多謝Mr. Lee Chue Fung咁快tag返d相俾我!!!! 哈哈哈 大家真係大個哂啦~~

琴晚勁唔想訓..有點無所事事的感覺..
睇tv睇到凌晨2點幾. .. 真係幾無聊..
都會諗究竟生活係d咩呢??

自從3月1日辭左工，我都同自己講俾自己休息2星期先再上路.. . .
琴晚諗..如果日日俾我好似之前咁返工..係呀...一定唔會好似而家咁無聊...
但日日咁返真係無意思..營營役役...個陣我真係覺得失去哂自己..
都唔知自己生存緊為d乜.. . 係完全被工作充塞哂自己的生命呀!!!. . .

我都有問上帝... 點好呢..之後點好呢. . .
我感到內裡真係有一份好大的不安穩的感覺... 坦白講..真係唔知下一步應該點行...
但我知道上帝再一次要我心裡只要倚靠祂!

禱告都係同上帝講.. . ..叫祂提醒我唔好又跌落去不安穩的感覺當中. . .
安穩唔係我手中有d乜...唔係我有工返...我睇到將來.... 我有美好的計劃. .. 我身邊有人陪我...
真正的安穩係黎自上帝的平安...在祂的道路上

我仍然努力緊學習...克服...呢一個真係我的死穴...
我要叫自己不要焦急、亦不要焦慮.. ..
因為這個星期仲係我的休息期.. . 我要學習. . .聆聽上帝的. . 只睇上帝...

有時，真係幾佩服余生. . ..都8個月啦.. .如果等候咁多個月....我會係點呢. . .. .
其實，我擔心余生多過自己. . .   . . ..
禱告時總會說：祢賜給他吧. . .希望他快d能得著...

我知道這亦都反映係我的小信. . .神又點會唔將最好的給他呢. . . 我要信得過神!



我真係好想學習專注神的計劃而非自己的籌算呢.. . .
我可以點樣去開始呢....
主呀. .. 請祢開我的眼界. . .
 

整天都係睇tv為主...哈哈... . .
講章到而家都仲未寫...又遲了. ..
總是的唔起個心肝寫.. . .
好似斷左線咁...同神打通唔到咁...所以落唔到筆. .. .
真係要多d禱告先可以與神同工呢. .. . .  . .

本身好想搵返一張以前的小組相...
搵極都搵唔到.. . .  .可能o係舊的電腦度... 其實又o係時候要過返d相同文件去新的notebook..
但太大工程啦~~諗起都想死...哈哈哈.. .

聽日有返d 野做啦~~就係夜晚去陸傳道家開G組啦................ 仲要帶Welcome 添~
今晚要諗諗先~~

頭先之前份工的上司打左幾次黎...問返我之前工作一d野...
真係救命..之前走的時候我已經交低得好清楚ga la... 又唔睇清楚d野...搵都唔搵下...唉...
希望我唔需要再接到有關的電話.. . . 我已經走左ga la... 唔好搵我...哈哈....超人都做唔黎.. ..
其實，真係幾可悲...差唔多9點佢仲未收得工... . . .
生命不應該只係這樣
 

主呀...再次感謝祢讓我見到甚麼才是豐盛生命. . ..
離了祢就不能作甚麼

第一次寫Qooza的日記，平時都係寫開xanga ge..
我知道好多約書亞的人仔都喜歡寫Qooza，好多時好想睇大家所寫的，
但成日又入唔到去，又話要會員先睇得..真係激死..哈哈
明明之前睇開他/她的Qooza都唔洗ga..哈哈..之後又要...有時仲得意..要密碼添..哈哈
年青人真係轉得好快. . ... .不過呢d就係年青的階段..

反正開了，所以就的起心肝寫啦...
其實，我由大學開始就鍾意寫日記，大大話話已經開左最少8個日記啦~~~哈哈哈
不過最早期果2-3個已經無左..因為個網已經死左...真係好可惜ar!!!無左一d我認為好sweet好美好的回憶.. .
有時候，諗極都諗唔返以前發生過乜事..都係靠睇返d相，睇返d日記去回味返昔日的感覺.. ..

想o係呢度記下d特別想記的事. . .諗到乜就寫乜...

隨心隨「苡」...哈哈哈..都應該唔錯吧...

今日，心情都係麻麻炸.. . .d 思緒都仲未清到呢...
我有問自己：發生乜事??!!
真係好耐無試過咁啦....................... 究竟發生乜事..

9點幾起身，11點返主日崇拜
今日係謝牧師最後一次在教會啦. . . .. . 佢最後一次講道..
「愛裡沒有懼怕」
佢係一位充滿感性的牧師...真係好唔捨得佢呀!!
佢要離開實在太突然啦!! 最大的回憶係佢都見證住我浸禮...送左唔少靚相俾我. . .
所以，我同魚旦哥哥一齊送左一張咭俾牧師留念.. . . 裡面有著我地浸禮的相同埋祝福...

