今日係12月22號,.今日兩棲有活動,就係<<行山>>,今日行左好攰,今日9點鐘出發,跟住係大埔火車站隔離o個個小巴站坐小巴去到依個既大美督,跟住就落車啦,就開始行啦,我問阿曾b,行去邊,佢就同我講話行八仙嶺,即係好耐之前有人比山火燒死o個到呢,我地就係行o個到啦,開頭好似好容易咁,但係行左兩個鐘頭都未到山頂,最恐怖既就係我地行到一個地方,竟然係懸崖,如果我地跌左落去一定死無全屍,所以我地每一個人都好小心咁行啦,行到一個位,就係要攀石啦,仲要係癟繩既攀石wor,係你都驚啦,我再問阿sir,之前o個班學生係邊到比火燒死,佢就好認真咁同我地講,佢地死既位置就係你地爬緊既依個位置,係因為佢地太驚先爬唔到,頂住左喺同一個位,所以先會燒死,我地個個都勁驚,諗緊下一班死既人會唔會係我地,好彩個個都冇事,跟住我地行過晒八仙嶺既所有山峰,我又同阿sir講一個好爛既爛gag,就係阿sir呀,行埋依個山峰係唔係就到<<杜琪峯>>呀,阿sir笑左,哈哈,真係好爛.........因為太悶冇野好講啦可能!!
       跟住話咁快就到左3點~4點啦,但係個個都未食晏就,個個勁大聲話好肚餓,阿sir拿拿林叫我地快d行,唔繼續行去黃嶺啦,行去鹿頸算啦,我地行行下,成team唔見晒,得番我同張斌兩個行,中途一條友都冇,我同佢都已經超攰,只可以坐低食chocolate,跟住就繼續行啦,終於到左一個可以食野既地方啦,但係當阿sir幫每一個人整野食既時候,成班人都好似前世未食過野咁,沖晒埋曾b到,嚇親阿sir,比你地睇下佢地d相啦,真係好恐怖........ 好快就行完啦,跟住就去食豆腐花,但係天氣已經係超凍,但係o個到剩係得凍既豆腐花,所以個個人都照食,阿sir仲幫左我地呀,佢話我地特登黎食豆腐花,o個個老闆娘比平左我地,平得一蚊都算平左.....今日就到此為止,坐車番屋企lu,哈哈.........886 3166