上個星期三..學校校運會ge預賽..我參加左跳高跳遠4x100..

雖然咩都入唔到圍..不過好好玩..志在參與ma..^^

第二晚..波癮到..走左去成大同佢地打籃球..10點幾打到12點幾...

不過好似唔係好夠喉..但係太夜啦..so都係食完野就返去啦...

返到去沖涼啦...點知..頭10秒都仲係暖水..點知10秒後開始變凍..

我就好快速咁沖..沖到最後d水變左冰水啦..凍到死...囧rz....

星期五晚室友走晒..好開心咁開大喇叭睇Prison break...睇到5點幾..

根本都停唔到係咁睇...睇晒第3季先停到...第二日就訓到下晝4點幾..

之後hea hea下7點幾搵阿健(黎左台南)都都佢地去左食火鍋食到飽...

繼而去花園夜市...返到去冇熱水沖涼..囧rz..睇pps睇到4點...

又訓到下晝兩點...姐係今日..同都佢地又去左食野..食完行北門..

再陪阿健買手信就同阿健say goodbye啦..係踩返去南大ge時候..

口渴停車去7-11買支野飲啦..買完出去準備走ge時候..囧...

我唔小心咬左咬柴..好痛..唯有叫都都薯倫黎救我..而家隻腳腫腫地...

敷左冰..仲有少少痛....希望听日冇事啦.....!!咬得好白痴..><"

ps:好掛住你呀..!!以前好嬲比你串..而家竟然想比你串下..好懷念..><"

12月啦..話咁快就12月啦..亦即是話..2008年開始到左尾聲啦..

回想起呢一年..真係發生左好多事..有開心..有傷心...

記得1月ge時候去左畢業旅行..係上海過生日..有同學ge陪伴..

可惜冇你ge陪伴..不過都唔緊要啦..4,5月同肥然去左香港兩次..

記得有一次遇正颱風..要我去香港救呢個冇家可歸ge小朋友..=口="

5月中考畢業試..5月尾考台灣..一切都好似好如意好順利咁樣進行..

6月份就係畢業典禮..仲有知道自己考到台灣國立台南大學..

點知..7月中..公公ge突然去世..8月得知爺爺患有末期癌症...

又因為要去台灣讀書要同佢分開..呢d種種唔開心ge野不停咁發生...

到左9月要黎台灣讀書..開展我ge大學生涯..9月中..爺爺ge去世..

10月開始慢慢習慣台灣ge生活..11月去完高雄又去台北玩..

仲有就係有第一次照顧特殊小朋友ge經驗..心情開始由低走返上高位..

還好因為有神..有好朋友ge撐住..唔係..我會去左做自由落體...= ="

到左而家12月啦..就快到聖誕節..可惜呢邊d大學冇假放..嗚..

還好12月中肥然會黎台灣搵我地..不過見完呢次可能要4年後先再見..

因為佢要去澳洲讀書..仲有廿多日..2008年就玩完啦..好期待新一年ge來臨..

我相信新ge一年會有好ge開始..希望係神裡面重新得力..更加懂得點去愛人..

ps:廿字出頭啦...就黎又老一歲啦..真係歲月催人老..嗚嗚...><"

今日去左做義工..第一次要帶特殊ge小朋友...

一開始真係有d驚..驚自己顧唔掂..今次ge對象係小貝殼..

即係自閉症ge小朋友...兩個顧一個..真係幾攰...

加上個小朋友都已經唔係小朋友啦..仲高過我ge大男孩..

佢5分鐘前同5分鐘後真係差好遠..可以好開心..又突然好唔開心..

佢真係好high..又跳又跑..仲要拖住我陪佢周圍走...我好累..

但係佢好似唔識累咁..=口=" 我發覺我今日講最多ge一句野係..

"不可以這樣喔~!"..因為佢會有玩口水ge習慣..唔開心會咬自己...

不過還好..佢唔會打人..仲好識表示友好ge關係就係錫人隻手..=口="

今日我唸我真係最有耐性ge一日...其實對我黎講...

真係幾大ge挑戰...真係好突破..完左ge時候..同d同學圍堆傾計...

