唉..每一次都係咁..考試先黎病...感冒菌你真係識簡時間...

被你愛上真係好辛苦...唉...我唔愛你呀...快d走啦...!!

今日台南ge天氣涼左好多...要攞d冬天衫出黎著....

不過聽講星期三開始熱返...呢d天氣真係好攞命..超易病..

今晚又要對住本我溫極都入唔到腦ge"特殊兒童發展"...真係想喊..

不過點都要溫晒佢...唔可以down機住..腦呀腦..比d位置佢輸入下呢..

唉...我係想快d返澳門姐..但係都唔想當返去嫁...!!比d油呢..~~

個個都好努力咁...我就有勇冇力咁..唔得咁嫁wor...

要加油...加油...加油呀!!!!!!!!!

話說琴日好乖咁留係宿舍溫習..其實主要原因係因為出面落雨..

邊度都冇得去..溫左一章就睇下"不能說的秘密"...邊個話唔好睇嫁..?

我就覺得好好睇wor...真係嫁....!!!之後就出去買野食啦..囧rz..

好黑囉..本來買左M記應該好開心嫁ma..點知...把姐冇啦啦斷左骨..

上面部分比風吹走左...我自己揸住姐柄..之後就好白痴咁追返把姐...

哩咁hea咁...又拎住d M記...又要顧把姐...仲(善)親tim...唉...

好憎落雨呀...!!食飽飽溫左一陣就用skype打返大陸同我表妹傾計...

用skype打返去真係好平...0.677台幣一分鐘咋...抵呀...!!

之後hea左陣就唸住落去7-11買d野食食住溫習啦...點知...

都都佢地好興起咁話要去唱k...原因係因為有車揸..可以去邊都得..

囧rz..我都想有車揸呀...!!琴晚搵左好耐...終於搵到地方唱啦...

哥間野一d都唔好..下次唔去哥間...係油站時車住都都行左4米..就有d驚啦..

so都係換返比佢揸..好想快d揸熟d可以車人..好想快d考車呀...=3="

哥個關志堅..差d攞走左佢自己同燉ing(我個體育系朋友)條命..

小心d啦...!!嚇死人咩?!好彩冇事咋...唱到4點幾就返去lu...

點解返去先黎落雨...都都唔信我仲行錯路..濕晒身...返到宿舍要沖凍水涼..

好凍呀!!但係唔沖又唔得wor...返到房即刻訓落床..唔洗5分鐘訓著lu..

今日又要同本"特殊兒童發展"死過..唉...><"點解咁難記嫁...?!!

聽聞澳門美食節又開始啦..今年冇得去..呢4年都冇啦...><"

不過呢邊有夜市..仲多野食過澳門個美食節..又平d wor..哈哈..

ps:涼左啦..台灣同澳門都涼左啦..出去要著多件衫呀..唔好凍親呀朋友仔..

時間都唔係過得好慢姐..話咁快...我就黎左台灣兩個月啦...

仲有兩個月多十幾日..就可以返澳門啦..wowo..好開心...

其實呢兩個月..我慢慢開始中意呢度ge生活..(雖然都係澳門warm d...)

亦都開始中意身邊ge同學...佢地幾乎個個都比我細...好似我d細佬妹咁..

哈哈..有時覺得佢地好可愛..佢地有時講d有理冇理ge爛梗...超低b...

不過真係好可愛..我開始欣賞佢地每一個獨立ge個體..讀特教ge果然唔同..

有時唸..大學ge哩四年..可能真係我最棒ge日子..雖然可惡ge皮膚在敏感中..

禍及塊面..今日終於忍唔住..去左睇醫生..再係咁我驚我要爛住塊面返去...

下個星期就係期中考..好緊張耶..不過個人仲係好懶咁...一攞起本書就...

冇想溫ge衝動....囧rz...星期六開始..k書大作戰點都要開始...!!!

呢幾排...好似好想快d考到車咁...唔知係咪好勝ge關係...

好似想考到個牌返去比某人睇....不過..都係等期中考完左先啦...