謝牧師對眼其實係眼濕濕ga...佢真係一個super good的牧師!!!

而家睇返張相，真係好唔捨得ar...
佢今日見到我地同我地講的最後一句說話係：魚旦...同Paula... . 多謝
每次佢叫我個名都好窩心ga，因為佢係用心記著肢體名字的牧師!!!!

主呀，您要大大賜福牧師!!!

完左崇拜. . .
余生問：咩無人同你食lunch咩.. .
真係當刻想打獲佢...哈哈哈. .
呢句說話...的確不好受. .因為諗起.. 一d 難過的回憶...
呢幾年. . .慢慢學習去適應. . . 雖然有時感到自己仍然原地踏步....但我知道上帝要透過經歷堅固我. . .
 

其實，當見到生命離開教會，每一次我都好想用我的經歷鼓勵大家..
2003年. . .余生帶我返到呢間教會..我無咩特別原因而返教會的，只係個陣得閒..所以去睇下..
當時大家覺得我好cool，哈哈哈，我仲記得我同大家講：得ga la..我唔會信..因為我信天主教...
諗返真係好好笑...
當時Maisy係我的組長...返左教會1個月多dd，有一日我就決志...(我都唔係果d一返教會就決志的人..心都幾硬ga..)
個陣，我覺得同組的組員都好勁ar.. 我好想學佢地. .所以我努力成長. .過左一年多...
小組的人愈來愈唔穩定...佢地一個一個經歷低潮..好似好多野發生在佢地的生命咁...
之後Maisy有新的事奉方向...加上我諗當時小組咁樣令到佢好吃力...所以佢話唔再帶我地的小組...個陣真係感到晴天霹靂呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
我仲記得個次的區聚，Maisy鼓勵我地的組員...當時我真係唔明白點解d組員生命會突然低沉..
之後，小組變左無組長. . Maisy鼓勵我去其他小組..咁樣會健康d...
但個陣我的心真係好掙扎...極度唔明白..因為我覺得我的生命，係佢地影響我，無佢地，我都唔會成長得咁快..
但點解當我好想同大家努力之際...大家的生命就遇上風暴...
我真係好想同佢地繼續生活.... .. .生命影響生命... . 我好想幫助佢地. .同佢地一齊分擔..
所以，最後，我決定繼續同佢地一齊. .. 當時我地的小組無組長...個區又唔會有多的組長派落黎.. .
我就承擔住呢個的小組的聯絡人. . .日子過了一陣.. . . 慢慢就承擔埋組長. .. (當時我真係咩訓練都無...咩都唔識...)
覺得自己同其他組長好唔同，因為我的小組就好似係自生自滅咁.. . ..
其他小組都係一個「去」的小組... 而我的小組. . .係各人生命的低潮... .
我相信生命總會有復興之時，有高亦會有低，我深知
所以，當時我改左個小組名叫「Revival」奮興小組....

我諗過左年幾...時間都唔係好記得啦.. . .
佢地一個一個離開哂教會. . .. .我試過差唔多一年崇拜得我一個人.. 霸左幾個位盼望住佢地會回來..
其實，都幾難過ar. ..  .加上當時又係余生的生命低潮. . .基本上. .小組最穩定就得返我同余生. . .
最後，我都唔知點再繼續落去...所以，我都唔再帶. . .小組交左俾余生. . .余生帶左一段小日子. . .
最後，無人再返的時候，就宣佈Revival都無啦~~~

之後，2006年我就落左少青，入第一次的福音營啦~~
 

經歷雖然難過，但在個段日子，上帝堅固我的信仰生命
讓我知道即使返教會可能一個組員都唔會有，但我仍然要返
因為信仰從來不是憑感覺，亦不是因為人返，所以你先返
 

另外，上帝讓我看見，我對生命的執著!!
 

的確，每當見到生命離開上帝，我真係會好心"up"，痛心...

心裡係有種迫切!!!! 好想救她、他. .. . . .  . .

我會問：點解ar主?點解ar??. . .. 為何佢地生命咁易溜走. . . . .

但感謝主. .. 開我眼界..從呢d經歷中讓我明白...

即使生命溜走.. .但主仍是掌管生命的那位.. 您比任何人更愛佢地的生命. ..

我牧養，係一份對生命的著緊、迫切. ..
生命影響生命. ..

我希望我的小羊都係「忠心堅韌」、「永不放棄」、「定晴上帝」

睇緊的妳/你，也請妳/你加油!!!