香港麻雀一般計番，香港麻雀雖然同廣東麻雀玩法差唔多，但同廣東麻雀計番唔同，主要分別在於番種較少，另外又以八番最大，之後全部都計「例牌」。

一番 [編輯]

• 門前清：全部牌都是自己摸，無上、碰, 唔一定要自摸
• 平胡：全部牌都係順子，而將眼唔係字牌。
• 自摸：食糊牌由自己摸返嚟。
• 三元牌：拎到任何一副中、發、白嘅刻子。
• 門風牌/圈風牌：拎到自己所屬門風或者圈風嘅刻子。
• 花么九：亦即係廣東牌嘅混老頭，全部是一、九或字牌嘅刻子同將。
• 海底撈月：海底最後一張食糊，自摸計多一番。
• 河底撈魚：海底最後一張食糊（出銃）
• 槓上摸：明槓或暗槓補牌時，自摸計多一番。
• 搶槓：人哋槓張牌啱啱自己可以碰咗之後食到糊。
• 正花：花牌上的號碼1等於東，2等於南，3等於西，4等於北．如果坐的位置同摸返黎的一樣有一番。例如坐北位拎到竹同冬，有兩番。
• 無花：一隻花都拎唔到，一番。

兩番 [編輯]

• 冚手胡：類以日本牌既「雙立直」，即係叫糊後門清，計兩番。
• 梅蘭菊竹/春夏秋冬：花牌湊滿梅蘭竹菊，或者春夏秋冬（正花唔使再計）。
• 雙番東/南/西/北：東風坐東位碰/槓東或者南風坐南位碰/槓南或者西風坐西位碰/槓西或者北風坐北位碰/槓北

三番 [編輯]

• 對對胡：全部係刻子，無順子。
• 混一色：成副牌都係由字牌，同另外單一花色（筒、索或萬）組成。
• 小三元：拎齊中、發、白三種牌，其中一種係將眼。
• 人胡：喺第一圈因有人出銃而食糊(亦有人當做例牌)。

四番 [編輯]

• 七隻花：牌湊滿梅蘭竹菊、春夏秋冬其中七隻(未計正花、梅蘭菊竹、春夏秋冬)。

七番 [編輯]

• 清一色：成副牌由同一花色搭子同將組成。

==例牌==(括號內為實際番數)

• 天胡(24)：一開局莊家排好牌已經係糊牌。
• 地胡(16)：閒家食莊家第一隻打出嘅牌。
• 坎坎胡(16)：即係四暗刻，有四副自己摸嘅刻子。
• 十三么(24)：以門清方式，拎齊十三種么牌各一張，再加其中一張做將眼。

　例：再加一對將眼，另外有人唔當十三么係牌王，即係話可以被人截胡，打之前要講清楚。

• 全字胡(13)：即係字一色，全部都係字牌嘅刻子同將，亦可以係七對子。
• 大三元(8)：拎齊中、發、白三副刻子。
• 小四喜(12)：拎到東、南、西、北三副刻子同一對將。
• 大四喜(24)：完成東、南、西、北四副刻子，但唔一定要全部碰晒東南西北，只要有碰圈風牌，門風牌，其他兩門，一種係搭，一種係眼，已經係大四喜。
• 槓上槓自摸(20)：槓之後補牌又可以再槓，再補牌之後可以食糊。
• 全么九(24)：亦即係清老頭，又可以叫「清么」。全部是一、九嘅刻子同將，無字牌。
• 十八羅漢(24)：亦即係四槓子，槓出（明槓或暗槓）四張唔同嘅牌，胡牌時牌數要有十八張。
• 九字連環(24)：亦即係九蓮寶燈，門清拎到同一花色「一一一二三四五六七八九九九」牌型，九張全聽。
• 鐘鼓齊鳴(13)：又叫「槓爆」，海底撈月兼槓上花。
• 七對子(10)：又叫「嚦咕嚦咕」，但四張相同不計兩對。

轉自：http://zh-yue.wikipedia.org/wiki/%E9%A6%99%E6%B8%AF%E9%BA%BB%E9%9B%80%E8%A8%88%E7%95%AA