KO了數學..

我今日好乖呀∼９點９就起身做功課喇！！
好野﹏ＫＯ左數學果本作業ｌｕ∼
而家仲差英文少少，中文閱讀報告４個，
仲有中文作文２篇．．．
進度都算唔錯架喇！！

咁我ＫＯ左數學之後，就開左電腦，
冇咩做．．都係ＭＳＮ咁啦．．
跟住就食飯，打日記，
頭先ｄａｄｄｙ租左隻《獨家試愛》，
因為佢同媽咪都未睇．．
雖然我已經睇過，不過陣間都會睇既．．
好啦﹏唔講住喇∼

做功課+游水..

今日瞓到１點先起身，
跟住食左ｄ野就做功課ｌｕ∼
ｄａｄｄｙ媽咪去左同屋企人飲茶．．
得我自己１個喺屋企．．
諗住做英文果個ｆｉｌｍ　ｒｅｖｉｅｗ，
喺網上ｓｅａｒｃｈ資料，
我要寫Ｓuｐeｒmａn  Ｒeｔuｒnｓ 呀！!！!！!！
跟住我就係咁睇番ｄ　ｔｒａｉｌｅｒ．．
哈哈﹏又喺度諗如果有超人存在會點呢＞ｖ＜

之後就去左Ｙｏｙｏ屋企果度游水，
游到７點鐘，上Ｙｏｙｏ屋企，
好野﹏Ｙｏｙｏ終於好番ｄ喇！！
真係好喇∼跟住就食飯啦．．．
食完飯睇波：曼聯ＶＳ富咸！！
哈哈﹏勁正呀！開波冇幾耐就勁多入波∼
最後曼聯贏左５：１﹏卡卡＊
之後就番屋企ｌｕ．．

快樂工程之嘉年華會

原來我識左一隻「樹熊＋樹懶」．．
尋晚１２點幾就瞓左ｌｕ．．
算係最早架喇∼
因為今日要去快樂工程既嘉年華幫手！！
今朝８點就起左身，
跟住１０點去到中心，
冇人既＞﹏＜
得我１個．．阿卒又搭錯車，
ｋａｍｏ又未到，阿茄仲衰．．
佢仲未起身！！！

坐喺中心等佢地，等左差唔多半個鐘先見到ｋａｍｏ，
阿卒之後又到左ｌｕ∼
咁我地就跟左阿梅過去潮陽小學．．
同埋仲有１個職員叫Ａｍａｎｄａ，
咁我地去到就「替汽球充氣」！！
之後有好多「生命彩虹」既人幫我地，
但係唔知點解今日既爆波率係偏高架！！
搞到我地不停尖叫＞ｖ＜

之後放ｌｕｎｃｈ，
我要去我表哥度拎個ｍｏｕｓｅ，
因為屋企個ｍｏｕｓｅ壞左＞＿＜
搞到ｌｕｎｃｈ都冇食．．
跟住即刻番去嘉年華度幫手，
同思慧一齊派扇同遊戲券．．．

好搞笑呀，我派左比個阿婆，
佢同我講多謝，但請記住佢係用鄉音講既．．
我完全聽唔明佢講咩，
咁我以為佢話佢已經拎左，唔使再拎喇，
咁我咪諗住拎番把扇囉，
點知佢係咁同我搶喎．．．
佢講左好多句多謝，但係我都係聽唔明．．
終於有１次我聽得明喇！！！
果１刻真係恍然大悟呀∼
之後我就同佢講唔使客氣咁樣．．
哈哈∼真係好搞笑呀！！

之後我地番去潮陽小學果度開「快樂面譜」，
有個人唱《明日恩典》，唱得好好聽架！！
不過今日既生意異常地少，
可能係因為今次多左好多其實攤位，
ｄ小朋友去晒第２度啦！！
所以我地十分得閒，
就喺度勁畫面譜，連「生命彩虹」既阿君，
嘉儀佢地都過埋黎一齊畫．．

之後就到巡遊隊要出場，
ｗａｋａｋａ∼好搞笑呀！！
溫諾要做車長，揹住架車周圍行呀∼
之後我地成班走左出去跳「開心舞」，
我相信全場最白痴同最投入既都係我地囉！！
又唱得大聲，又跳得勁喎，
搞到連企喺我地後面既阿權都睇到笑！！
但係真係好好玩呀！！
好想再跳多次呀∼（雖然很ｋａｉ．．）

之後有個義工既嘉許禮，
我地有份攞獎呀！！
不過派獎狀果陣時係唔跟名既，
我攞左果張叫做〔林春綠〕既人！！
個名都ｏｋ搞ｇａｇ喎∼
跟住我地又番去睇住個攤位．．

今日都真係好熱呀！！
成日都要撥扇，
仲要幫埋ｄ小朋友喎．．
不過算啦，幫到人已經好開心架喇∼
之後就到最後１次既巡遊，
好正呀！阿權同蘇峯唱歌呀∼
第１次聽咋！！都ＯＫ既．．
哈哈﹏佢地唱歌個樣好鬼搞笑！！

我地成班ｋａｉ子又搶人地ｄ禮物．．
又周圍跑黎跑去．．
真係痴線架！！！
做埋個台上遊戲之後，
個嘉年華終於完左喇！！
咁我地開始要執野ｌｕ∼

但係我地執完野先發覺，
原來仲有個「會員大會」架！！
即係叫做慰勞下１班義工，
仲有勁多分享．．．
本身都有ｄ悶架，
但係竟然蘇峯有份被邀請上台分享喎∼
咁就梗係一定要睇啦！！
原來佢好勁架．．
係「香港元朗及天水圍區青年論壇」既代表！！
真係失敬失敬！！

喺呢個時候﹏我地發現阿權正喺後面１個人執野，
睇落好似好落漠咁．．．（講笑！）
可能佢係因為見到蘇峯原來係咁勁，
於是佢就開始覺得好自卑．．
卡卡﹏其實係我無聊得滯，
亂咁講架咋∼我淨係見到阿權喺度執野．．

之後有人派左好多野食比我地，
又薯片，又蝦條，又有利賓納．．
但係其實我之前果支葡萄適都未飲完，
所以就將佢地拎晒番屋企ｌｕ∼
跟住又有個布甸食，但係都唔似布甸既，
似雪糕多ｄ．．但係冇人比匙羹我地，
所以我就去左問「１４歲哥哥」拎喇！！
哈哈﹏呢個名真係好得意呀＞ｖ＜
不過到而家都仲未知佢叫咩名，
似乎有ｄ失敗喎〔＝＿＝〕

到左５點９，呢個會員大會終於完左喇！！
跟住我地就閃ｌｕ∼
阿茄．阿卒．ｋａｍｏ佢地去左新北江，
我就去左Ｍ記買野食，
因為ｄａｄｄｙ媽咪去左山頂拍拖！！
佢地仲去埋美食博覽．．．
嗚．．嗚．．唔等埋我∼
算啦﹏我諗佢地都會買野食比我食既！！

番到屋企，就開電腦啦．．
又係ＭＳＮ咁樣．．
玩下玩下又幾個鐘頭喇！！
ｄａｄｄｙ媽咪喺１０點半終於番黎喇∼
果然不出我所料，佢地買左好多野食，
（不過如果佢地唔買番黎既話，
佢地既後果將會不堪設想．．ＸＤＤ'''''''）

而家我要去食佢地買既野ｌｕ∼
所以唔打住喇．．．
哈哈﹏名副其實既為食鬼！！

Ｐ．Ｓ．今日既日記破紀錄的長！！！