2009 年 5 月 31 日  星期日

而家咩年代者..???	分類: 未分類
現時係早上9點左右 岩岩返澳門攞早餐... 同埋放狗...然後返屋企 唉.!!頂佢...!! 真係好衰唔衰 就岩岩...係電梯度... 比兩條"某李"...捉住我來罵...-_- 話我地果戶...嘈住佢地樓下果戶喎 又話我地...晚晚都嘈住佢個仔... 搞到佢個仔無教好訓喎... 又話我地果戶係痴線...又話我地晚晚打狗..一係就晚晚打人 總之..就兇神惡刹咁不停罵我啦 又恐嚇我...話如果佢個仔再比我地嘈到訓唔到既話 叫我小心d...佢會連我地到大門都拆左佢... 我心諗...晚晚都嘈住佢地喎...?! 有咩可能先得架 你估我地咁有精力咩? 唔洗訓架..?第日唔洗返工架咩..? 果刻...好無奈囉..!! 當然...我亦無講出口啦尼d野 我見果兩條"某李"...咁多不滿... 咪企定定...比佢地罵囉 (我覺得..或者...罵左出來... 可能佢地會舒服d尼..!!反正..佢咁樣罵...我又唔會少條毛既..^^") 我亦有提議過...叫佢地首先要冷靜d... 如果...佢地既然係覺得我地夜晚嘈到佢既 咪報警囉....好過係度大呼小叫嘛... 當然啦..果d無文化既人... 又點會聽我既建議先得架...!! 咪一尾係度不停咁罵囉 而我見佢地情緒咁激動... 咪唔出聲囉 一尾就望住佢地...聽佢地係度罵囉... 不過我都唔明佢地架 而家咩年代者..??? 喊打喊刹..就有用架啦咩..? 而家每樣野...都要講証據架嘛 你有証據既...咪去報警囉... 有咩既...你可以直接帶管理員上來投訴 你估...而家咁罵下我...大呼小叫...就可以解決架啦咩?!
發表時間：2009-05-31 10:12 AM  [ 訪客留言(1) ] [ 編輯日誌 ] [ 分享至FACEBOOK ]

2009 年 1 月 12 日  星期一

人與人相處...總會有磨擦...	分類: 未分類
人與人相處...總會有磨擦... 吵吵鬧鬧肯定少不免... 但我覺得...吵吵鬧鬧亦係一種樂趣... 起碼可以令大家更了解對方... 嗯...最近...唔知係咪...習慣左..屋企有三個人尼... 大家爭下電腦用...吵吵鬧鬧... 又一齊睇下電視...一齊食下消野...傾下計... 感覺幾開心...^^" 不過每當...志偉哥返番去舊屋訓ge時侯... (其實志偉哥...都係一兩晚無返者...) 但我總係會有一種...唔捨得ge感覺... 相反... 平日志偉哥係度ge時侯... 我亦唔會特別珍惜同志偉哥相處喎... <感覺>呢家野...真係奇怪...!!
發表時間：2009-01-12 05:26 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 13 日  星期四

好開心ＡＲ！有大假ＡＲ！	分類: 未分類
今日放工前，公司ＧＥ同事，跟我說了一個好消息（我諗,對於任何一個員工來講,都係一個好消息） 尼個好消息﹣就係話，由１２月２０號﹣１２月２８號係公司既假期， 公司唔洗員工上班返工，（當然亦有得出糧啦） 嘩！計番條數，足足放９日大假，超正呀！ 雖然仲未諗，到時會有咩節目好！ 但係一諗到唔洗返工,就已經開心死啦！ 哈哈！我係咪應該計劃下，係１２月份尼個大假，應該怎渡過尼？！
發表時間：2008-11-13 06:31 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 11 日  星期二

