今日係復活節的第一天，話時話呀囡D咳都咳左好耐都未好，今日放假我一早就起身同佢去睇醫生，點知睇開個醫生今日下晚先開診，為由同呀囡去街市買蟹今晚煲蟹粥食先啦，順便再去７仔同佢換２套書，去到街市買左蟹見有花螺，好耐都無食過啦，對上一次都好似係成年之前嘅事，買好晒野就去７仔換書之後就返屋企，呀囡係出面玩我就到廚房整蟹同煮粉粉比囡囡食，佢食完先到我自己開餐，我要怏Ｄ食完同呀囡訓覺啦，３點半仲要去睇醫生架，睇完醫生就接到啊ｆｉ電話，話佢出左黎想上黎我度攞學行車，還點都係得我一個食飯，我就同呀ｆｉ講話我煲左蟹粥睇佢係唔係我屋企食埋飯啦，佢ok，返到屋企拿拿林同呀囡洗白白之後再攞格學行車出黎，點知希希見到即刻坐落去，仲整埋ｖ字手勢tim．

算啦格車車都會比 Michelle 就比佢坐多一陣啦，而我就去煮飯比呀囡食，食完先食藥水，差唔多６點呀ｆｉ就上到黎啦，之後佢就同我餵希希食飯，我就去煮埋ｄ野食，呀囡唔知係唔係食左藥好倦啦，我地食野時佢就係ｓｏｆａ訓左，都好等佢訓吓啦，我地就可以開餐啦．

好開心因我煲Ｄ粥有人欣賞呀ｆｉ話好好食，唔知係唔係對住我佢胃口特別好呢，佢食左成３碗粥，仲要加個公仔麵 tim，走前我地仲影左幾張相，佢走時都成１０點半啦．

假期前夕，我地一班同事去左 Mega Box 德興打邊爐，我Ｄ同事好想見希希呀，仲叫我帶埋佢黎 tim 所以一收工我就第一時間走，去搭車返屋企再接埋希希去 Mega Box ，其實香港Ｄ人都唔係甘差姐，佢地見我抱住個囡，都會讓坐位比我，甘我當然就會去坐啦，因我個囡其實都幾重吓，去到得福廣場，嘩佢地間直就好似將個 Hello Kitty Land 搬左去九龍灣見到甘靚等一時間同希希影相先，都影左幾多架，影完之後就去搭 Bus 去 Mega Box 度啦，到達酒樓後得一時間同佢去 Toilet 先，其實佢搭巴士時已經想去架啦，德興Ｄ小朋友餐具係用叮噹架，好靚最衰唔記得影底，食到甘上下佢開始同佢地熟啦開始玩，佢仲係甘啊泰玩 tim，但好搞笑佢地叫希希 'meet' 啊泰佢又真係識聽 wor，真係走去 'meet' 佢，仲要 'meet' 埋佢Ｄ手毛 tim，真係見到都想笑，我地一大班一路食一路傾，唔經唔覺都成１１點先走，我地去搭地鐵，可能希希倦佢入地鐵車箱時無留意個車卞位，佢跌左落去，好彩我快手捉番住佢（個刻個心都唔知幾驚），唔係都唔知點算，返到屋企都成１１點４５分，甘夜我即刻同佢訓左先，之後先整自己Ｄ野啦．

今朝起身梳洗過後，希希醒左，仲走黎 Toilet搵我 tim，可佢去完小便，之後開奶奶比佢食，唉！點知佢竟然賴尿，立即同佢換褲，點知無耐又第２次賴尿，本來諗住同佢去公園之後就返工，佢賴左２次我要受罰唔同佢去公園我就去返工，在返工途中我再打返去，點知佢然第３次賴尿（今次係專登唔去 toilet架)

今朝起身摸希希頭仔有D"慶慶"地                              等我同你探熱先，點知呀囡你真係發燒 ，那我就立即拿退燒藥餵你食，都好你食完之後都退番燒，唉！６點幾本來諗住同你出去架，點知你又發反燒啦，今次仲燒去１０１ tim，都係唔知好彩定唔好彩，你睇親Ｄ醫生全部都休息，咪問朋友有邊個醫生好囉，飯都未食就即刻同你去搵醫生啦，都好個醫生哥哥好世心甘同你檢查，朋友你真係無介紹錯，睇完醫生後返屋企，開左支奶奶比你食，食完之後就食藥，但媽媽我都肚餓啦等我去沖個cup noodles醫吓肚先，今晚仲要搞定個鬧鍾１：００起身再同你探熱呀，１：００啦探完熱好彩無熱反，點知到３：００你爸爸返黎我再同你探，唉！囡你又燒返啦，快ｄ乖乖食完藥等媽媽抱你入睡啦．囡你要快Ｄ好反，媽媽先可以同你去街街架．