幫舊書洗白白！!！

今日喺屋企幫ｄ舊書洗白白呀！！
擦到我隻手好攰呀∼
唉﹏不過算啦，慳到＄＄喎！！
咁都值得既∼

今日都冇乜野做，好悶呀！！
嗚．．嗚．．好慘呀＞﹏＜""
聽日ｙｏｙｏ唔黎得，
佢參加左個聖經班，
喺天水圍搭車去，
要等到下個禮拜先過得黎．．．

出左將軍澳．．．

今日出左去將軍澳，因為好耐都冇見過，
我媽咪果邊既屋企人，咁２點鐘出到去就飲茶，
飲完茶，我自己就去左新都城行街∼

諗住買把梳，原來好難搵架！！
搵左好耐，終於搵到喇∼
都行左好耐．．．．．．
行果陣見到盈盈喺個商場度做ｓｈｏｗ，
哈哈﹏唔係我地果個盈盈，係電視既湯盈盈呀！！

行完街就去番我五姨既屋企，
我表姐同ｄ阿姨岩岩去完西藏，
佢地影左勁多相，全部都超令呀！！
我都好想去呢﹏
佢地話果度ｄ水好乾淨，
就算連坑渠ｄ水都清到可以養魚架∼
不過．．香港好似相反喎﹏
ｄ海水同坑渠好似冇乜分別咁．．

聽完佢地咁講，等我大個左，
一定要去一次西藏呀！！
唔係﹏應該係要環遊世界，
用心睇清楚，神創造既呢個世界，
真係好奇妙架！！

之後我地就去左食飯，果度又有電視睇，
好野﹏有得睇《美女廚房》呀∼
蘇玉華超勁呀！！！全部攞晒滿分．．
我覺得佢令得黎係好有氣質既﹏
不過都係鍾意睇ｓｔｅｐｈｙ上去《美女廚房》，
因為小方一定會幫佢，好ｓｗｅｅｔ呀﹏

食完之後，我地就搭車車番屋企ｌｕ﹏
一路搭車，一路聽ｍｐ３，
哈哈﹏我入左ｄ　Ｐｈａｎｔｏｍ　ｏｆ　ｔｈｅ　Ｏｐｅｒａ既歌，
超正的﹏好好聽呀！！
好似話呢排個劇團黎左ＨＫ，我都想去睇下呀！！

番到屋企都１２點ｌｕ，睇番《法證烏冬》個結局，
好緊張呀＞﹏＜""
之後就瞓覺喇﹏

約團ｏｕｔｉｎｇ．．．冇去到！!！!

今日本來係約團ｏｕｔｉｎｇ既好日子，
可惜天公不造美，成日落雨，
搞到冇左ＢＢＱ，但係又冇人通知我，
有ｄ咩新安排喎．．．．．．
咁我咪喺屋企瞓覺囉∼
跟住茄打電話黎，話去飲茶，
下．．．咁搞ｇａｇ既？！
但係真係太大雨，唔想出街，
所以就冇去到ｌｕ！！

成日流流長，有咩做呢？？
咪又係做暑期作業囉！！
做呀做．．．做呀做．．．
做到食飯∼

食完飯，喺度睇番我ｄａｄｄｙ媽咪結婚果陣既ｖｉｄｅｏ，
好搞笑呀＞﹏＜""
之後９：３０就睇我最鍾意既動物－－大白鯊！！！
雖然呢套戲入面既果條鯊魚真係好鬼假，
但係我都睇得好開心呀∼
因為我真係好鍾意鯊魚，
可能有ｄ人會覺得我係傻傻地既﹏
不過我由細個果陣時已經好鍾意架喇！！

好啦﹏睇到１１點幾，咁跟住就瞓覺喇∼