幫日記進行大裝修！！！

今日唔使番學，所以喺屋企度ｈｅａ．．．
最衰冇買到暑期作業啦，搞到冇野好做∼
算啦，咁得閒，咁我就整下個日記啦！！
大家覺唔覺得令左呢？？
一定要話係架﹏如果唔係，
哈哈哈﹏睇下我會對付你啦∼
講下笑咋∼

仲有呀﹏好鍾意依晨既《非你莫屬》呀！！
佢唱歌越黎越好聽呢﹏
不過因為首歌太大，整唔到上黎日記比大家聽．．．
等我ｐｏｓｔ　歌詞上黎先！！

歌手：林依晨 | 作曲：Tank
填詞：陳信延 | 編曲：洪敬堯

懂得讓我微笑的人
再沒有誰比你有天份
輕易闖進我的心門
明天的美夢你完成

＊整個宇宙　浩瀚無邊的盡頭
　每顆渺小星球　全都繞著你走＊

＃愛我　非你莫屬　我只願　守護
　由你給我的幸福
　愛我　非你莫屬　也許會　笑著哭
　但那人是你所以　不怕苦＃

懂得讓我流淚的人
給的感動一定是最深
在我心中留下傷痕
你同時點亮了星辰

REPEAT＊＃

看　那麼多相遇　偏偏只和你
天造地設般產生奇蹟
哦　我心的縫隙　我想除了你
任誰也無法填補這空虛

REPEAT＃

但那人是你所以　不怕苦

嗚．．嗚．．葡萄牙輸左呀！！

嗚．．嗚．．好唔開心呀！！
因為葡萄牙輸左，但係我覺得佢地已經打得好好架喇∼
係個球證既問題，明明葡萄牙果邊應該有個１２碼架，
但係佢竟然當冇事發生喎，我話佢肯定係收左＄＄啦！！
如果葡萄牙入左呢球１２碼，咁就可以同法國打和，
然後加時唔入波既話，互射１２碼，
我覺得葡萄牙會有好大機會贏囉∼
但係而家乜都冇喇﹏最衰都係個球證呀！！

好啦﹏講番今日番學先∼
今日係ｓｉｎｇｉｎｇ　ｃｏｎｔｅｓｔ，
我覺得好好睇呀，首先係ｊｕｎｉｏｒ，
巧巧唱得好好呀！！之後就好似係匡匡，
超型呀．．ＸＤＤ""佢唱得都唔差既，
不過就．．．唔識講呀∼總之就好好笑啦∼
之後果ｄ都好似麻麻地啦∼

到ｓｅｎｉｏｒ喇！！！
第一個係善恩，佢ｄ英文超正呀∼
不過我覺得唱得最好既係劉（浩？）（恩？）
ｄ高音佢又唱到喎，超勁呀！！
仲有好多人參加架，不過冇乜特別深刻既印象，
之後因為我要去覆診，所以冇睇到ｌｕ，
如果方便既話，請留個言比我，講番ｄ賽果啦，ｔｈｘ∼

覆完診之後，我就同ｄａｄｄｙ．媽咪去稻香飲茶，
見到好多老師喺度，仲有呀，
之前果個講英文超正既ＴＡ呢，
原來佢個細佬喺ＳＣＣ讀Ｆ．３架，
我記得佢應該係３Ｄ既上半班，
因為我考試果陣成日見到佢！！

飲完茶，我地就上左柏麗配眼鏡喇﹏
係呀﹏我配左副粗框既眼鏡呀∼
我覺得都幾好睇既！！
跟住番左學校賣書，
嘩﹏我計過喇∼如果ｄ書賣得晒既話，
有成差唔多＄６００呀！！！
真係希望佢可以賣得晒啦∼
好啦﹏賣完書就番屋企喇．．

原來聽日係唔使番學架﹏
我都唔知添，好彩冇番到去咋！！
最衰冇買到暑期作業啦，如果唔係咪可以做下囉，
喺屋企又冇野做．．．．．．

Ｄａnｃe Ｐeｒfｏrmａｎcｅ！！

今朝４點鍾起身睇波，德國對意大利．．
開始下半場．．．好彩冇入波咋，
打完９０分鍾都仲係０：０
要加時﹏我一向都唔太鍾意德國，
所以今場撐意大利！！！
加時仲淨番１分幾鍾，大家都以為要射１２碼，
仲要諗住一定係德國贏硬，
點知意大利就連入２球，奠定勝局∼
我再一次成功地捧邊隊，邊隊就會贏喇．．ＸＤＤ""