~請大家比Ｄ意見我吧！謝謝！~	分類: 未分類
我最近，發覺自己好似有少少精神緊張咁！ 無論做每樣事情，我都要快！ 若果慢少少，我就會好嬲！ 搞到跟我相處的身邊人，都感到好難頂！ 我都唔知點解會咁架！！真係好對唔住ＡＲ！ 我覺得Ｄ時間好似好緊迫咁， 所以我要求，無論做任何時間都要快！ （老實講ＡＲ，其實好似又無咩野需要咁趕喎！） 真係唔知到底係咪， 因為夜晚訓得唔好， 還是工作壓力大， 而導致我精神太緊張 總之，現時，搞到我做每樣事情，都要快！ 我諗，我都應該控制下自己ＧＥ情緒啦， 無可能長期，精神過份緊張架，係咪先？！ 到底有咩方法，可以舒緩我ＧＥ情緒尼？！ ~請大家比Ｄ意見我吧！謝謝！~
發表時間：2008-11-11 05:31 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 11 月 9 日  星期日

11月尼幾日...我怎過?	分類: 未分類
8-11-2008 今晚..去左hk行街...!! 雖然我地無買野...(因為睇唔岩..) 但至少..還左我個心願啦..點解我會咁講..?! 因為我想去hk行街睇野...已經係好耐既事情架啦... 可惜..之前...一直未搵到朋友...陪我去...所以遲遲未實行..!! 今次去hk...原本...主要係想去..睇手提電話...同埋...去買番d衫仔著既 不過原本想買既手提電話...太貴了...和我們本身既預算...出入太大了...所以唯有放棄...唔買住啦...!! 不過老老實實啦...我地今次去hk...都無準備多d錢...因為係突然間決定去既... 再加上...今次我地去hk...係三人行...(包括...我和雄雄...+..志偉哥) 雖然船票不用出錢...但係交通費...始終要我地自己出既... 話就話AA制者...但係志偉哥無做野...又點會有收入喎... 換言之...志偉哥果份...就由雄雄幫佢出埋...!!所以d錢都唔係好夠洗..!! 6-11-2008 今日特登返去青暉搵阿ken...其實又無咩特別事既..只係因為好耐無見..所以咪番去行下...順道同阿ken傾下計囉 之前一直都好想搵阿ken架啦...因為早前遇到好多唔開心既事情...當時...好想搵阿ken傾下...睇下阿ken會有什麼建議比番我...但係又唔好意思...成日煩住阿ken喎...所以一直都未有主動聯絡阿ken... 老實講呀...我覺得..每次見完阿ken...都會有d啟發...嗯...雖然阿ken永遠都唔會比一個確實既答案我...但我覺得阿ken往往提出既問題...真係好值得...我去思考...!! p.s. 唔知係咪好耐無見過阿ken尼..今日見番佢...覺得阿ken佢...肥左好多咁...-_- 5-11-2008 夜晚睇左場戲﹣《畫皮》，起初以為又係那些恐怖驚慄的片，所以一開始睇既時侯無存太大期望，心諗當係打發下時間而已！不過估唔到，睇落 一Ｄ都唔覺得恐怖驚慄，反而覺得幾好睇，幾滿意,此片特色是無論人妖都非常痴情 其實講起＜愛＞尼樣野...我都仲有排學...唔係話我唔識..咩叫<愛>...而係因為我無安全感..而導致...我唔敢付出太多...所以我睇戲...見人地...為愛...而不顧一切係付出...真係會好羨慕..^^" 4-11-2008 之前報左個...成人英語入門...今晚...終於...的起心肝...去返學... (因為早前已經開左學架啦...但就比左d借口自己而唔返學...-_-") 唉...我都唔知自己係咪..對英文有恐懼...明明好比心聽架啦...但無端端..覺得好眼訓... 上緊堂個老師教緊英文既時侯...就好似係度吹眠緊我咁... 唉...真係想死呀..!!仲話要上40堂喎...!!點捱..!! 希望自己可以堅持落去啦...! 因為我足足比左$1000學費架...!! (如果唔係咁貴...我都未必會...的起心肝...去返學...)
發表時間：2008-11-09 07:42 PM  [ 訪客留言(0) ] [ 編輯日誌 ] [ 分享至FACEBOOK ]