Yoyo 媽一家生活日誌 - QOOZA BLOG 網上日誌

pakngaiyeung : 個人主頁 - 相簿 - 訂閱 [ QOOZA - 論壇 - 登入 ]

pakngaiyeung

暱稱： Crystal Lam + Yoyo媽
性別：女
國家：香港
地區：沙田區

MORE...

最近沒有訪客

日誌統計

文章總數： 104

留言總數： 6

今日人氣： 2

累積人氣： 557

站內搜尋

RSS 訂閱

2012 年 1 月 10 日星期二

2012近況	分類: 未分類
昨日寫了一篇網誌，翻查記錄，才赫然也有一段短時間沒有寫blog，連聖誕活動都沒有記錄，遲少少寫！踏入2012，第四天便是我家姊弟的期中試，Ryan升中後首個期中試喎，況且他上次考得不錯，今次一定壓力倍增。無錯，當然他找了我給他溫習。家姐同樣要面對自己的考試，當然不能跟他溫書。期中試嘛，佔的成績比上一次重，何況阿仔未考過咁長的試，慢慢來啦！結果2012年的第一日便開工溫書了，每日至少三小時（他自己定的，我無參與任何意見，只是我也要陪太子讀書三小時一日）當然之後的日子都無走雞了，無錯，我都是在家「溫書」！我的職責是問書，有時都要應太子要求突擊抽問（呢個仔對自己好無信心，佢話佢自己溫唔掂喎！）所以，其實我每日都沒太多空餘時間，有時都想打篇blog，但是Ryan放學時間到了，即是又是陪太子溫書時間，三小時之後我都要煮飯啦，Ryan溫完書free time就到我好忙，幫Yoyo睇下功課執吓手尾咁，簽吓通告，Crystal同Ryan爸就番到，又係時候開飯喇！依家我打緊呢個blog嘅時間Ryan仲係學校同班同學仔「溫緊書」，唔知係咪真啦，但係我就有三小時free time抽出來打吓blog～
發表時間：2012-01-10 04:40 PM [ 訪客留言(1) ] [ 編輯日誌 ] [ 分享至FACEBOOK ]

2012 年 1 月 9 日星期一

Galaxy SII~~~	分類: 未分類
相信聰明嘅你，見到題目大概都知我想講乜！哈哈！最近咁多強勁手機推出，Ryan爸如何不心動？無錯，眾多新機之中，他睇中了Galaxy Note，他話呢部野好啱上班一族用，提議我執佢二攤用Galaxy SII，咁我部iPhone點算？話晒都咁貴，雖然啱啱用咗一年，但係咁新，點處置好？Ryan爸一早心意已決，買機心切，都唔理我點處置喇，係話換機嘅第二日即刻買咗部Galaxy Note，仲好快咁俾左佢之前部Galaxy SII我。班傻人一見到Galaxy Note雙眼發光，好想拎去玩去自拍，但我堅持考緊試唔俾掂啲機為由拒絕咗。我想唔到有咩方法處置部iPhone，於是Ryan爸竟然叫我插張舊卡入去俾佢地係屋企玩！iPhone當玩具手機，Ryan爸你係得嘅！我諗到一個兩全其美的方法，俾我部iPhone俾佢地當玩具手機都得，條件就係要三個傻人全部考晒試至玩得，仲要唔俾拎出街。有iPhone玩喎，梗係制啦！以我所知，Ryan同Crystal考試都考到20號，即係話13號就考完試嘅Yoyo都要等20號至解放，打住其他機先。呢個方法可以令佢地專心考好啲個試，又可以俾佢地新年Happy吓，唔錯吖！嘻嘻～至於我呢，又有新機玩喇，Galaxy SII平時睇老公玩都無咁正嫁，點解我會覺得咁正咁嘅？我依然仲有Whatsapp玩，個畫面又清又正，雖然老公個部層次仲高，但係呢部係我心目中已經係好好喇！正～～
發表時間：2012-01-09 04:47 PM [ 訪客留言(0) ] [ 編輯日誌 ] [ 分享至FACEBOOK ]

2011 年 12 月 29 日星期四

Blog友談。Ryan好乖仔？！	分類: 未分類
是次party新相識了一名blog友，她就是我上一篇blog提到的Vincy。我在整個party入面擔當主持人的角色，儘管我沒有任何職務在身，仍需要在party上看著一個個掛着玩的小朋友。結果在party完結後，Vincy打算跟我談談天，於是最後才離開。Vincy很健談，主動談談對三傻人的感覺，亦有詢問我關於小學的問題。首先她第一個講的是Ryan，她力讚Ryan好乖仔，剛剛經過的Crystal聞言「吓」了一聲，哈哈！Vincy說在整個party中，Ryan也有盡力擔當大哥哥的職責，很盡力照顧比他小的小朋友。她又說現在在學校很少見這樣的男孩，因為Vincy的囝囝也是個典型的小學生，不算頑皮但間中搗蛋！這點我頗同意的，因為小學的時期Ryan長年都是班長仔一個，我曾經以為是班中的男生太少的問題，老師也在我面前表揚過Ryan在校內的表現，自此我相信在小學裏，乖巧的男生一般得很少，因為有些男生不是「曳」，但是有時較活潑好動，被老師列為「頑皮」一族。我在學校認識的Ryan同學仔，多數較頑皮搗蛋的都是獨子，或是兩兄弟。我家Ryan是排行第二，不是最大又不是最細，多數能遷就妹妹，亦能配合家姐，所以我常常說Ryan好識做，哈哈！可能是在兩姊妹的中間，Ryan跟女孩子很容易相處，因為由細到大也要跟她們相處嘛！Vincy囝囝璟佑是么兒，哥哥璟灝今年已經中四了，跟他相差六年，所以Vincy說哥哥很自立，反而弟弟很倚靠哥哥或自己。
發表時間：2011-12-29 05:49 PM [ 訪客留言(0) ] [ 編輯日誌 ] [ 分享至FACEBOOK ]

