琴晚2點幾，希希又燒到105啦，我那那臨去攞退燒藥同佢塞肛，同佢塞完，佢係甘飲水，２塊面豬登紅到成個蘋果甘，見到都心痛，好彩佢塞完之後都出左身汗仲退埋燒tim，見佢退左燒個心都定ｄ，今朝起身佢真係退左燒啦，希望今晚都係啦，之後老公打番黎問個囡點，我話退左燒啦，跟住佢就話星期六返唔到黎月尾趕出貨，我話哦之後我就sent左個sms比佢同佢講“你忙還忙唔好淨係食公仔麵，唔得閒煮飯就同Machel出去食啦，食得多公仔麵無益架，之後又send左個msn比佢” 如果你星期六好倦, 你可以星期日係上面架, 我唔想你甘辛苦呀，本來諗住去買ｍ記食，點知希希又黏到實，而呀姐又２點半黎清潔．

我而家係醫院唔係屋企用唔到電腦去寫日記，咪有手寫板先啦，今日比Cinda 鬧話點解呀囡燒到 105 都唔同佢入院喎，佢仲問我知唔知小朋友發高燒係一個警號，你都唔想個囡有事架，甘又係我而家得番個囡，如果佢有ｄ乜事我都唔知點算唉！　到左夜晚８點幾呀囡又發左燒啦，仲燒到 103 tim，唔理甘多啦去左急証先算，甘晚我都無諗過呀媽會同我一整去架，係 taxi 到我 sent左個msn比老公 (而家我部手提可以上msn啦)，見佢無打比我，甘佢緊係無睇啦，我咪去到醫院再sent多個sms比佢話而家係明愛急証，無耐佢就打比我啦，（唉！下次有緊要事都係send番sms好d，起碼即刻睇到丫（不過我會諗點解係新會又有大陸手提都要開著部香港手提呢？可能佢鍾意用sms同rachel傾計談心啦，不過算啦，我話過唔理佢地Ｄ野就唔好理啦，如果我為左lee D野同佢嘈，咪盞佢覺得我仲煩，我唔想囉）我同佢講話個囡燒到103，睇吓今次醫生比唔比佢入院啦，我地都等到差唔多１１點鍾先叫希希個名啦，我入到去第一時間同醫生講話佢燒左差唔多成個星期，醫生聽完“吓燒左成個星期要入院喎，之後醫生叫我地去照Ｘ－ＲＡＹ，入到去希希要訓係一張床到，佢岩岩訓醒又係一個甘ge環境佢邊肯制丫，甘我為有挾住佢對腳，再按住佢對手先得咋，一路照就一路喊，睇見都心痛，之後就出去等叫名上房，我地上到去都成１２點幾啦，之後仲要量高度同磅重，ｄ姑娘唔係度時希希自己上左磅，都有13.1kg，但到姑娘入黎佢又唔肯量，搞左好耐先得，希希而家高係 88.8cm，但到磅重時佢又唔肯，我咪話之前佢自己上左去磅有13.1kg，但d姑娘要親眼睇喎，咁咪為有我抱住佢磅完再到我囉，我地係61.5kg，而我就係48.4kg，即係 106磅，但我又著緊牛仔褲，我諗我都係得104咋，而希希就好似我之前甘講13.1kg 28.8lbs，之後就係量心跳，希希初時都唔肯挾手指架，咁我咪同佢講”你睇媽媽都係咁挾咋，到左醫生想攞喉嚨d細胞去化驗時，又要出動埋我同姑娘先得，哈哈好野緊係o係最後架，就係抽血啦，我用件玩具氹希希訓落將床到，之後姑娘就縛住佢再叫我出去，可能佢地唔想d父母見到自己個小朋友比人抽血啦，唉! 抽血都抽左成2至3個字，希希仲係甘鬧佢地曳曳tim，一路鬧一路行出去，甘我咪即刻去門口囉，佢一見我就沖去我度啦，嘩跟住我先見到由原本一個醫生同一個姑娘，變左2個醫生同3個姑娘幫希希抽血，你可想言知希希幾難搞呢! 跟住就入房啦，入房之後就即刻打番個電話比老公，嘩幾點啦仲未訓 (唉! 可能岩岩同rachel啖完心啦)，正想話佢知希希點，醫生又到啦咁咪為由收線先囉，餵左希希食藥就同佢訓，初初姑娘都無比床我架，可憐我只係坐係張登到氹佢訓囉，見希希就訓，等我sent個sms問老公訓未先，跟住佢就打比我啦，雖然我同佢之間嘅話題都係圍繞住個囡，但係佢一句咁你有無攞多件初比自己呀，我已經好開心啦，起碼佢仲識關心我丫，同佢講左幾句就收線啦，臨收線都同老公講叫佢早d訓．

