| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 12 月 5 日 星期一  |
  
|
鬼勾人  |
時間：半年前
地點：澳門某酒店
人物：明仔
我個朋友有一次恐怖經歷，使他至今也難以忘記。
話說我朋友強與友人明仔，因假期而結伴過了澳門玩，後來因玩得太夜，趕不及上船回港，便連夜找酒店。經過兩間後 ，終於給他們訂下了一間雙人房，房內有兩張單人床他們各 自睡一張。 到了半夜時分，因強不慣睡陌生床而不能入眠，無意中發現 鄰床熟睡的明仔身上不斷冒出白色的煙，他很害怕，於是叫 醒明仔。當大家清醒過來時，便出房找服務員要求換房，後 來才安然地睡過來。 第二天回港不久，大家不約而同都病倒，明仔更愈病愈嚴重 ，最不幸是他更因交通意外逝世。強聞此事後徬徨得很，他 懷疑與酒店的怪事有關。 過了一星期多，他在報章上發現一單澳門兇殺案，死者被殺 後更被包裹埋在酒店房中的床下，頓時嚇得強站也站不穩。 令人驚震的是案發地點、位置與他們的一樣，明仔更是睡在 死者的上面。強後來得知明仔是被鬼勾了當替身，他死得太 冤枉了，可是無法挽救，只好幫他超度一場使他安息吧！
李終貴按：
常聽見「鬼搵替身」的傳聞，其實鬼看中的，都是「時運差」 的替身。像你們兩個之中，鬼剛剛看中他，也是命該注定他 有此一劫。所以口痕友常說：跟人賭錢，一定要找個時運差 的黑仔做對手。
|
| 刊登時間︰2005-12-07 05:20 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 4 日 星期日 |
|
| 冤魂纏身 |
檔案編號：002
檔案日期：2002年2月12日
受害人：明明
「我唔入去呀！」「聽話啦！入去坐一陣啦！」「走呀！放開我呀！」外面傳來一陣嘈雜聲，正在事務所午𠹵的拿拿淋和CY被好奇心驅使下，出外看個究竟。只見一名約廿多歲的少女正與另一名小女孩於事務所門外爭持著。女孩：「俾我走呀！放手！」少女：「唔准！跟我入o黎！」拿拿淋：「小姐，你㳜咩事呀？」少女：「你……你係拿拿淋？」拿：「係呀！」少女：「我o地o黎搵你蕂！」此時，女孩極力想掙脫少女的手，兩人好像拔河一樣。CY：「喂拿拿，佢o地做咩呀？」拿：「搵我呀！」當女孩一見到CY，她開始靜下來並帶點震抖。CY：「不如入O黎慢慢傾𡦃！」CY瞄一瞄那女孩，心感不妙。
女孩拖著極沉重的腳步進入事務所，她對少女哀求的說：「家姐，求o下你帶我走！我好唔舒服呀！」少女：「你邊度唔舒服呀？坐一陣好唔好？」CY：「等我幫你睇o下邊度唔舒服？」CY一手捉住女孩的左手，女孩大叫：「呀！好痛呀！」CY捉著的位置開始冒煙。拿拿淋對少女說：「你妹妹好可能中o左邪！」少女：「真係呀！我都係咁諗呀！所以先至帶佢上o黎搵你o地幫o下佢啦！」女孩聲音突然變成另一把人聲：「你放手呀！」