2011 年 12 月 27 日星期二

2011聖誕Party後記	分類: 未分類
早前真的很忙，本來以為今個party也帶不了什麼驚喜給大家，結果在party前一日，本來相約了我們去慶祝聖誕的2J媽打算將我們慶祝的日期改早一日，因為他們都臨時有約了，所以22日我們去了「赴約」，23日便能夠騰出整整一天的時間預備party的事情，作最後衝刺。一日的時間，其實已經很長了，於是我們一家五口出動，齊齊準備不同有關party的東西，當天分工餘下：我+Ryan爸：我先到屋企樓下Market Place入貨，由Ryan爸看住啲細路。預備一些本來整唔切，依家應該有時間整嘅party小食，順道買小小雪糕來當party的小小甜品。 Crystal+Ryan：包好禮物，另外包埋自己預備的交換禮物。 Yoyo：寫好所有聖誕卡送比朋友同學仔，另外做好party中的文書工作（如寫交換禮物、抽獎的紙仔）結果時間充足，一日搞掂曬，剩下一個晚上，決定唔好徙時間喇，繼續check好聽日要準備嘅野。今年俾Ryan爸揸主意買禮物，佢話佢買得啱小朋友心水喎，結果買到over budget，分配好之後原來仲買多咗好多！最後一人整一個禮物包等小朋友滿載而歸～晚上就利用空餘時間將佢地包好貼好名，等佢地唔好揀唔好爭，哈哈！既然我地們有野做，不如叫Ryan爸落去我地指定飯堂買野食上來咯，Yoyo又齋睇無野做，哈哈，就叫埋佢同daddy一齊落去啦！其實好多朋友都好好，有問過我們駛唔駛幫手整野食或者叫到會，我地有時間搞得掂就OK啦，唔駛叫到會咁煩，咁多人好徙錢呢。另外今年又多咗參加人數，有啲blog友都有黎，佢地平時唔識我但係又有keep住追，真係好多謝佢地。有啲blog友又有同齡小朋友呢，好啱玩，一於識埋佢地一齊黎，加深下認識都好！今次有啲上次有來的唔得閒，又或者同學仔今年唔同班又唔請，所以舊人少咗，第一次黎嘅多咗，整體來說佢地都覺得幾有新鮮感！大約party兩個禮拜前，收到一個blog友email我，話佢想黎，初初都唔知佢係咩人，因為佢係我個blog度留過兩三次言咋，都有少少擔心究竟俾唔俾人地來好，幸好佢都明白我擔心緊嘅野，主動留低電話，同是iPhone友，於是兩個禮拜一直keep住有Whatsapp，原來佢囝囝聖誕無咩活動，見我地party好似好吸引，膽粗粗睇下聯唔聯絡到我，想俾個囝囝參加下感受下聖誕氣氛。其實收到有blog友想參加老實講都幾開心架，證明我地個party有吸引力先啦起碼，哈哈！佢平時有追開我blog，簡單來說都叫「識得」我家三傻人，之後大家都有交流下睇啦吓大家嘅相，佢仲係party最早黎嘅添！來到之後見到三傻，囝囝不知幾興奮，好快就熟喇！
發表時間：2011-12-27 04:58 PM [ 訪客留言(0) ] [ 編輯日誌 ] [ 分享至FACEBOOK ]

2011 年 12 月 21 日星期三

忙忙聖誕	分類: 未分類
最近很忙，皆因頻頻出席很多活動。首先跟進一下聖誕party，今年所有東西大致上與往年一樣，實在沒有時間花在諗新的環節！抱歉！距離party尚有「僅餘」的三日，如果有突破的話，可望有最多一個的新環節預備到俾大家。因為今年預計唔到原來係咁忙，所以我們只是急急預備好跟往年完全一樣的東西給大家飲飲食食，禮物當然是不同啦！一年比一年重手！大家多謝Ryan爸啦，佢買到over咗budget！坦白講，預備得晒算好嘢！遊戲方面當然預備了承諾了要搞的「尋找聖誕老人的禮物」！其他遊戲都係上年嗰啲。總之大家準時12月24日十二點正開始！我們今年成功將家中聚會移師聖誕節正日，往年聖誕節正日是我們一家五口的family day來的，為了party只好將family day延至boxing day！最後先預祝大家Merry Christmas！！嚟party的可玩通宵的！！
發表時間：2011-12-21 01:21 PM [ 訪客留言(0) ] [ 編輯日誌 ] [ 分享至FACEBOOK ]

« | 7 | 8 | 9 | 10 | 11 | 12 | 13 | 14 | 15 | 16 | ... | 21 | »