終於要考中文啦,

今日依然係去寧波2考試,

今朝比琴日早左出門口,

事關等車要等耐,

同埋好多人等,

同我個妹一齊落樓,

嘩....落到去,比琴日仲多人,

仲排得遠過琴日,

真係陰公,

等左又係半位鐘到,

先有得上車,

係我就黎上車個陣,

有好多人企左係側邊,

開頭都唔知咩事,

後來先知原來想打尖,唔排隊.....

跟住有2條仔諗住打尖上車,

係佢地想打尖之際,

比個專係幫手睇住d人上車既師奶喝住左,

仲係咁鬧佢,抵啦...呢d咁既人,

個師奶就係到話"喂!打咩尖呀,有冇禮貌嫁你,

你見唔到好人排緊隊咩,你好唔好意思呀~''

但係個2條條依然有理到佢,

係我上車個陣,佢就係我後面打尖上左車啦,

唉~真係替排緊隊d人慘呀.....

上到車,個2條仔就話"收皮啦" ,

個司機就係咁望住個2條仔,

我個下就係到傾緊電話,

一路傾,就同個衰人講番頭先既情況,

去左其中個站,

個司機問有冇人落車,

但係冇人應,

不過我就見到個學生妹係到舉手,

but個司機見唔到,

個司機問左好多次,

都冇人應,個學生妹就係咁舉手,

唉...好心佢啦,

要落車就出聲啦,

舉手有鬼用咩....

家下又唔係上堂答問題,

係到舉咩手呀....

搞到個司機睇唔到,

去到落車個落,個司機見到冇人要落車,

諗住繼續行個下,

個學生妹終於都出聲啦.....

點知個2條仔又係係呢個站到落車,

個司機見到,就已經忍唔住爆粗啦....

個司機話"屌你老母呀,死7仔"

wo~好似睇緊戲咁,

個2條仔落車個陣仲好理直氣壯咁,

仲要''碑''住個司機.....

真係掂呀~

咁我又同個衰人講啦,

佢又係到同我講笑喎,

真係笑死我啦.....

好啦,終於落車啦,

唉~點解又係咁熱嫁,

仲熱過琴日.....

去到學校等啦,

有到去,收好d野,

開始考試lu......

唔~今日都唔錯,

2份卷都唔係好難,

都識做,不過卷2就差d唔夠時間做呀....

做完等收卷個陣,

個考官就開''咪''講野,

講番英文sly b有人出''喵''單野,

講左好耐,好彩唔關我事姐....

個完呢單野,就講話琴日有人唔見左部電話,

下....咁都有得唔見,

唉~搞到一大輪野,又要放係chair下面,

仲要比佢地見到添,

咁都可以會唔見....

邊個咁唔好彩呀,

咁多人睇住,都會唔見,都會比人偷左,勁呀...

就係因為咁,個考官就叫我地小心d睇緊自己既野,

唔係唔見左野好難幫我地搵番....

放學lu....又係搭的的番屋企,

天氣太hot啦,又冇車可以直接番黎,

行去等車個到又遠,冇計啦,

想省下$$$都唔得,

番到黎,食noodles食,

睇下電視,玩下電腦,

輕鬆下咁....free呀~

開住左部冷氣嘆....

之後mum打黎問我今日考成點,

ok啦,次次都係咁問佢,

不過係事實...

考左咁多科,差唔多尾聲啦,

覺得咁多科中,做得最好應該係今日呢份啦,

做緊個下好有信心,題題都識做,

不過唔知做出黎d分數點呢???

希望過關啦....

黎緊考既科目就有econ同埋文學,

仲有2科咋,大家一齊比心機考埋佢呀,

之後一齊出黎wet呀......

聽日就溫econ啦,希望溫得晒啦~

願住保佑呀....

今日終於要考maths啦....

好驚呀,呢科係最差既一科,

都唔知點算好.....

7:30出左門口,去到番下等車,

嘩~咁多人既,仲排好長龍喎,

等左半粒鐘,先有得到我上車.....

去到學校,就等啦,等期間就傾下電話咁,

差唔多時間上去lu......

唉~今日又係咁hot,

間學校又冇冷氣,真係熱鬼死呀.....help~

一路做,就一路''彪''手汗,

paper 1 既甲部都ok既,

但乙部就...死左啦,好難呀~

paper 2 開頭到幾好,

到後面就七彩啦......

唉~不過算啦,都係咁啦.....

番到黎,就即刻開腦,

上下論壇睇下d model ans,

嗚.....     錯左好多呀.....

岩得個20條到咋~

paper1 死左,paper2又咁岩得咁少,

炒梗啦呢科又~''

不過....唉~算吧!

聽日考中文啦,

希望呢科可以考好d啦.....

嘩....好熱呀....

搞到周身都唔知點咁....

今日晏就同呀媽搭車去寧波2中

視察下環境,

去到門口,e....

間學校都幾新下喎,

但點解會冇冷氣嫁....

真係唔知點死囉,

呢幾日又咁鬼死熱....

我仲要係間學校考成3日咁多,

唉~.....

之後就去行下街,

行到7點幾番home,

番到黎傾飯飯.....

食完飯飯,就溫多陣maths,

準備聽日去迎戰啦.....

唔,都差唔多時間睇15/16啦....

親愛的15/16哦.....

今日一早就冇人係home啦,又得我一個人lu.....

事關佢地要番工番學,

就得我一個啦,又係自由時間啦,

起身就睇下電視咁,

大概10:30,我個妹就打比我,問我陪唔陪佢去買碟,

咁我就當然同佢一齊去買啦....

搞左大一輪,終於出得門口啦,

我個妹就係m記等我,跟住就上去匯景,

嘩....好多間鋪都未開呀,

可能仲早啦,咁我地就去左m記食野啦,

食完野,再上過去睇下間野開左未,

wo....開左啦,買左王子變青蛙同埋惡男宅急電,

買完碟,就行下咁啦,

行到其中一間鋪,就買左2支指甲油,

買完就番家lu.....

番到黎,就開始煲碟,

煲到2點幾左右,

我又出左街街,

今日終於都可以見面啦....

好耐冇見你啦....嘻~

去左amp到行,跟住就去左吉野家野食,

食完野,又行下.....

6點幾衰人就送左我番家,

番到黎,好累啦,

休息左陣,就開工啦.....

係咁溫maths,睇下d公式呀,

計下d數,同埋睇下點計,

溫到咁上下,食飯飯lu,

食飽飽,又開工啦.....

希望溫得晒啦,

好,聽日再比心機繼續溫,

仲有一日既時間,

希望可以攞到個e啦...

唉~我d maths咁差,

唔知有冇希望呢???

唔...一定要努力,比d信心自己先,yeah.....

今日真係過得幾開心,

累啦,訓攪攪lu...

今日dad and mum佢地都放假,

so,成日都番係home,

我就依然好比心機溫書....

佢地就訓攪,

今日都幾好,有d成果,

溫左2課書,仲有2課未溫,

之後再溫埋佢,

今朝早同我個妹落去買野,

買完野番上黎,

又要再落過去,事關mum期待已久既''碧麗珠''掃麈個支野有貨啦,

咁又要去多轉啦,

番到黎,開始溫書啦.....

溫到咁上下,就食lunch lu,

mum煮既野真係美味呀,正....

食飽飽,就陪mum落惠康掃貨,

番到黎,又繼續溫書,

溫到咁上下,休息lu.....

下回繼續,

食完晚飯,睇電視,

又傾左陣電話,

好無聊咁又過左一日啦.....

聽日開始要溫maths lu,

同呢科決一死戰呀......