話說上星期六晚，收到Jeff仔電話，電話中的他一把高音的嗓子嚷着要找Yoyo，就知有野要「益」呀妹了。聽完之後，呀妹在房大嗌：「媽咪，聽日同阿Jeff一齊去海洋公園（下稱OP）好無？？」我立即問她是什麼一回事，原來是我家姐，Panny姨媽明天計劃到OP跟Jason大表哥和Jeff仔一家四口去遊玩，誰是Jason表哥要去做Project，不能抽空去OP。（Jason好乖仔呀，功課要緊！你媽咪爹哋，仲有細佬都明架。）於是只有一家三口照原定計劃去，Panny姨媽話Jeff仔知道阿哥不能去之後偏晒咀，不開心，於是給他決定叫多幾個人一齊去玩，Jeff仔第一時間就想起三個傻人了！
我知道計劃之後，考慮了一會都決定一齊去，雖說要自費，但OP沒有迪迪尼咁貴！（題外話：下個月Ryan爸將會請三個傻人去迪迪尼作獎勵）晚上才知道明天可去玩樂一番，三個傻人開心到爆呢！不過明天Ryan爸約了朋友行山，不會跟我們去OP。於是我們約好明天一齊出來食個早餐，再搭港鐵到金鐘站轉接駁巴！上次遊OP記是大當年前，Yoyo還記得滑浪飛船是很好玩的，決定是次到訪到多玩幾次。Jeff仔從未跟過三個傻人去主題公園玩，仲開心到安排晒行程俾我地添。可惜原來Jeff鐘意睇海豚、動物咁，少玩機動遊戲，我家三傻主打當然是玩飛船呀、飛天千秋等，起初細膽Jeff仔也不肯跟，後來說服了他才開始肯跟三傻一齊癲，喪玩機動遊戲。最後三傻連攤位都唔放過，三個自掏腰包自費俾錢玩！結果玩了數次之後，攞到大大小小不同的獎項（公仔）。
Jeff仔最後都是跟了媽咪爹哋睇海豚和其他動物等，於是他們搭纜車回到另一邊。至於我們，繼續留守「高峰公園」玩餐飽！三傻玩了滑浪飛船不下數十次！我們有四人，多了一個，兩個兩個玩，起初我要看着呀妹而跟她一架船，後來她硬要跟阿哥家姐一齊坐一架船飛起了我，結果我便站在橋上看他們玩。數十次過後，阿哥家姐玩到勁濕，於是想玩太空犘天輪fing乾啲水，於是便上了去玩，呀妹唔夠膽玩，又好想同阿哥家姐一起，很矛盾，本來Crystal想單獨同我玩個圈，因為阿哥轉完一個之後已經腳仔軟，家姐仲OK喎，不過傻妹唔俾我走，結果家姐自己玩多一個圈算。
由於他們很的濕得幾緊要，於是去飛天千秋fing多幾個圈，呀妹開頭戰戰兢兢話要跟住阿哥家姐玩，後來轉緊嗰陣見到佢好驚喇，玩完又話頭暈腳軟咁，阿哥家姐再玩左兩轉，又係由我看住嗌肚餓嘅呀妹。其實佢邊係肚餓吖，阿哥家姐玩緊佢覺悶之嘛。
之後又玩咗排咗勁耐的巨摩天輪，真係好耐，又多人逼，正午時間，下次都係夜啲先排喇，無耐性呀妹又係咁話耐，於是俾部iPhone佢消磨吓時間。玩完之後真係勁肚餓喇，去食左幾舊雞之後仲唔夠喉！一人一本Haagen Dazs！！
我地玩足真係咁耐，五點幾約好Panny姨媽一家出OP，一齊去食飯，食完之後抵鍚司機Ryan爸出現！揸砵砵車帶我地番火炭。三個傻人係車度瞓到gur gur聲喇，落車至醒∼
是次旅程好開心呀，下次再同Jeff仔一齊去主題公園啦，Jeff仔都話爆開心，最好Jason大表哥都黎到。
|
