一個很忙的下學期接近尾聲了，Yoyo今日終於考完第一個報分試喇！對於還在考試當中的阿哥家姐來說，Yoyo的報分試是「小兒科」，對Yoyo來說，簡直是創舉，懶到爆的呀妹終於放監了，哈哈！考試的第一天派回來了試後安排，由於分開兩part睇，不是一次過說哪日哪級的同學有什麼活動等等，要睇Ryan跟Crystal的上學時間，睇到R曬頭！Crystal今年都有camp去，Form 3的她需要去五日四夜，據她所說，是一個很好玩的camp，有不同康樂活動參加。家姐一向很獨立，她要去camp當然不成問題啦，去年也有去三日兩夜的小型camp。在她不在家的五日當中，竟有三日是Ryan爸「年度工幹」之日子，即是說，這三日就是我一對二的時間了。

很老實說，一對二對我來說沒有難度，是今次竟然三天Crystal也不在家，要帶兩兄妹出街都要經過深思熟慮呢。早前提過，我幫Yoyo報了泳會，跟Jeff仔一齊操水，這幾天如無意外也會有一至兩天要操水，我不會獨留Ryan在家，但是早前又給他報了沙田一個社區中心的活動，不知道入選與否，但仍要作出安排吧。結果，要誰遷就誰好呢？贛是要勞煩Panny 姨媽帶Yoyo一同前往？

換Printer是在一個月前發生的，現在才記錄的原因是，剛才在與Yoyo溫習常識，接近兩小時了，現在讓她小休十五分鐘，十五分鐘後要回到自己的崗位，獨個兒溫習下一課的內容約半小時，半小時後到我回到我的「崗位」，問她有關該課的內容，她的目標是要全部答對，計計今日她「達成」全對的目標，已有三個，累積五個後換Haggen Dazs一杯。這個看來有點無聊的獎勵計劃，是她定立給自己的，要讓她每日也有一個目標，向目標進發！就是這大概的一小時，沒有什麼好做，Ryan和Crystal都在靜靜的閉門溫習，就打打Blog消磨時間∼

上個月的某一天，Ryan在影印資料做功課時，發現Printer又沒反應了。（沒錯，Printer經常性沒有反應，每次也要等候起碼半小時，要影印十分麻煩）這次等候了兩小時，都未見Printer接到指令，嘗試了多項的修正後，打算關上電源再開，已經開不著了！結果當然是打給Ryan爸啦，他回來後檢查了Printer一回，發現Printer原來早已無墨，但就不清楚為何開不到Printer。畢竟用了好幾年，Printer可能也要退休了，於是為了Ryan的資料能盡早打印出來，好讓他後天能盡時交功課，廿四孝Ryan爸翌日放學後便出動買Printer，結果在他精心的挑選下，買了一部價錢合理，功能多多的Printer。第一件事當然就是讓Ryan完成功課，順道測試一下Printer，大家都對Printer讚不絕口，尤其是傻妹Yoyo，不知幾興奮！

Printer功能多多，令我們更加方便。考試將至，當然是影印一份份的Past Paper啦（For Ryan and Yoyo）Yoyo知道了Printer如此的方便，更加不停接「order」，經常替同學仔print 野，多服務同學是好事呢！這是我們某天的對話：

我：「點解你咁鐘意幫同學仔print 野嘅？因為個新printer好好用？」
Yoyo：「梗係啦！我幫佢地print 完野，第日佢地會請我食野嫁！佢地話我好好人！」

很難得的，我生日（520）在星期日。以往幾年的生日都是在平日，所以多是三傻上學去了，自己搵節目，是近年Ryan爸才刻意提早請假，換得520當天的假期。星期日一向是Family day，上星期日更是我的生日，於是我們家的「活動統籌」Ryan爸又出動了，計劃好整日的行程，當日的心情是十分興奮的！

