．．．

去到中心門口，我地就見到阿卒，
跟住入去執埋ｄ野，就過去天慈，
過去做乜？？都係吹波波呀！！
但係好搞笑呀，阿茄同Ｙｏｙｏ成日吹爆波，
我同阿卒就成日吹到ｄ波波"ｂｕ"一聲就冇左．．．
之後我地又去左整ｄ快樂面譜，
哈哈﹏我地果ｄ都比人貼左上去呀．．ＸＤＤ""

好啦﹏差唔多２點我地就要過去果個天慈羅馬廣場，
因為我地要佈置個場地∼
跟住我地呢班支援隊又要出去派波波同傳單喇！！
不過都幾辛苦架，因為成日都慘食檸檬∼
但係有時見到ｄ細路好得意，咁辛苦都冇乜所謂啦！！
之後派晒ｄ波波，咁諗住攞番ｄ啦，
點知比巡遊隊攞晒．．．．．．

話晒ｄ波波係我地ｂｕｍｐ左咁耐，
佢地又唔問下我地．．．
不過算啦﹏我地係支援隊，
責任就係支援人地呀嘛∼

跟住好興奮呀，因為Ｈｕｇｏ黎左！！
哈哈﹏原來阿權隻狗又係叫Ｈｕｇｏ．．．
之後就到巡遊隊出場喇∼
但係唔知做乜，無啦啦話唔夠人，
拉左我落去巡遊隊，同個細路女一齊巡遊．．

好搞笑呀，喺度亂咁跑，
又周圍派糖喎！！
之後完左就要上台影相，
哈哈﹏阿權喺度話：「１．２．３．跳！！！」
但係冇人理佢，好慘呀＞﹏＜""
之後Ｊａｃｋｉｅ又無啦啦嗌溫諾，
仲要好大聲架喎．．．

終於完左喇∼好攰呀！！
跟住我地又要執野，
番去中心拎番我地ｄ袋，
之後我同Ｙｏｙｏ就去佢屋企食飯．．

睇《美女廚房》，超好笑呀！！
Ｊｏｌｉｎ一路煮一路跳舞∼
但係佢最後竟然整到ｄ主持全部嘔晒！！
睇完之後，我地就番屋企ｌｕ．．．
番到去，睇埋《Ｍuｍmｙ２》先瞓！！

做義工＋出九龍！！

今日１０點幾就要起身，
因為今日就係我地義工活動既第一日！！
所以我地就要早Ｄ番去幫手∼

去到中心果度，就開始做野ｌｕ﹏
做乜？？就係ｂｕｍｐ波波喇！！
好恐怖呀∼成日都有人整爆ｄ波！！
但係我地ｄ尖叫聲仲恐怖呀∼
係勁齊架．．．ＸＤＤ""

嘩嘩嘩﹏我地發現左樣野呀，
原來阿權係識整蛋糕架！！
仲要整得好好食咁喎∼
真係估佢唔到．．．．．．
睇佢個樣又唔似喎，
等我形容一下佢個樣先．．
唔．．佢個樣都幾似果ｄ漫畫人物咁樣，
佢ｄ頭髮好鬼型喎，又ｇｅｌ到唔知點咁，
總之就好似好潮咁啦！！
但係佢竟然識整蛋糕，
真係佩服佩服！！！

但係最搞笑既唔係呢樣，
佢開頭好似好勁咁，
用口吹ｄ波波喎，仲要係吹得好快架喎∼
點知過左一陣，我地見佢出左去，
咁我地就以為係ｄ波波甩色，
所以佢要出去洗下手咁．．．
但係當佢番黎果陣，
我地見佢一個鼻孔塞住張紙，
原來佢係吹波吹到流鼻血．．ＸＤＤ""

等到差唔多２點，我地就過左去天慈商場果度，
因為今日橫風橫雨，我地唔可以喺戶外進行，
咁所以就去左果度喇∼
而我地既工作呢﹏就係負責宣傳，
即係喺街上派波波同傳單果ｄ！！
各位住喺天水圍既朋友，
記得留意一下有冇我地既存在喇∼

因為我同Ｙｏｙｏ要出九龍食飯，
阿茄同阿卒又要番約團，
所以淨番思慧一個人孤軍作戰，
唔緊要﹏我地會心靈上支持你架！！

跟住我同Ｙｏｙｏ就去左同屋企人飲茶，
好野﹏Ｙｏｙｏ下個禮拜可以繼續留喺我屋企呀！！
跟住我地就搭車出去ｌｕ∼
嘩！嘩！嘩！我地落車果陣，
係真係超大雨，好似人地拍電視劇果ｄ咁，
好刺激呀．．哈哈哈！！

之後我地上左我表哥屋企度玩，
佢間屋得一個人住，好正呀！！
跟住我地睇左套戲叫《Ｂiｇ  Ｍuｍ２》
套戲好搞笑呀．．ＸＤＤ""
跟住我地又玩果部ＵＮＯ機，
好野﹏我贏左２舖呀！！

好啦﹏之後我地就去食飯ｌｕ，
果間酒樓好唔掂呀！！
ｄ野食都唔知點咁∼
食完之後，我地又番屋企ｌｕ！！

番到去，１點鐘瞓落床，
但係同Ｙｏｙｏ傾到３點鐘先瞓！！！
真係好開心呀∼但係內容太恐怖喇，
驚嚇親你地，所以唔講得！！

義工畫面譜．．．

今日又要番精進班，仲要咁早，
又話星期二有ｔｅｓｔ添呀！！
唉﹏算啦！！鬼叫自己係數學白痴咩？！

上完精進班，就上左阿茄屋企度玩，
哈哈﹏玩得好開心呀！！
之後我地就一齊去做義工ｌｕ∼
好野﹏ｋａｍｏ又同我地一齊呀，
不過佢今個禮拜要番大陸，
所以呢個星期佢都唔會同我地一齊做ｌｕ！！

今日又識多個人，叫做Ｊａｃｋｉｅ，
佢啱啱去完旅行，仲買埋手信添，
不過我第一次見佢咋喎，佢都送比我，
真係好人喇！！但係．．．．．．
唔知點解，Ｙｏｙｏ太醒目喇，
佢以為果份手信係Ｊａｃｋｉｅ漏低左，
跟住佢將果份野比番Ｊａｃｋｉｅ，
唉﹏咁又冇左份手信喇！！！

之後我地就去左樂湖食野，
我想講呢﹏果度真係好似羅湖商業城囉！！
仲有呀﹏ｄ魚蛋都ｏｋ貴喎，
Ｙｏｙｏ話佢學校附近，
ｄ魚蛋賣１蚊４粒呀！！！
仲要好好食喎∼
我同Ｙｏｙｏ食左個芝士焗龍脷柳意粉，
同埋一杯水蜜桃紅茶，
之後我地就番屋企ｌｕ∼

尋晚煲左３集《惡作劇之吻》，
今晚又煲左４集，哈哈﹏
真係太好睇喇！！
而家連Ｙｏｙｏ都比我感染左．．ＸＤＤ""
睇到成１２點，無啦啦有人打電話黎，
嗚．．嗚．．聽日冇得番約團呀∼
因為要出街食飯．．．．．．