不過呢兩晚學車都好順利呀...!!多謝cm借我車...!!kaka.....

琴日朝早..地震震醒左我兩次..不過可能太眼訓ge關係..

兩次都訓返..不過第一次ge時候..我記得..我問我ge室友..

"岩岩係咪地震呀?"但係佢望下我..又冇應我wor..

我就繼續訓啦..而家唸返起終於明白點解佢比咁ge反應我..

因為白痴毛英哥時用廣東話..D台灣人又點會聽得明呢..?

下晝4點哥時又震多一次..呢次真係好真實咁感受到地震GE威力..

好可怕呀....!!!真係有D驚....不過見我室友冇走GE念頭...

我只可以等佢停...哈...好彩唔係好勁..4級姐..安心...

夜晚..悶到走左去同大澳仲有佢個fd去左網吧...

之後11點幾就返去同港澳僑生去唱k..係等大澳ge時候..

佢ge好朋友借左佢老婆比我試揸..哈哈,,直路都ok..

不過轉彎就..有代改進..揸住車ge感覺好正...我中意...

好想快d學識..好想快d考車...有冇人肯借車比我呀?!

之後就真係出發去唱k啦...哈哈..有d野要講返...澳門真係好細..

我中學ge某位同學竟然係我大二ge學長個小學同學...哈哈..

唱完k大二的學長又借車比我揸下...wowo...好爽呀!!!

ps:唔知你收唔收到我ge message呢..?我真係怕冇左你呢個好朋友呀!

仲有仲有...子洋要加油..!!毛英幾時都咁支持你....!!

好朋友,,佢對我有好大GE誤會...今日都冇心情啦..

6點哥時同佢GE對話..就好似話比我聽..我會失去呢個朋友咁..

我忍唔住喊左出黎..但係因為要賽波GE關係..收乾左自己GE眼淚..

跑到去排球場..今日場波WIN左..但係一D喜悅都冇....

我個腦不停咁LOAD我同佢GE對話...我怕..我怕失去呢個朋友...

我知我唔可以一個人亂唸野..本來想搵都都佢打波..不過冇人聽..

好彩有捕快陪下我..我地去左玩打鼓機..玩下籃球機咁...心情好左少少..

就走左去KFC食野啦...途中見到薯倫..不過佢見唔到我..我又冇理由大叫佢..

SO由佢走左啦..最後都冇去打波...唉...籃球係我GE好朋友...

同學仔叫我去夜唱..都冇MOOD啦...SO冇同佢地去...唉...

好想快D返澳門..快D去解決..我唔想再係咁...好唔開心...

朋友對我黎講真係好重要...我好愛我GE朋友..嗚..又想喊啦....

今日個小考...真係好想喊...講真...我未試過咁認真溫習...

溫左咁耐..都係得哥四五十分...人地溫一晚咋..就有七八十分..

唉..真係唔係讀書ge材料..又唔識搵重點...大學..果然唔簡單..

我..真係好唔開心..唔甘心..唉..睇黎要早d預備期中考ge野啦...

ps:或者我真係多事啦..但係你地係我ge好朋友..我唔做和事佬,,

我可以做d咩呀?!記唔記得你比我ge最後一封信你寫左d咩呀?

我唔想我地三個ge友誼從此缺裂...好想好似以前咁呀..時光可以倒流嗎..?!

話說琴日跟左安西..同阿喂(新朋友)去左高雄市ge旗津搵阿汪同now神..

去到哥邊就去左食海鮮啦..始終都係澳門d大排檔整d海鮮好食d..!!

食完之後now神就同佢d同學仔走..咁我地就去左海灘度影相同睇日落啦..

安西真係好正..!!佢可以出寫真集嫁啦...睇完日落就走返出去高雄火車站哥邊..

食野同行街咁啦..見到好多野都好想買..不過忍手..唔想用咁多錢...

10點幾就搭返火車返台南啦..還好..用得唔多錢..成日加埋晒都係用左700...

今日返左教會崇拜..我又唔知醒啦..遲到..下晝去左一間似浸信書局...

