再見，Bye Bye 我地日日都會講，成日都講。有d係未必會再見，或者係唔知幾時會再見的Good bye 呢，有時就真係唔知點講出口，"Kick"住左會啞左。
咁話說我之前就放棄左用開多年的上網公司，改用左另一間上網公司。呢個plan 平D，而對我呢種又唔係成日會用極速上網的人，似乎係節省了錢，咁我都覺得幾好。所以就決定正式向舊的上網公司說再見了。咁原來要終止手續真係唔係想像中咁簡單，網上面就有D熱心的網友開了一些網頁教我們如何可以跟這個上網公司說「分手」的。這些網友都是經歷過與供應商「分手」的繁複程序。而佢地又歸納了很多仔細的指引給大家。只要大家你想同佢SAY GOOD BYE 的網絡供應商的名稱，就會有一個網頁教你如何跟他「分手」，又或者係扮分手來得到更多的優惠計劃。那有齊所有情節，計劃及台詞--> 在甚麼時候會有什麼的阻滯，要怎樣做才可以得到最好的權益，一一都很清楚介紹給大家的。
跟網絡供應商說再見就有熱心的網友整網頁教我地做過勝利的Good Bye啦，咁係真實的生活裏面，Good Bye 及點講呢? 一D你唔捨得，唔知幾時會再見，甚至可能唔會再見的呢一個Good Bye，又點樣講出口，又由邊度講出口呢?無論呢個你要同佢Say Good Bye 的人在你生命中出現過幾長，幾短的時間，去到臨要講再見的面前，一齊經歷過的片段，分享過的回憶呀，細節呀，一格一格呈現出來。那些鼻酸，眼淚呀...er...「再見」，你問自己幾時再見。在今晚這個月夜下，小弟倒抽一口涼氣，腦中浮現出一些特別的人，一些回心微笑的面孔。這一刻，究竟佢們做緊咩，係邊度，而家生活又係點呢?
「再見」，是不是再見，原來已經不重要了。慶幸的係，我地認識過對方，對方都係我地的回憶裏面有存在過，我地都會記得。有人話，人係要失去的時候，先會珍惜。繼我話呢，應該掉返轉頭咁講 : 講再見唔係失去，反而係擁有的開始。如果唔係呢個Good Bye，我根本就唔知道自己有幾咁在乎的。所以，我想感激再見，知道我真的擁有過，所以，多謝!再見!
|
