今朝早11點幾起身~~

之後行落觀塘~~

食左d野~~

又行左過淘大~~

過到去~~先去左圖書館先~~

搵到本野好正~~

《紫微斗數進階》~~

睇左個幾鐘~~

之後先溫書~~

然後又走左~~

去左佐敦谷公園~~

睇分齡網球賽~~

睇完又返左去運動場果度溫書~~

最後6點幾先走~~

返到屋企~~

夜晚果餐又係打邊鑪~~

---------------------------------------------------------------------------------

發覺原來我既定力好差~~

睇黎我又要搵d方法去訓練下d定力啦~~

---------------------------------------------------------------------------------

阿鍾~~我決定左啦~~

我唔可以再俾你對我講「掛住我」~~

因為掛住一個人其實都幾辛苦嫁~~(就算係掛住朋友都係咁話~~)

所以我唔可以俾你掛住我~~

咁樣你既辛苦就可以減輕少少啦~~

就算係少少都好~~

可以幫你減輕下~~

我都已經心滿意足~~

所以我會盡量喺我得閒既時間~~

做返果個好無聊既阿八~~

等你覺得呢個無聊又麻煩既人~~

又再一次係咁黎煩你~~

咁你就唔會掛住我啦~~

係咪先???

不過我最驚到時會係你唔同我講野~~

XD...XD...XD...

今日係萬聖節啦~~

Happy Halloween~~

今日返學好似好多野做咁樣~~

朝早又要拎d問卷俾29叫佢幫我搵人做~~

因為我要溫Geog~~

最後兩堂就test~~

最後個test都始終唔好得去邊~~

test完之後又去搞問卷d野~~

問29拎返之後都仲要搵多d人做~~

期間見到Marc哥返左黎~~

同佢傾左幾句計~~

之後又要去搵人~~

喺一樓同地下有蓋操場係咁搵d中三、中四小朋友做問卷~~

之後等到晉彥俾返佢之後~~

又要幫佢d fd做多幾份~~

無所謂啦~~

最後喺prefcet room又玩左陣結他~~

終於有d成果啦~~

起碼可以轉chord轉得算係順暢~~

之後又幾條友去左M記食野+吹水~~

然後先返屋企~~

今晚無得去睇SAW V~~

因為阿哥夜晚要出街~~

是但啦~~

返到屋企又練左一陣結他~~

希望可以中七最後一年有返一個好d既結果~~

希望可以憑著呢首「海闊天空」~~

可以俾到一個美好既回憶我啦~~

之後無啦啦發覺原來我練緊結他&練練下訓著左既期間~~

Joan打過俾我一次~~

真係好少可會係佢打黎搵我~~

最多都係我打俾佢~~

佢先會打返俾我~~

又或者有d咩緊要到無得再緊要既事佢先會打俾我~~

所以今次真係都幾史無前例嫁~~

聽到佢同我講一聲︰「Happy Halloween﹗」~~

真係好...好...好...好開心呀~~

---------------------------------------------------------------------------------

阿Joan~~

有時我對你真係有少少恨意嫁~~

點解每一次當我可以將注意力稍為由你轉移到第二d野既時候~~

就喺成敗關鍵果一刻~~

你就都會再一次出現~~

將我既注意力完完全全咁吸引左過去~~

究竟~~你想我點呀???

究竟~~你今晚果個電話本來係想同我講咩嫁???

究竟~~你本來記得但係又唔記左既野係咩呀???

究竟~~點解「掛住我」呢一句我從來都無諗過你會同我講既呢一句野~~

會無啦啦~~失驚無神咁俾我聽到你同我講???

睇到你打俾我同埋聽到你同我講既野既時候~~

我一直都係度諗︰「你究竟係咪打錯左電話俾我呢???」

..................

林林種種既問題~~

係你收線之後果一刻開始~~

一瞬間就完全霸佔左我個腦~~

我既思維又再一次完全集中喺你身上~~

對你既思念又再一次有如黃河缺堤咁突然間暴漲~~

不過今晚我真係...真係...真係...真係...真係...真係好開心呀~~

聽完個電話~~

亂諗野期間~~我將我既心情完全用結他抒發哂出黎~~

竟連我自己都無聽過出我手而又咁開心既太陽之歌~~

今日返到去~~

都係好眼訓~~

第一堂上Geog~~

教中心地理論~~

d六角形好好玩~~

之後P.E.~~又打羽毛球~~

下下輸俾阿華~~佢太勁啦~~

又或者我真係岩打網球唔岩打羽毛球掛~~

lunch同Jimmy去左海皇食野~~

好耐無試過lunch time可以食得飽啦~~

放學又要Geog補課~~

補左半個鐘~~

之後又去prefect room~~

玩左一下結他咁大把~~

之後就落左去等晉彥~~

幫佢搵人填問卷~~

然後又同佢落左apm食野~~

原來我地兩個係都以浸大為目標~~

呵呵~~終於又有機會做同學啦~~

好~~我要向浸大出發啦~~

尋晚去左美孚去飲~~

細佬力衡彌月~~

見到佢啦~~好得意呀~~

今日朝早無返學~~

lunch time先返去~~

最後兩堂中史順便test埋去~~

唉...唉...唉...