今日一早諗住同希希留小便，點知個衰妹賴晒，要“罐”佢飲好多水先留到ｄ，之後就同佢一整落樓下公園玩，咁我就走左去醫院交小便同Book期，去到第一時間Book左期先，唔係多人起上黎都唔知幾時先有得睇，跟住就去交小便，之後就Sent左個sms比老公話佢知，希希２月２６號先返去見專科，後來老公叫我打比佢，話希希有買保險點解你唔識問個agent，o個刻我無出聲，因我真係諗唔到要打比Cora可能我不嬲都依賴你啦，所以我唔知點做正如琴日唔係你叫我去醫院我都未必會去，今日我又係度諗，我唔會再理你同Rachel d野，因我真係放唔底你，有時我會係度諗，你雖然個人係我身邊，但個心唔係度究竟重唔重要呢！　本來我覺得個人係身邊但個心唔係度都無用，但而家唔係啦！　雖然你個心唔係度，但你每個星期六同星期日訓係我身邊已經足夠，我可以襯你訓左覺拖住你隻手，襯你訓左偷吻你，襯你訓左摟住你，甘樣我已經滿足，如果比其他人知我咁諗佢地會實話我傻同蠢，不過無法啦愛情lee樣野就係甘架啦，為左佢我乜都忍受到，包括佢佢唔彩我，打番黎只係問個囡點，但我聽到佢把聲我都好開心，今日佢問我希希係度做乜，我話訓左囉，甘佢又問我做緊乜，佢話你又上網呀，其實唔係囉我係度打緊我偏日記，我唔敢話佢知，不過就算知佢都唔會睇，因佢都唔會關心我ｄ野，所以我將個file由我個folder搬左去我的文件，甘樣可以開快ｄ到個file ma ^-^

今日真係當黑的一天，琴晚12點幾同希希探熱見燒到100.5即刻啦啦臨餵佢食退燒藥，仲set埋鬧鍾係3點再同佢探，到左３點知再同佢探竟然燒到104咪即刻同佢塞肛，跟住佢就訓左，到第２朝再同佢探時仲係燒到100.6跟住就立即去睇醫生，我打比佢老豆話佢知個囡發燒，我問佢係覺唔覺近ｅ幾個月希希多左病，我話可能係我地影響到佢，我話我已後都唔會理你同佢ｄ野，我只係想希希無事就得，跟住返到屋企餵希希食藥，之後都有退o個吓燒，甘我就出去買老公想要的 money clip同埋攞D衫仔比shirley，見到shirley同呀文甘恩愛我就係度諗點解人地生完bb個老公對佢甘好，但我就．．．．．．．之後番左屋企，點知到４點幾希希又發高燒，燒到104，我即刻打比佢老豆話佢知，佢就叫我同希希入急証，經過一倫意見，我都係決定同佢入急証，我無諗個９９會同我一整去架，點知９９同我講就返到黎等埋我，個刻都係好多謝佢，知後去到明愛希希又開始退燒，我地由５點半等到８點幾先到我地睇，醫生話怕希希係尿道炎叫我同希希留小便，留完後醫生話希希ｄ小便有血絲又有紅血球同白血球要轉介去兒科度，仲要留多一次少便聽朝攞返去醫院化驗，Ｄr. Ma好好架，佢話怕希希唔知係兒科排到幾時，想再同希希睇多一次仲要睇埋佢少便tim，仲話唔知兒科booking去到幾時，想再見多一次希希．我地番到屋企都成10點9啦，點知到11點幾希希又燒到104唉! 本來係度諗洗唔洗再入院，但９９話同佢摸多次身先wor，甘我就摸多次先啦，之後到１２點再餵希希食退燒藥，而家１２點５０分探完熱希希退番到１０２．６，希望佢今晚無再高燒啦．

其實佢講到點愛希希，但我知希希發燒入急証時佢仲係同Rachel談心，佢將係上面點樣同人玩都話佢知，但係我啦．．．．．．．．．．就乜都唔講

我好耐都無寫日記啦，記得對上一次都好似係讀緊中學，琴日我係bk識左cinda，好開心同佢傾左甘耐，佢話只要我知你自己做乜同你覺得係岩，就唔洗理其他人點睇，

佢話佢唔鍾意人地飲酒，其實我都係唔識飲，平來諗住飲左會好訓Ｄ，點知原來唔係架，你越唔開心飲酒就越唔會醉，唔知係唔係同佢傾完開心左呢，開始覺我眼訓啦，但係我都同佢傾左成２個鍾．

我見老公係msn寫”這個聖誕都太冷”，咁好啦等我放工出去太子買冷織番條頸巾比佢先，雖然佢都未必會收，但當最後一份送比佢ge禮物囉．點知返到屋企希希又開始發燒，都成差唔多６點啦，唔知仲有無得睇啦．

織野都無織２年之後又再開始做番織女，我買左３舊mix嘅冷係白，黑，灰混色，到左夜晚希希又再高燒啦，我即刻比退燒藥佢食，食左好彩退到燒，甘聽日就可以同佢去睇劇啦．