但係比浸信書局大6倍ge店買野...買左條十字架頸錬..

一本關於特教同福音ge書..仲有就係一隻我想買好耐ge詩歌碟...咁就648啦..

雖然好似好大洗咁..不過我覺得洗得值得...!! ^^

p.s.:就期中考啦..要加油..!! 好祈代15號ge台北之旅呀!! 我快黎見你啦..子洋..^^

話說星期日去完個迎新營返黎好開心咁打日記啦..點知...

打打下日記個死人msn唔知做咩鬼斷左線wor..咁我咪再連過啦..

點知攪到部腦hand左..我打左大半ge日記冇晒..囧rz...

嬲得制..就唔打住啦...總之個camp攪得唔錯..冇白去啦..

除左佢d遊戲有d令人害羞之外..都ok..可以親近大自然ma..

仲有見到滿天星星..真係澳門冇可能見到...好靚...好正...

琴日sm黎左台南..我就陪佢周圍咁參觀下我學校..

之後就要都都佢地陪佢啦..無計啦..我要上堂..上完堂同佢地去左夜市..

食完就帶sm黎我度沖涼..之後就去左成大訓啦...^^

好開心同sm傾左咁耐計..係靈命上你係我最好ge伙伴..

你亦都係我好好ge朋友..有時覺得你真係好touch到我..

thx你陪我傾計..訓得一個中..係咪好辛苦呀?!6點就要搭車走..

一定好累..冇話你..我都好累啦..真係好想眠下....

ps:其實原來我身邊一直都有好好ge朋友陪伴....

今日..突然好掛住你地呀..公公..爺爺..好想見到你地..

好想同你地傾計呀...你地而家係邊呀?!好想你地會係天國..

好想再見到你地...本來想搵都都陪我傾下計..不過...

打攪晒..打攪完都佢地..就自己一個人踩車返黎..

但係就係唔想返宿舍..周圍踩..想自己靜靜..好想喊...

做咩會突然咁失落..可能係我太掛住佢地啦..一唸起公公點死..

唸到我見唔到爺爺最後一面..我就好想喊..原來爺爺走左一個月了..

其實原來我都係未平伏到..點解...?!我以為我自己應付到..

原來並唔係..我以為自己已經成熟獨立啦..原來我仲好依賴朋友..

想借朋友GE膊頭大哭一場...然而有人朋友可以借我嗎..?

覺得越想珍惜GE偏偏越要流走..越想得到GE野偏偏就越得唔到..

我的動力在那...?!踩車經過到某一籃球場..就入去借左人個波射左幾球..

心情又好似好D wor..之後去左學校睇左一陣我班d人賽波..

就返宿舍啦..返到去先知都都Sd左message比我..

上左網先知都都出左去搵我..sorry..要你地擔心...

其實知道你地擔心我..我好開心..不過我就係要咁黑人憎..

係要攪到人冇所適從..我先安樂..之後又要同人say sorry..

白痴嫁毛英...!!呼...打晒心唸咩d野出黎..又好D了....

今朝..走左兩堂..是關D藥太強勁啦...食左個人會好攰..

仲有好想嘔...今日成日都唔係好舒服咁...真係不爽...

之後7點由於要賽波又走兩堂..好在都唔會點名姐...^^

今晚對勁敵..體育系...唔知幾多比10啦..總之就係輸左啦..

但係我地GE目標係破10分..我地做到了..SO當我地WIN左啦..

今日打得真係好開心..第一球FOUL IN...入埋罰球TIM...

點解哥時都都同薯倫睇唔到...!!點解..?!點解要走左出去...?!

總數入左7分...好開心...開心到暈..哈哈..咩我唔係病左咩?!

不過打完又打回原形了...身又再軟奶奶..腰痛腳痛...

仲要比體育系D人話我狠...點姐..?!對住你地...我可以點...?!

     P.S.都都薯倫..幾時都話你地係我好朋友..哈哈..

                    THX你地GE支持..搵日要請你地食野...^^