領袖生訓練日（一）

今日我又笨左喇！！！
我以為今日番８點，
加上要喺天水圍出發，
仲有我驚遲到會比人地話：
「做Ｐｒeｆeｃt都遲到，咁點做個好榜樣呀？！」
咁所以我就６點３５分起左身，
７點３就出門口ｌｕ∼

番到學校得幾個人，
跟住終於見到熟人－－伊琳！
佢話佢約左媽咪同朱朱８點４，
跟住我就話做咩佢地約咁遲既．．
唔通ＧＰ同我地唔同？！
之後佢先同我講番，
原來係番８點３０分！！！
ＯＭＧ∼以為自己好醒，
咁早就番左黎，點知．．．
原來我真係最豬既Ｐｒeｆeｃt呀！！

咁之後我地就上禮堂啦．．講左一輪野之後，
就有個叫做「遊戲無限」既機構職員黎同我地玩遊戲！！
ｄ遊戲都幾好玩架！！
有個好搞笑，係首先分左組，
跟住每個人將自己既夢想寫喺張紙度，
然後佢既組員就會幫佢實現夢想架喇！！
我寫左話我想同江直樹結婚，
跟住ｍａｎｙｅｅ就扮我阿爸，
有個女仔就扮直樹，ｃｏｏｋｉｅ扮神父，
咁跟住就問我願唔願意嫁比佢咁啦．．
雖然個直樹差好遠，不過．．
算啦﹏都好多謝我既一班組員！！

最記得Ｃaｔhｙ話想見側田，
跟住我地就搵人扮果個ｗaｔsｏnｓ廣告，
即係成日喺度嗌Ｊｕsｔiｎ Ｊｕsｔiｎ果個﹏
跟住我就搵左個紅色膠袋笠住個頭扮側田，
卡卡﹏真係好搞笑＞ｖ＜
仲要唱埋Ｃaｔhｙ最鍾意既《美麗之最》！！

之後我地就要寫對組員既感覺，喺張ｌａｂｅｌ紙度，
寫完就貼落果個人既背脊度．．
等我講下人地對我既感覺啦！！！
０１）幽默（原來我係咁幽默架﹏）
０２）直樹狂！（當然啦．．直樹太好喇∼）
０３）有愛心（卡卡﹏我都覺呀^^''）
０４）有創意（我ｄ創意去晒我ｄ夢度！）
０５）似側田（似佢都好呀，唱歌咁鬼冧！！）
０６）可愛（哈哈＊可愛？！係咩？！）
０７）搞笑（乜我真係好搞笑咩？！）
０８）有趣（又係搞ｇａｇ果ｔｙｐｅ？！點解呀？！）
０９）勤力（終於有個正常ｄ喇∼不過我諗我係勤力地搞ｇａｇ囉∼）
１０）活潑（唔．．呢個都唔錯呀！）
１１）幫助別人（呢個仲好喎．．大家有咩事都可以搵我架∼）

哈哈∼原來我都比人既感覺係咁架喎．．
好彩都唔係好負面姐．．．
但係點解咁多搞笑果ｄ既？！
唔制呀＞﹏＜人地明明係斯文大方架嘛！！
（好似同呢４個字相差好遠喎．．）

今日其實都唔係咩訓練囉，
簡直就係領袖生遊戲日！！！
玩得都好開心呀∼
不過由於今朝太早起身，
所以都好攰．．．

夜晚果陣同Ｙｏｙｏ喺Ｙｏｕｔｕｂｅ果度，
睇惡吻果ｄ特別企劃，好搞笑呀∼
有個係依晨唱《惡作劇》，
跟住阿利＋阿利嫂＋才叔喺度伴舞！！
仲要才叔係跳芭蕾舞！！！
之後仲有鄭元暢同汪東城喺度「咪嘴」唱《惡作劇》！
真係超好笑呀∼未睇既快ｄ去睇啦！！

義工開會＋去Ｙoｙo屋企

嘩！嘩！嘩！尋晚ＭＳＮ到３點半先瞓，
仲要冇做第２樣既野，淨係ＭＳＮ．．
卡卡﹏我都覺得自己好勁！！
今日就１１點半起身，
不過如果唔係去做義工既話，
我一定會瞓耐ｄ∼

咁我早左到中心喎，
點知中心竟然未開門？！有冇搞錯呀！
搞到得番我同溫諾２個坐喺出面，
又冇野講喎．．悶死左喇！
好彩２點鐘Ｓｅｒｅｎａ就黎左開門，
咁我地先可以入去．．
入到去就幫手搬椅子，
卡卡﹏我係咪好乖呢？！