我慣性地假日會九時起床，一起床先梳洗，完成一輪清潔工作後，再叫三傻起床，然後煮早餐。鬧鐘本應十分準時響起，可是鬼馬的Ryan爸昨晚在我睡着後提起了鬧鐘的電池，結果我在沒有鬧鐘的聲音，十時才起床。我們的早餐是蛋糕，是我最喜歡的公仔 - Hello Kitty造型的蛋糕，當然我不忍心吃了她，但真的是十分美味！

一輪家中的慶祝活動，十一時許Ryan爸就叫大家更衣，說要到樓下商場給我買生日禮物。我當然覺得奇怪，到樓下商場竟是買生日禮物？不過起碼很有心，就看看你們買什麼給我！結果，果真不是到樓下商場，是坐Ryan爸的砵砵車到主題公園！本來我真是到達才知，口疏的傻妹Yoyo在上車時「爆響口」了，呵呵！原來他們在一星期前已經在計劃，實在想不到可以帶我到什麼地方，阿妹就說很想去迪迪尼，當然Ryan跟Crystal也想啦，Ryan爸見佢地想去，於是就決定去迪迪尼啦！

講泳會的資料太多了，也未談談是年暑假妹妹之暑假充實大計。我當然想是她能過一個充實的暑假，但話雖如此，Yoyo的暑假有一半的充實已經是成功了。妹妹是家中最小的一個，也是未升中的一個，如果要安排暑期活動，妹妹當然是參加者首選啦。既然還有一年，要好好安排一下。以往其實年年都有給妹妹報讀興趣班，近至樓下／附近商場，遠至要跨區，務求都是想妹妹有點「細藝」，不想她整日待在家中。

以前一二年級暑假時參加過多少、什麼興趣班，都沒有刻意記低，升三年級的暑假吧，見家姐阿哥都陸陸續續學懂游泳（是我和Ryan爸教的）妹妹當然又沒有刻意教，於是妹妹常常告訴我很想去游泳，又話想和家姐阿哥一起游泳，結果我決定去給她參加一些會所的游泳班，只報了初階，想睇吓妹妹是否真的有興趣學。由於我七月中至幫她報，結果僅僅報得上八月中開始的初階班，結果是妹妹很有心去學，連教練都話她的程度可以升上中階了，可惜當時已經是八月尾，如果要報中階就要閒日放學後上，怕且會有點兒趕，因為我又要湊當時五年級的Ryan，還有剛升中的Crystal呢，於是打算下年再給她報。之後都多了去游泳，想教她游，結果下一年的暑假前，妹妹都可以話係學識曬喇，於是再問她報中階與否，她又不想學了。

升三年級的暑假，另一項興趣班是書法。為何報書法呢？當時Ryan爸的哥哥（當教師那個）跟我說：「細妹三年級喇喎，學校會安排啲寫書法嘅練習，佢又無書法底子，初初做呢類功課又好麻煩吓，仲細啊嘛！」於是他就介紹我跟Yoyo去報讀書法班，會所無此類興趣班，結果又去搵咗一間區內商場的學書法地方，價錢可以話係十分之貴，及後再睇回其他類似書法班的價錢，平好多，真係有被搵苯的感覺！那間學書法的地方，設備是很齊全的，但是我又覺得妹妹的level未去到咁高呢，已經報了最便宜的班，只上三星期。妹妹的書法呢，可以話係有基礎嘅，但係幫佢整嗰陣真係十分之麻煩，佢又搞到好「呢hea」。兩大重要興趣班之外，其實仲有俾佢去學打乒乓球，因為平平地，俾佢無咁悶啦，結果佢醫都係無興趣。

升小四的暑假呢，因家姐中一參加了羽毛球班，Ryan又有啲興趣玩，結果兩個有時都落去樓下打波，又或者book會所場打。妹妹成日見佢地打，結果又好想玩喇，又同我講話好想學，結果搵咗哥哥都佢一齊學啦，起碼有人陪佢，加上Ryan都唔係太識打。學完之後，阿妹都叫做開到兩吓波啦，我就幫妹妹物色第二樣興趣班喇。

