琴日dad番左大陸,

so又自由lu,

今朝9點幾就起左身,

但係都仲係好晏訓,

不過唔知仲咩就訓唔番著,

咁冇計啦,又開電腦玩.....

一開電話就上左勞工處到搵下d工,

e....見到kt請大量待應生,

諗住打去問個陣,

見到婷online,

咁就問下佢見工個到有冇打比佢啦,

點知冇打比佢,

咁岩佢都上左勞工處個網到搵工,

都見到kt請人喎,

咁佢就打左電話先啦,

唔係呀.....冇人聽....

打左好多次,終於有人聽啦,

個個人話可以去見下,

咁我就問婷今日去唔去啦,

佢話去,咁就一齊啦.....

約埋呀yuen.....

2:00係kt mtr到等,

呀yuen遲到,咁我同婷就行陣先啦,

行左陣yuen黎到啦......

係apm行左陣,

都搵左好幾間餐廳,

有d就話要經驗,有d就話唔請住,

之後去到其中一間,婷同yuen就入去問,

我冇入去事關佢要請18,我又唔夠,

so......

下....要自己填form寄去,真麻煩~

攞完form,繼續行,

見到有間cake shop請part time,

我同yuen就去問啦,

跟住填form,

填完之後就去左工業區個面搵今日打去個間野,

嘩....係邊到嫁???搵極都搵唔到.....

去到門口又唔肯定係咪,

之前又問過個保安幾次,

都仲係搵唔到,

最後個保安見到我地係到行左咁耐,

都仲未搵到,就指比我地,

下....原來間野未開鋪,係新開嫁,

唔係呀....之後我地都冇入去問,

仲要係保安員係咁望住既視線之下,

好無奈咁行番出去,

咁出到去,就企左陣,

婷就打電話去其他d餐廳問,

最後就去左kowloon bay,

去到第一間問既就係pizza hut,

其實我諗佢係請嫁,

但係個個人問到我地9月打後係咪都會做,

我地就沈默左,

之後就答仲諗緊,

就係咁,個個人話希望真係之後都會做,

同埋以家都係請part time,

叫我地諗清楚,

之後就去左第間,

都去左成3-4間,

都係要填form,

填完之後就要等電話......

行行下,yin同麗如都有打比婷,

原來佢地都係kowloon bay,

不過我地冇去搵佢地,

我地繼續自己行,

行到咁上下,諗住走個陣,

就企左係到諗,

究竟去唔去番pizza hut好呢???

事關我同婷都想做,

但係諗番起頭先個個人講d野又好似唔清唔楚咁....

又話咩part time,又唔知咩咩咩.....

唉~最後都係走人,去番apm既元氣同埋吉野家到問,

去到元氣,佢就話要18,

yuen就同我一齊入去既,

我就指住yuen話佢夠啦,

點知佢話唔做,走人......

個下真係勁無奈同比佢激死呀......

之後就去吉野家啦,yuen就撞到熟人,

傾左陣,婷就去問請唔請人,

個經理話暫時唔請住......

咁佢就唔好再貼張野出黎啦......

行到5點幾,好累啦,

今日成日都係到行,冇停過,

好辛苦耶......

真係搵工都咁難呀~

之後yuen話去食野,

但係我同婷都冇$$,so唔食lu....

番家啦~.....

番到黎,隻腳就斷咁''擠''

成個人又好累,

即刻訓到係到....

呼''舒服晒~

希望今日搵個d工會打電話黎啦.....

今日真係辛苦晒婷啦,

去到每間餐廳都係佢帶頭問,

哈哈,我同yuen唔夠膽呀.....

真係唔該晒你呀~''

如果真係冇一間打電話黎,

星期一就去mk到搵啦......

好肚餓呀,今日成日冇食過野,

以家要去食飯飯同休息下lu.....

以家成個身驅都好似唔係我咁,

好累好累呀......

真係要補足番體力先得啦~

大家都未搵到工既朋友,

唔好氣餒呀,一定會搵到嫁....

只要唔好放棄就行了~嘻''

今日打到呢到啦....see you''

今日終於冇比人嘈醒啦....

so good~

訓到9點幾,dad叫醒我要我去幫uncle同bb預約睇doctor....

好啦,癱左陣就起身lu,

搞掂晒就落去診所幫佢地掛號,

嘩....咁多人睇doctor,

要等成11個人,11點先有得睇....

o~真係慘''

番到黎,打比uncle同佢講,

原來佢地一早到左,

不過佢地黎到我已經走左lu.....

哈哈,之後又開始玩電腦,

同人傾下計咁...

真係每天如是呀....

悶死啦係home~

晏就冇野做,

就睇下碟咁啦....

睇''王子變青蛙''....

開頭對呢套劇冇咩興趣,

不過睇睇下又覺得唔錯......

用左成個晏就,好努力咁睇晒佢,

睇晒lu.....唔錯唔錯.....

之後婷同麗如send sms比我,

婷去見工啦,咁快就搵到工.....

我地班女人仲未搵到耶~

不過唔知見成點呢????

又唔知佢見咩工喎???

問佢又唔覆我.....

我都係時候要去搵工啦~

個天氣已經好左啦,係時候行動了....kaka~

麗如就問我估會考會有幾分喎,

唉~咁我就同佢講都係估6-8到啦,

最起碼可以讀到ive先啦,

同埋佢都未搵到野做喔,

唔緊要啦,呢d野要慢慢黎,

呢句野都唔知講左幾多次囉~

係就要慢慢黎,唔可以急,

咁都要搵嫁.....唉~'''

唔得啦,再係home就頂唔順啦,

好....要去搵工啦......

希望有人請吧~

我要搵長工呀,暑期工都冇人請既,

唔理得咁多啦......

見步行步吧-w-''

終於考晒試啦.....好開心呀~

今日考文學,paper 1 滿意,

paper 2就一般啦.....

總體都ok,

考完試成個人鬆晒....

之後就要搵工,出街玩啦,

今日去到學校見到珠姐,

佢電左hair呀....

有d睇唔慣,

考完番到黎啦,

第一時間開腦...哈哈......

今日天氣真係唔好呀,

打風喎,不過打唔打風都冇所謂啦.....

以家就淨係等6月既 oral,

心情愉快唷~.....

之後黎緊要番學校參加畢業禮,

到時仲要攞埋成績打呀,

唉~諗番起學校d成績都想死,

差到你呀媽咁.....

不過算啦,

都係會考個張重要d''

原來學校成立左學生會,

又唔見我地個陣有,

以家先黎有.....

真係一代比一代幸福囉.....

今日去到學校,

見到有個女仔有d問題,

自己係到自言自語,

又話咩比人嘶票,

又話自己琴棋書畫樣樣得,

仲要講到勁大聲,

個個都係笑同望住佢,

但係好奇怪一樣野,

考試過陣佢又冇發癲喎,

真係想知道佢份卷write左d咩落去添......

好啦....打到呢到為止lu....

以家要盡情去玩啦~.....la..la~..la~

可惜落雨冇得出去玩....慘....

不過唔緊要,大把時間呀....

呵~呵~