| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
| 2005 年 4 月 12 日 星期二 |
 | |
|
成日激我 |
|
今朝又係咁早起身去行街~今次帶埋毛毛去呀~都算聽話啦~唔跟人走~佢跑起上黎好得意呀~聽日到發仔落街啦~希望佢聽話d啦^^
我發覺佢真係越黎越似以前o既maymay呀~我地好似掉亂左角色咁~我都唔知點咁~佢成日拎第個女仔黎激我~我真係好唔鍾意咁呀~如果佢真係要搵第個~我真係阻唔到~我只係知道自己盡左力~我已經改變左自己黎就佢~但係佢最後都要揀第二個~我真係無話可說...只係知道原來自己再做d咩都冇用...為有放棄......
|
| 刊登時間︰2005-04-12 06:07 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 4 月 11 日 星期一 |
 | |
|
好熱呀... |
|
唉~呢兩日好熱呀~聽講周中又凍喎~唔好玩啦~我d背心巢返晒出黎啦~又凍~玩死人咩~今朝9點鐘起左身啦~要過醫院做物理治療呀~好攰呀~返黎就冇訓過啦~開電腦睇keita同leo呀>v<錫晒佢地呀~好衰架~成日要人掛字佢地>v<哈哈!
我要比心機練腳啦~就快要見吳醫生啦~要比d野佢睇先得架~佢話佢博晒命同我做架個手術~唔比佢到d成績佢就一定嬲死我啦>_<"加油呀maymay~我仲要去日本架~努力努力~!!
|
| 刊登時間︰2005-04-11 05:43 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 4 月 10 日 星期日 |
| |
|
開心呀~! |
|
好開心~琴晚睇左最後一場darling的演唱會~好正~我覺得正過part1呀~可能係因為最後一場~所以氣氛好好呀~琴晚嘉賓係鄭少秋~佢同leo合唱左首<笑看風雲>跳果隻舞呀~leo唔係好識跳~跟唔上~都幾好笑的~leo到左中段唱<其實我...我...我>d和音突然攬住佢話好唔捨得佢果陣已經喊啦~好感人~跟住琴晚唱最後一首歌又喊~琴晚有兩次encore~第二次上黎搵埋d dancer上黎圍繞場館一周~佢唱<愛與誠>同<必殺技>~即係琴晚唱左兩次呀~正到爆呀~映左好多相相同movie~開心死~我最意佢一出場果白馬王子look同埋羅馬王子look呀~簡直係令爆鏡呀~>v<!
今日我答左佢啦~我決定比多次機會佢~呢次真係最後一次~任性多一次~!
|
| 刊登時間︰2005-04-10 07:33 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 4 月 9 日 星期六 |
| |
|
唉....開心/唔開心....!? |
|
今日佢出左街lu...但係佢好似唔係好想我搵佢咁....打比佢佢話睇緊書....send sms又唔應....跟住打比佢....佢話佢唔記得左....訓左喎...但係我硬係覺得有人係佢屋企....但係佢又話冇....咁我信佢啦....因為我話過要對佢有信心架ma.....跟住再send多個sms比佢叫佢食完野打比我....但係佢都係冇回我....等佢電話等到而家3點了....我真係覺得自己係一個後備情人....我都唔知自己係度做緊乜.....唔通我真係作賤緊自己...?唔通叫佢打個電話比我都咁難....?我真係好驚....唔知可以點....佢以前都唔係咁架....我真係好想知道佢係咪仲未揀到囉....但係我真係想話比佢知...我真係唔係以前o既maymay黎....唔通佢仲感覺唔到咩...!?無論咩我都比以前關心佢...錫佢...體諒佢....緊佢....唔通咁都感覺唔到....!?係我做得仲唔夠好...!?定係...無論我點做都唔及carol....!?又或者...我做d咩你都唔會好似以前咁鍾意我....!?如果你真係唔想我再煩你o既....你又唔想打比我o既....咁我唔煩係....唔搵你...我只係想話你知....我鍾意你...但係我控制唔到你鍾意我....我唔想做後備情人...好辛苦的...我希望佢諗清楚話比我知...(我退出..但求大家歡喜...無謂到最後不三不四....)
係我等佢電話果陣...我去左整蛋糕...算係成功左啦...好食過上次果個....但係靜同河河話食死人架喎-_-"係呀...我加左老鼠藥呀....我想自殺呀ma=_=我下次就整比你地食...呵呵呵....
就到夜晚啦....我要去睇darling啦....心急死....我一定要映多d相仔返黎>v<....
唉...所以我都唔知應該興奮定唔開心...聽日我就要比答案佢啦....希望佢今日記得應承我o既野啦....
好啦今日講住咁多先...我玩多陣就出去啦...聽日話比你地知個演唱會有幾正>v<!
|
| 刊登時間︰2005-04-09 03:21 PM [ 訪客留言(2) ] [ 編輯日誌 ] [ 分享至FACEBOOK ] |
| 2005 年 4 月 8 日 星期五 |
| |
|
難以形容 |
|
我今日心惰難以形容....又好驚....又好緊張....又唔知點咁....
驚...唔知聽日佢會點....唔知聽日會發生咩事.....雖然話我對佢有信心...但係唔知點解我都好驚....好唔知點....唉....有冇人可以解答下我呀......突然覺得好冇助....
緊張....就係聽晚去睇leo啦.....終於都到左聽日啦....期待左好耐了!
|
| 刊登時間︰2005-04-08 04:47 PM [ 訪客留言(0) ] [ 編輯日誌 ] [ 分享至FACEBOOK ] |
« | 264 | 265 | 266 | 267 | 268 | 269 | 270 | 271 | 272 | 273 | »
|
