「喂~~你得唔得閒呀?我想同你傾電話呀...求下你啦，講多一分鐘啦.....係呀.....」
以上的對答，可能你都聽過不下一萬, 甚至兩萬次。自問自己唔係一個鐘意傾電話的人，好多時候都會鐘意將信息傳遞完給對方之後收線。並唔係我對人冇禮貌，而係我真係好憎同人講電話lo~~
至於你話到咩「煲電話粥」，或者「傾通宵」個D呢.....我估我成世仔都冇試過。我覺得個樣野太癲啦，你諗下一路講個電話，個電話一路咁熱住熱住你又要繼續講，有咩要講就見面先講。同埋係電話的世界入面，其實語氣上都有好多落差嫁。有陣時突然間收到個電話:
「唔好意思我而家好忙呀......」
「忙咩姐，你而家係度做咩姐，姐係唔理我啦......」
咁我而家，真係好忙丫嘛......忙到不可開交的情況之下，又點只三言兩語可以講得到呢....雖然而家發明左視像電話，但係掉返轉頭ar : 科技雖然愈黎愈先進，但係你又幾可係街度見到有人真係攞住部機「視像」一番丫......我估真係少之又少呀......
之不過今日睇到一份報告，我覺得今次都要支持下邊下邊用手機係咁「煲電話粥」的人wor~~話說南韓科學家表示，已經研發出一種可以將聲音音波轉化為電能的裝置了。可以比手機用戶一邊講電話，一邊為手機充電，而且講得愈大聲愈着數嫁。因為聲浪愈大，充電量愈大。咁樣呢個新的技術甚至可以利用背景的噪音為不同的電器充電，我估其實呢樣野真係為左造福人群ge，不過一邊充電，一邊講電話 ; 一邊input ，一邊output。但係掉返轉頭，如果大家唔好成日講咁多電話，能源消耗咪可以少d lo~~不過唔緊要啦，我覺得未來5年之後，大家連電話都會少講嫁啦。只會隻手係咁密密襟，密密覆~~到時，真係傳說中的一句 : 聲都唔聲下呀。所以到時你可能會懷念我今日係個 Blog 入面 tone 的電話effect ar!!! |
關閉的柯士甸站 B5 出口
九龍站 上蓋花園 遠眺 圓方商場
柯士甸站 D2 出口