CY：「你做咩搞呢個細路女呀！你知唔知你損耗緊佢陽氣！」女孩：「我唔理！係佢惹我！」少女：「明明，你做咩呀？你唔好嚇家姐啦！」少女欲接近女孩，拿：「唔好呀！佢唔係你個妹呀！」CY：「拿拿，收佢呀！」女孩身體開始不規律地震動。拿：「我俾最後一次機會你，即刻離開佢身體！」女孩邊笑邊顫抖說：「嘻……睇𣈳……點？」CY：「拿拿，唔好心軟呀！」拿悄悄對CY說：「唔係呀，佢附近o個個細路女身太耐呀，消滅佢，我驚個女仔有事咋！」CY：「係喎！個細路女刋面色越變越藍呀！」拿：「唔得喇！點都要試一試！」少女見妹妹越來越虛弱，面色一片灰藍，擔心地說：「你o地睇住我個妹呀！」
拿拿淋口中唸唸有詞：「冤鬼妖孽，速速離場！天地靈光，降魔伏妖！」女孩登時一陣抽搐，整個人應聲倒地。少女：「明明！明明！」CY：「好彩！」拿：「好彩趕走o左佢！」
女孩慢慢甦醒過來。少女：「明明！你唔好嚇家姐呀！」女孩以虛弱的聲線回應：「家……家姐，我……我點解効度簕？」拿：「妹妹，你記唔記得你暈之前做o左o的乜o野呀？」女孩：「我……好似……好似o係好耐咁囉！」CY：「咁你之前，做緊乜卄呀？」女孩：「我……我在屋企睡覺囉！」少女：「屋企？唔通o個隻o野仲o向我屋企？」拿：「我同你返屋企睇o下！」
四人回到家時，拿拿淋和CY隨即四周查探一番。少女：「點呀？佢o係唔o係度呀？」拿：「應該唔o係！但係……好奇特！」少女：「咩事呀？」拿：「以你屋企的格局，加上咁多神主牌，佢冇理由可以留o係度！」少女：「咁……」CY：「咁即係話，這隻係你妹妹出面惹返來，再俾佢上身，所以佢先可以留在你間屋企入面！」少女：「咁佢會唔會再返來？」拿：「有咁o既可能！所以我們一定要搵出點解佢要纏住你妹妹！」CY突然在門外大叫：「拿拿！出𨪛呀！」拿拿淋同少女即奔出屋外。CY：「你
睇！」拿：「呢部單車邊個？」少女：「明明的！」CY拿拿淋對望，心照不宣。
後記：拿拿淋和CY在明明的單車上面，發現一些骨灰，原來冤魂一直都依附在單車上。事緣一個星期前，明明如常騎單車回家；但經過大埔山坡一處時，一不小心，輾爆了一個骨灰罄(俗稱金塔)，冤魂頓時被明明扯了回家。冤靈無家可歸，加上想借明明的軀殼重返人間，於是便一天一天蠶食明明的身體。拿拿淋和CY重新為冤靈安置靈位，好讓它能安息轉世後，事件便告平息。 |
| 刊登時間︰2005-12-04 05:41 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 3 日 星期六 |
|
| 中學廁所 |
一位女學生,他因要應付考試,所以便留在學校溫書,而且還好遲先走。
今日他又如常溫書溫到好夜。臨走前,他想先去一去廁所,當完事後他發覺門開唔到,便大叫,希望有人來救他。
皇天不負有心人,終於有一位師姐來救他。女學生想看看他的學號,以便日後多謝他,但一看就嚇一大跳。他的學號是紫色的!!