寫得版幾~~

完全唔夠囉~~

唉...唉...唉...

Orz...Orz...Orz...

---------------------------------------------------------------------------------

第19日啦~~

始終都係耿耿於懷~~

始終都係放唔低~~

又再諗返去同佢過既每一段時光~~

每一次見到佢既歡樂~~

每一刻沈靜所帶俾我既滿足~~

佢每一次笑、每一次回望~~

都令到我賞心悅目~~

每一次~~我都銘記心中~~

星期六去prefect camp~~

朝早起身部電話唔知咩事聽唔到歌~~

搞到我搞左一輪~~

之後執完野~~

又到阿媽起身入左廁所~~

搞到我無得洗頭~~

最後阿媽一路刷牙我就一路洗頭~~

之後就拎埋支結他出門口~~

叔到去喺prefect room搞左少少野玩左陣結他就上去~~

上到活動室~~

原來已經基本中齊哂人~~

一開始就俾人串~~

無法啦~~都預左嫁啦~~

係我話佢地舊年個camp唔掂~~

咁但係佢地事實上真係唔掂呀麻~~

然後就分組~~我去左lead5個中二既prefect仔~~

雖然唔係好聽話~~

不過都無令我失望~~

起碼做到我想佢地做既野~~

小朋友可能真係無咁定性掛~~

12點20放lunch~~

同Lo嘉、龍兒、Edison、阿嬌、傑威去左大家樂食野&去左百佳買野~~

6個人買左百三蚊野~~都有好多野食同飲~~

之後我同Lo嘉仲另外曠左支甜酒帶入去飲~~

返到去又係做一d幾無聊既野~~

不過好彩我呢個人本身就無聊~~

所以對無聊既都可以好容易投入~~

不過到最後唔記得左自己要慢慢淡出~~

Orz...Orz...Orz...

之後臨出發仲有半個鐘時間~~

浩源同曾雲都好爭取時間咁拎左佢地支結他上黎練~~

之後準時上車~~搭車途中浩源又不停咁彈~~

浩源真係好勁~~

好想有一日可以練到佢咁既level~~

落左車就即刻分房~~

分左間冷氣壞左既房~~

無奈~~Orz...Orz...Orz...

之後就去食飯~~

食完幫曾雲慶生日~~

唔知點解好似次次去camp都有人生日咁濟既~~

之後返房hea~~

hea完出去活動~~

又係行山~~

原本預計8點行到10點~~行2個鐘~~

到最後行到11點幾先返到~~

曾雲放心~~唔係你既錯~~

錯既係某d帶起做一d唔應該喺行緊山既時侯做既野既人~~

之後休息左一陣就走左去睇下有無得換房~~

最後成功左~~

終於唔洗喺地獄過一晚~~

最後開P開通宵~~

幾乎無訓過~~

同浩源&Lo嘉3個人走出去飲喺「杯莫亭」飲酒~~

又4個人寺出去周圍行~~

又14個人分4組玩試膽~~

我同浩源得兩個人~~

仲要俾個看更嚇~~

Orz...Orz...Orz...

之後喺公園玩果陣~~

個看更又喺側邊睇住~~

但係佢好似唔係望緊我地咁~~

好恐怖~~

佢仲要成日都木無表情咁~~

又要成日失驚無神咁喺側邊經過~~

真係驚左我地幾次囉~~

之後又返房玩~~

玩到6點左右~~

走左出去諗住睇日出~~

不過又係睇天光~~

一路睇住個天光~~

一路彈太陽之歌~~

真係好有feel~~

之後返房訓左一個鐘~~

去食早餐~~

食左ok多野~~

然後又係勁無聊既自由時間~~

一早就睇死佢呢個camp唔會有d咩好教嫁啦~~

同浩源踩左陣roller~~

又打左陣羽毛球~~

之後又聽左個阿sir玩埋哂d講完又唔算~~

又淨係識話人錯既game~~

無聊到爆~~

根本完全無改善~~

我真係覺得俾70蚊去係哂錢嫁囉~~

唉...唉...唉...

原本呢d所謂既駐校社工淨係識得呃錢既~~

最後同Lo嘉無食飯~~

然後搭車住程係訓~~

返到去同Lo嘉去左吉仔食野~~

呢一次去都唔可以話係無用既~~

起碼同d prefect仔玩得熟d~~

今日去body check~~

唉...唉...唉...

俾人話我超出左體重標準少少~~

睇怕我遲下要減下肥啦~~

之後又去左拎個成人身份證~~

臨走又俾人拉住登記選民~~

然後去剪髮~~

d頭髮一長少少我就唔識搞~~

之後又去左淘大搵Lo嘉~~

傾左陣就過觀塘搵埋肥健~~

好耐無3條友傾計啦~~

然後又同Lo嘉去左譚仔食野之後先返屋企~~