阿卒佢地終於都黎喇！！
咁跟住就開會ｌｕ∼
又睇番尋日ｄ片段，
果個人一見到自己出現，
就即刻掩住塊面喎，
好似好驚見到自己咁．．
笑死我地喇！！

ｗａｋａｋａ﹏今日黎小進果件衫真係好ｓｅｘｙ呀∼
仲要係ｄｅｅｐ　Ｖ架！噴血程度簡直爆燈＞ｖ＜
開完大會又要開細會，原來果日真係唔夠人手架∼
唉﹏最衰我唔黎得啦．．
仲要果日有個義工嘉許禮，我地有獎拎架！
之後我地就幫趙Ｍａｙ手，
整ｄ快樂面譜，好多都要加工既．．
我地喺度傾出年ｓｉｎｇ　ｃｏｎ邊個會攞獎，
我地都覺得Ｌuｋｅ一定會揀柏詠啦，
我都希望佢可以贏啦！！

畫完之後，我地就諗住走，
點知喺中心門口傾左１５分鐘，
仲要好大聲喎．．．
哈哈∼實在太搞笑喇．．
「海中地」．．ＸＤＤ"""

跟住我就搭車去左Ｙｏｙｏ屋企，
因為ｄａｄｄｙ媽咪去左深圳，
所以我就要「寄生」喺佢屋企．．
呢幾日都唔會點ｏｎ　ＭＳＮ架喇！ 
聽日又要早起身，因為要Ｐreｆeｃt　ｔrａｉnｉｎg∼
由８點到４點，都唔知ｔｒａｉｎ乜！！

快樂傳播站（三）

今日又係做義工喇．．１０點鐘去到中心，
幫手ｂｕｍｐ波波．．呀﹏唔係，
係「汽球」，哈哈！！！
仲有呀﹏唔係雪糕，
係冰淇淋呀∼我地會記得架喇！！
哈哈∼阿權的中文實在太好呢∼
佢係咁「教」我地中文，卡卡﹏
比佢笑死．．．．．．

跟住大約１２點．．
我同阿卒＆ｋａｍｏ一齊去食ｌｕｎｃｈ，
諗左好耐都唔知食乜好，
終於去左一間唔知叫咩名既野，
食左一碟飯，佢地２個都食唔晒，
得我１個食晒，我係咪好勁呢？！
食飯期間喺度討論黎子進，
超好笑的﹏黎子進實在有談不完的話題！！
仲有呀，阿卒收到個電話，
話有個人今日唔黎做義工喎，
因為要上飛鵝山尋死！！好野﹏

食完飯行過天瑞，今日真係好熱，
唔係﹏係超級熱呀！！！！
我地３個就喺度行行企企，
周圍幫下手咁啦∼
嘩﹏唔知點解有人尋死不遂，
又走番黎做義工喎．．
唉∼遲早入青山架喇！！

哈哈﹏本來諗住我爬上條梯度掛野，
但係佢地話女仔唔使做呢ｄ野，
不過就難為左蘇ｆｕｎｇ喇！！
之後我地就開左快樂面譜，
哈哈﹏好搞笑呀！！
我地個個喺度狂畫阿權，
全部都係佢！！不過講真呀﹏
如果阿權係我地學校既，
我肯定佢係我地既校草．．ＸＤＤ""
因為佢真係又型又正喎！！

今日既活動又完左ｌｕ∼
我．卒．ｋａｍｏ．黎子進．Ａｐｒｉｌ，
就去左ＯＫ度ｈｅａ，
卡卡﹏又喺度講黎子進，
真係好好笑囉！！！
之後一齊去搭西鐵，
我地４個ｋａｉ子喺度研究一個好無聊既問題，
不過由於內容過於不雅，
所以．．都係唔講比較好！！

之後同ｄａｄｄｙ媽咪去左食飯，
再去睇《加勒比海盜：決戰魔盜王》
嘩﹏呢套戲好好睇呀！！
Ｊoｈnｎy  Ｄeｐp好型同演技好好，
一開頭果度好好笑！！
Ｏrｌaｎdｏ  Ｂlｏoｍ又係好型，
不過佢都真係ｏｋ靚仔既．．
結尾就唔可以講，
因為．．要留番比你地自己去睇！！
呢套野除左驚險之外，
仲有好多野好好笑！！
所以我會推介比大家去睇∼