然後,就聽到師姐說:師妹,以後不要那麼不小心了!!跟住就消失了。女學生便嚇暈了。
*備註:黃色的是日校,白色的是補校,紫色的則是日據時代的學號。 |
| 刊登時間︰2005-12-03 10:13 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 1 日 星期四 |
|
| 猛鬼學校大搜查 |
色情雜誌
色情雜誌又俗稱「鹹書」，可以話係每個男仔都一定曾經擁有過o既o野，而且唔同年代都有較具代表性o既鹹書。而家電影〈豪情〉講緊o既內容，絕對可以話係生動咁刻劃出新一代o既男仔。不過有時男仔睇鹹書未必係因為鹹濕，可能係為o左同同輩有共同話題而必須要睇，就好似師奶唔睇電視劇就o係街市搭唔到嘴一樣，你話幾咁孤獨。帶鹹書返學校分享，更可以話係一種社交禮儀，但係呢種做法，除o左會俾學校o既老師罰之外，原來仲分分鐘會招惹四方八面o既鹹濕鬼。（九龍官塘區 祥仔 16歲）
我讀o個間係男校，所以學生一般都比較頑皮，同學成日都會帶鹹書返學交換睇，所以校方成日都會突擊檢查書包同儲物櫃。但「你有張良計，我有過牆梯」，o的同學通常都唔會將鹹書收o係自己書包同儲物櫃，因為搜到o既話就一定會斷正，因此三樓o既男廁就成為同學們o既鹹書藏書閣，搵膠袋包好之後，就收o係廁所水箱上面，就算搜到都唔知係邊個o既。
因此我上廁所o既時候，成日會爬上廁塔伸手到水箱後尋寶，不過鍾意尋寶o既人實在太多，所以近排都好少有收穫。雖然成日都係失望而回，但我呢種壞習慣依然不時會發作。呢日，我又懷住興奮o既心情，一腳踏上雪白o既廁塔，側身伸出右手繞過水箱，指尖憑感覺緩緩向前摸索。最後我竟然發現o左一個黑膠袋！個袋並唔重，但係就密封o左，我花o左好多時間都解唔開，悶熱o既廁格令人心情極度煩躁，所以我揪住膠袋o既兩頭，出盡蠻力大力拉扯，黑膠袋即時應聲而破，跟住就發生o左我認知之外o既事。
黑膠袋裡面係一個女人o既頭顱，佢仲披頭散髮咁裂嘴笑，但唔夠一分鐘o既時間，一切都消失晒，包括頭顱同黑膠袋o既碎片。吶既ㄧ怑惜w經唔識思考，唯一曉做o既就係逃離現場，之後我都維持o係癡呆o既狀態，直至當日入夜。o個個女人o既恐怖笑容都仲不停咁o係夢境中出現。
（新界元朗區 David 17歲)
呢件事大概發生o係一年前，我o個陣時讀緊中五，所以成日都o係學校自修室溫書，直到黃昏七點學校差唔多閂門先走，通常都只係得返兩三個同學。冬天o既時候，七點基本上天已經黑晒，校工又熄晒燈，所以由自修室通去學校正門大堂o既路，只係得街外微弱o既燈光透入o黎照明，如果一個人行o既話，真係幾得人驚。
有日學校差唔多閂門，我自己一個人經過呢條走廊，迎面冇端端吹起強風，一張紙隨風咁飄到我o既腳邊，我好奇咁執起o黎睇。原來係一頁色情漫畫，漫畫裡面畫o左一個裸女死神從墳墓入面爬出o黎，我覺得幾得意，所以就收埋o左入書包，點知怪事就發生喇！
連續幾日我都好夜走，但係每一晚經過走廊，都會發現一頁色情漫畫，而且仲要係順序連續o既添！漫畫裡面o既劇情逐漸清晰，死神離開墳墓之後，要o係人間搵一個替死鬼返去地獄。佢走過好多地方，殺o左好多人，捉o左好多o既靈魂，但係都搵唔到一個佢滿意o既；直至佢去到一間學校，而呢間校舍非常眼熟，因為就係我讀緊o既學校。
我開始有o的驚，所以將所有漫畫捲埋落舊報紙堆度，然後提早離開學校，可能因為咁我真係冇再執到漫畫頁。就咁樣過o左一個月，我漸漸唔記得o左呢件事，但係呢晚我又再遲o左離開，漫畫頁又再次出現，漫畫上o既死神好嬲，而且o係呢一晚，終於o係走廊遇上佢o既目標。
我轉身一望，果然見到一個黑影慢慢咁接近我，嚇得我兩腳發軟，但就o係呢一剎那，黑影傳o黎慘叫聲之後就消失o左，我完全唔知點解。後來先知道，咁o岩o個日我阿哥去燒烤，拎o左堆舊報紙，可能好彩及時燒o左o的漫畫，所以我先可以化險為夷，自此之後我都唔敢亂執起地上o既o野。 |
| 刊登時間︰2005-12-02 08:31 PM [ 訪客留言(0) ] [ 編輯日誌 ] [ 分享至FACEBOOK ] |
« | 13 | 14 | 15 | 16 | 17 | 18 | 19 | 20 | 21 | 22 | ... | 26 | »
|
(唔駛望~~係你啦~~)