有人問..經過今次之後..覺得特教點...?!好多人都話..

想轉幼教系..而我就講左一句...我唔會放棄嫁..!!!

我真係唔會放棄..講真..今日ge情況比我想像中好啦...

不過有d唔開心ge係見到有同學避開我顧ge小貝殼...其實..

讀得呢個系就預左要照顧呢d人啦..做咩要咁姐..

算啦..唔可以咁話人..做好左自己先啦..特教真係唔易做...

要加油..唔可以放棄..!!毛英要有多d ge耐性同愛心..呵呵..

今日ge經驗對我黎講..真係一個好好ge經驗...!!

仲有唔夠兩個月..就可以返澳門啦...心情好興奮..

興奮ge時間會過得快d..呵呵..每一個禮拜都聽到d室友話佢地要返屋企..

就快我都可以同佢地講..我返澳門啦...kaka....^^

可以返屋企ge感覺真好..恨左好耐嫁啦...好掛住屋企鋪床...

好掛住屋企d公仔...好掛住老媽子ge老火湯...好掛住妹妹ge擁抱..

好掛住老豆ge大肚腩..好掛住可以有細佬同我爭電腦...

屋企幾時都係最warm ge...>3<" 好想快d返去呀...^^

============================================================

幸運的事...^^

我琴晚對統一發票ge時候...發現我中左nt1000...好野...!!

可以上多次台北啦...yeah...12月31要去多次.....kaka.....

星期五..幫大澳學長預祝生日...夜晚去左食火鍋食到飽...

食完返宿舍hea左一陣..12點幾同佢地落pub算係真正幫佢慶祝生日啦...

生日快樂呀大澳先生...不過去完返黎哥時有d發din...對不起呀..大澳..

燉ing....仲有捕快..人家真係好開心..又好唔開心ma...=口="

之後返去訓到第二日ge下晝2點幾3點..之後就汁野搵左都都車我去火車站啦..

都都真係一個令人又愛又恨ge朋友..佢送到我去火車站ge時候..同我講...

"返黎打比我..我黎接你返去..."  好感動呀!!雖然你把口有時真係好黑人憎..

不過其實你係一個好單純..對朋友好好ge男仔..好開心有你呢個朋友...

之後去到高雄..哈哈...又見到sm啦..冇錯..今次主要目的就係搵sm..

我地夜晚去左巨蛋ge無印買糖買零食..仲買左支hand cream(strawberry味好香)..

兩條友加埋買左nt1078..好瘋狂呀!!之後去夜市行行走走..就返去sm個宿舍啦..

11點幾用skype打比毓大爺傾電話傾左百幾蚊台幣..用完sm哥個冇晒$就用我哥個..

好攪笑呀佢...我同sm比佢攪到好開心..哈哈...好掛住你呀..死毓記....!!!

之後就同sm仲有佢個室友傾計..傾到佢間學校有咩浸信友啦..點知..><"

我以前ge一個籃球隊隊員阿LiLy係高醫..好開心..好想見到佢..話晒3年冇見..

到左星期日..我地去左返教會..點知..sm迷路..搵唔到佢想要去ge教會..

就好求祈咁入左間教會..點知唔夠半個鐘..個祟拜就完啦..真係o左咀..

之後返到去佢宿舍就搵到了LiLy..哈哈..咁耐冇見都仲係咁攪笑...

傾左一陣就陪sm眠到3點就出去食野仲有就係去書局買書..買左兩本書..

希望對我靈命上ge成長有幫助啦..^^ 到左6點幾去到火車站..唉..><"

我地又要暫別啦..又感到依依不捨ge心情..返到去台南..就同都都佢地食dinner..

點知..又食火鍋食到飽啦..佢地真係食得好恐怖..特別哥個林嘉華..浪費食物..

話說琴日7點鐘起身去搭8點ge客運...4個鐘車程到台北..

搭到真係想嘔..唔係講笑..><" 不過都係值得ge..因為..

哈哈..可以見到我ge好朋友...實在係太開心ge事啦....^^

記得一落車哥時..見到一個信b班ge女仔..可惜我唔記得佢咩名..