睇完波之後就冇瞓ｌｕ，準備早ｄ番學．．
番到去，見到佢地喺ａｒｔ　ｒｏｏｍ，
咁就入去喇，嘩﹏個個都好索呀！！！
媽咪好令呀，仲要夾左曲髮添﹏好有女人味呀！！
哈﹏阿朱著左我套衫同裙，好好睇呀∼
跟住搞下搞下都差唔多開始喇∼
本來我地係第５隊架，而家就調左上去第３隊．．
算啦﹏話明係「廁所位」，都冇乜所謂啦∼
本來曉君病左，唔知佢番唔番到，
但係佢都有番到黎，咁就好喇，冇事喇∼
同埋媽咪之後比人整親，驚佢跳唔到，
但係今日又好似好番ｄ，真係感恩喇﹏

終於開ｓｈｏｗ喇﹏兩個ＭＣ　ｄ英文真係超正呀！！
第一隊出場既係：ＳＵ！！！
嘩∼阿Ｓａｍ跳得超好笑呀﹏睇唔慣呀．．
佢好似好柔軟咁．．．即係好女仔呀．．ＸＤＤ""
我就覺得Ｏｉ　Ｌｉｎｇ跳得最好睇，
佢仲打側手翻咁出場呀∼勁！！！

第２隊唔知邊個，但係有３個人跳唔知ｊａｚｚ定係ｈｉｐ．ｈｏｐ，
都幾好架，不過我地要喺後台準備，所以唔係睇得幾清楚．．

到我地喇！！台下ｄ人一聽到「可愛的蘇珊娜」，
就係咁笑，不過我都有笑，因為真係好搞ｇａｇ呀∼
之後一路跳，都ｏｋ啦，又幾好玩喎∼
哈哈﹏跳緊果陣，我一直都係咁笑，
終於跳完喇﹏謝完幕就落番去ｌｕ∼

之後ｄ次序可能會有ｄ亂，因為唔記得左！！
有隊係有Ｍａｒｋ社啦長既，佢跳得好好呀，
不過好似瘦左ｄ咁．．．

跟住有莫介熙同劉浩（恩？）跳ｈｉｐ．ｈｏｐ，
超勁呀﹏跳得好放，好好睇！！
我呢一世都一定唔會跳得咁令架∼

跟住又有４社社長跳【唱這歌】，
我地個男社長好鬼得意呀．．ＸＤＤ"""

係呀﹏仲有中國舞呀，雖然睇左幾次，
但係都唔係好悶，我覺得孔佩汶真係跳得好好呀∼
佢小學果陣已經有跳架喇！！

嘩﹏最精彩就係ｊａｚｚ　ｃｌｕｂ喇∼
因為有朱喜靖！！！佢都跳得好既，
但係就肥左ｄ同埋矮左ｄ∼
不過佢真係咁夠膽喺台上面跳到咁咩喎！！

個ｓｈｏｗ終於完左喇﹏無啦啦又要我地上番去影相喎∼
但係要當住咁多人面黎影，好似好咩咁．．
唔通擺晒ｐｏｓｅ咁咩？！
但係我地成班ｋａｉ子喺度扮晒ｈｉｐ．ｈｏｐ咁，超搞笑！！
哈﹏之後去番ａｒｔ　ｒｏｏｍ，
喺度玩整曲髮！！！幾好玩呀．．ＸＤＤ""
唔該晒呀﹏阿朱∼
曉君同ａｐｒｉｌ今日去ｉｎｔｅｒｖｉｅｗ，
希望佢地成功啦∼

之後同ｃｏｏｋｉｅ一齊走，佢話驚ｐｒｅｆｅｃｔ唔收佢，
唔使驚啦，我覺得應該會得喎，你個ｆｅｅｌ咁似ｐｒｅｆｅｃｔ∼
番到屋企，就係咁樣打下日記啦，有幾首歌呢排幾鍾意，
依晨既【非你莫屬】，蔡健雅既Ｂｅａｕｔｉｆｕｌ　Ｌｏｖｅ，
仲有ｆｉｏｎａ既《樹娃》，當然唔少得側田既〈感動〉啦！！

　　　　　　　　　　　今晚一定要撐葡萄牙呀！！！