Crystal上個禮拜交了選科表，鐵定了要選咩科，呢段時間（除了考試以外，至到公佈分班表時）可以話係等消息。Ryan中一生涯就快完結，好開心佢好鐘意呢間中學，又好enjoy其他學校安排的活動。所以我都打算暑假可以幫佢搵下地方消磨時間，是要消磨時間，不是搵興趣班，因為Ryan呢啲年齡，興趣班唔啱佢架喇，現在是想搵一班佢嘅同學仔，一齊參加吓啲workshop學吓野咁，有伴一齊去，包唔驚悶！本來都想家姐同佢一齊去玩吓，但係怕家姐唔得閒，打亂佢個schedule就唔好啦，於是都係叫佢幫手搵吓再睇吓有無興趣先。

傻妹今個暑假有咩著落呢？上星期Panny姨媽致電我，佢想Yoyo陪Jeff仔去學游水，我家Yoyo當然識游啦，但係去學吓執吓佢啲手勢都唔錯喎，Jeff仔都識識地游，我諗真係想Jeff仔有啲野做吓，Panny姨媽本身想報會所啲暑期游泳班的，但見Yoyo都識游，驚Jeff仔去到無厘正經掛住玩，於是都係疊埋心水報泳會！一來泳會會嚴啲真係幫學生操水，二來都想我家妹妹可以游好啲，起碼手勢正規少少，可能可以去吓啲小型比賽見識吓呢！決定咗報泳會之後，都有問過吓啲做相關行業嘅朋友，知道係泳會操水可能真係會辛苦啲，但係有啲專係比呢啲年紀嘅小朋友報，唔會太辛苦，於是穩陣都係問問係泳會做的Panny姨媽朋友，佢唔係教練黎，但係平時有幫手規劃課程，知道原來適合小童報名嘅都有兩個組別之分。
15歲以下組別：一般會將課程set緊密少少，例如係一堂入面教嘅野要一堂之內學識，仲有要求都會高啲，大約一堂會游到10至15個堂先合格，而且速度要係指定時間之內。連續游了幾個堂時間都未達標，會安排額外補堂操水，呢個組別嘅教練可以話係好有heart，但係操小朋友黎講，唔適應都可能大喊辛苦。至於我家懶妹同Jeff仔來說，都是不太合適！

7-11歲小童組：凡七歲以上就可報該泳會，即係話操水訓練適合7歲或以上，亦即係呢個組別係最低level同適合小童嘅，Panny姨媽朋友話，呢個組別一般頭兩三堂可當試水，會安排最少四個教練同場（頭兩堂）大約1對2個睇下佢地程度如何，同時亦係比教練睇吓適唔適合自己教。第三堂開始只有兩個教練，大約係1對4，4人為一組，多數會由訓練學游接力先，再慢慢加圈，最後係會教跳水同操水基本訓練，再由淺入深咁訓練落去。第一期訓練為三個月（7月至12月），一個月最基本有四次練習，要額外補堂最多有六次練習。第一期完成後，導師會接學員的能力提供意見，能力達標會推薦去報12歲以下組別。第二期訓練係11月至2月，由於冬天關係，一般一個月只有一至兩次操水機會，每堂大約會游6-7個堂，係升一個level嘅練習。最後嘅第三期訓練在4月至5月，課程同12歲以下組別無異，但只有兩個月當適應，適應以後可以報12組以下組別，都可以算係正式操水。每期課程收生60-70人，每期課程只設兩個重讀名額。

Panny姨媽朋友話每年都有好多人報名7-11歲小童組，5月就開始報名期，第一期課程開幾多班要視乎收生，上限是五班。由於多人報名，都叫左佢幫我地留位，會比Jeff仔同Yoyo試吓。6月會結束報名期，但一般5月中就full曬，開始編班，要求咗想俾兩個豆丁同班一齊操喇。正常程序來說，6月中會收到正式通知，可以去搞入「會」手續。