不過都有同佢講左幾句野啦..台北真係咁細..?咁都撞到..

之後去火車站搵子洋同sm..佢地黎接我呀..!!哈哈..好開心呀..

見到佢地真係好有衝動想攬下佢地..跟住本來唸住去到台大哥邊..

先去搵bo盈..點知都係火車站下面ge地下街撞到...^^真係好啦...

之後等埋熱血..就出發去台大...哈哈..果然係台大..真係唔同d..

食左野之後就同bo盈分道揚鑣..子洋要去練波..我同熱血sm去搵hotel..

好辛苦係西門町搵到間旅館住..nt1780四人房..抵啦..

之後就搵返子洋仲有程凱健去左市林夜市食我ge豪大大雞排..>w<"

行左陣就同阿健分手返旅館抖啦...唔捨得佢tim..><"

係旅館影左好多白痴相..同子洋傾計..子洋個膊頭係可以比我收乾眼淚的..

琴晚我唸最好訓ge應該係熱血..哈哈..3分鐘就可以訓著的傢伙..!!

訓醒左就去左影貼紙相...之後就去左一間叫便所ge地方食中午..

我地真係好似食屎飲尿咁...><"哈哈..不過好好好好開心呀!!

食完就要同熱血子洋分手啦...真係好好好好唔捨得..嗚 .>.<."

不過好快我地可以再見啦..呵呵...^^之後同sm行街買衫....

好敗家呀我...買左4件衫一條褲...今次ge台北之旅我總共用左nt6000..

4點幾返台北火車站哥邊搵加恩同學返台南...之後就同sm分開走啦..

又再一次有唔捨得ge感覺..不過我地比較近..要見唔難姐...^^

又搭4個鐘車..好彩搵左同學陪我返咋..唔係返到台南落左車都唔識返黎..

今次ge台北之旅真係好開心呀...可以見到好似家人ge朋友..

哈哈...影左好多相...有興趣可以去我個space睇...^^

考試考到傻..溫習溫到傻..仲有三科未考..

個人已經累到成隻野咁...加上感冒未好..感覺真係好差...

心情就好似隨住咁down落去..冇心機溫落去..冇力啦...

有時覺得自己真係好冇用..咁容易就被打沉..經唔起風浪..

讀書差..感情ge野又唔知自己想點..某d友誼又唔識維繫...

對神ge信心又唔夠..要改好ge野又改唔到...!! 好唔掂呀!!

一直以為自己攪得掂..一直係度死撐..撐到幾時呀?!

台灣呢個地方..係咪真係適合我?! 我ge選擇有冇錯呢..?!

黎到之後好似比以前比心機左讀書..但係我覺得某程度上..

我比以前頹左...冇以前咁開心..係咪人大左..就會多野煩呢..?

係咪人大左唸野就會越複雜?!就會唸多左無謂ge野呢..?!

我覺得好煩啦..!!好想有人幫我分擔..好想有人聽我呻呀!!!

話說琴日..真係好辛苦GE一日..感冒+M到..囧rz..

考試先黎攪d咁ge野..溫習溫得好辛苦..好彩今日都考得好好..

琴日心情真係差到咩咁呀!!唔舒服訓個晏覺..都會發惡夢...

夢到公公係我面前跳樓自殺..醒左之後真係好不安...

點解會發D咁ge夢嫁..?!又再一次令我唸起公公死哥時個樣..

又再一次令我唔開心..好想喊..好驚..點解要咁wor...

加上又睇左一d令我亂唸野ge野..真係好唔開心..好唔想唸..

覺得琴日真係黎台灣呢兩個月以來最糟糕ge一日..

今日好d..心情好返好多..感冒好返少少..考試又考得唔錯..

仲第一次可以揸車出街..仲可以車到人..冇再發惡夢啦..

希望之後日日都咁順利開心就好啦..而家真係好珍惜屋企人..

好想快d可以返澳門攬攬佢地...好掛住佢地呀!!!

幾時屋企都係最好...幾時屋企都係最溫暖ge...I love my home..>3<