2008 年 10 月 3 日  星期五

錢錢錢	分類: 未分類
唉...月頭啦...每個人月頭都應該較為鬆動d既...我指金錢上..!!因為岩岩出左糧嘛..!!可惜...我今個月就肯定無錢用了...因為之前欠下太多卡數了..再加上...有太多意外既支出了...!! 唉...都唔知自己搞咩?!我一般好少...會搞到自己無晒錢用架...!!係咪我大洗左尼?!真係要好好思考下尼個問題先..!! 不過又唔應該話我大洗左既...只係我開始對生活有要求...所以洗費大左..!! 例如...學人煮飯煲湯...希望可以令自己身體健康d..!! 例如...學人投資...想話可以抗通漲...希望自己生活可以好d...希望真係可以買到屬於我自己既一個屋企..!! 又例如...學人去旅行啦...想話見識多d...放鬆下心情...!! 以上既舉例...通通都係需要大量既金錢..!!所以話者...錢雖則唔係萬能...但若果無錢既話...就真係萬萬不能了..!!
發表時間：2008-10-03 05:25 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 9 月 28 日  星期日

<不祥人>..?	分類: 未分類
<不祥人>..? 我覺得自己...好似無親無故咁...所以我好渴望有一個屬於自己的家...!!雖然我本身係有父母和親戚...不過我和"佢地"總係有距離...名義上...我地係親戚關係...但實質上...我係佢地心中...比街上的陌路人還要陌生... 嗯...唔知...係因為...我和"佢地"平日到底因少見面少聯絡少相處...還是..."我"在佢地心目中...已經定左形尼?我覺得...!我每次在我的親戚面前出現...我就好似一個<不祥人>咁...好似總係只會為佢地帶來痳煩...所以令佢地..對我總係避之則吉... 我唔知係咪我自己諗多左...但每當我對住那些所謂親戚...我總係好唔自然...總係覺得好大壓力..好似無論我做什麼...都只有一個答案...就係永遠做了大錯的事咁...永遠都唔會...得到那些所謂親戚...包容體諒寬恕... 我其實係萬分唔情願...和那些所謂親戚...接觸見面...無奈地...因為我爸爸既關係...我總係要厚住面皮去找那些親戚...問侯下佢地...聽聽他們的教訓...有時真係覺得...好無聊又沒意義...只係浪費大家既時間... 不過...因為我爸爸既關係...我即使再唔情願...我都要做...!!因為我爸爸係一個好愛鍚屋企既無用男人...鬼叫我係佢個女咩...無可能連少少事情都唔聽爸爸講架嘛...正所謂...長輩係要專重既...雖然我都唔係話一個孝順女...!!
發表時間：2008-09-28 05:29 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 9 月 11 日  星期四

11/9/2008	分類: 未分類
琴日朝早心情有Ｄ煩悶,可能因為和公司關係唔多好啦，所以我覺得留係公司既時間過得好似好慢咁！好在，琴日朝都有好多工作需要外出做，雖然出面既天氣又熱又曬，不過相對來講,我覺得只要唔洗對住公司果兩個女人，都算幾唔錯！ 有時，我覺得，公司若果有太多“女性”一起工作既話，人事就可能會變得復雜，我總係覺得，女人太過小心眼啦,而且又小氣，容易出現『 心病』，雖則,我自己都係女性，但我以上講既，都係我自己認為既！
發表時間：2008-09-11 12:13 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 9 月 9 日  星期二

今日我既心情有點差勁..	分類: 未分類
今日我既心情有點差勁..!因為公司一個月出一次的雜誌...終於運到返公司了...而我就要彷彿似例行咁...將d雜誌送出去..各政府部門..及..澳門各區既餐廳... 老實講ar,我真係超討厭...勁憎...將d雜誌送出去..各政府部門..及..澳門各區既餐廳..囉..!!.因為實在...有太多地方要送了...再加上...時間總係好緊迫..每次我出車都總係要攞住...超重又多既雜誌...我真係覺得好煩囉...!! 我真係明白...而且好理解...{搵錢} 從來都唔係容易...但...原本我份工作...唔包括送雜誌...!當初...我都係諗住..順水試下...幫公司送下雜誌...賺番少許外快...不過...估唔到...有得第一次...以後就好似<老馮>咁...個個月頭都要你出去送雜誌... 我其實曾經有開聲...講過話...我唔想再幫手...將d雜誌送出去...!! 點知...得唔到公司既體諒之餘...仲要比公司責怪...唉...你話點算好尼?! 其實...我有諗過...可能<轉工>...係 <唯一> 可以解決既方法吧..!!因為公司會覺得...員工收得人工...就要一定要幫公司做野...! 就算你唔要果d加班錢...公司都係要你去做架啦...除非你辭工唔做架者...否則...講到底...就算你唔情願...都係要做..!! 所以...我諗...我都應該係時侯...搵過另一份工作了...!! 而且...現時做緊果份工...都做左成9個月啦...我即便轉工...都對得住阿ken啦掛..!!況且...現時份工...只係兼職者...收入又唔高喎...更加唔夠洗啦...我搵過份...都應該ok掛...!!
發表時間：2008-09-09 03:20 PM  [ 訪客留言(0) ] [ 編輯日誌 ] [ 分享至FACEBOOK ]

2008 年 9 月 6 日  星期六

人與人既相處,真係一門好大既學問！	分類: 未分類
人與人既相處,真係一門好大既學問！特別係,當女人與男人相處,就更為復雜了！就以感情作為例子，女人對感情,總係鐿意用說話講清楚！但偏偏，男人對感情事,總係 講一套,做一套,心又諗另一套！其實每段男女關係，要一直維繫,保持良好既關係，確實唔係件容易既事情！ 係感情上,從來都無分 對與錯 既，我諗，無論結果係點都好，只要用心去愛,用心去感受，就對得住段感情！
發表時間：2008-09-06 06:32 PM  [ 訪客留言(0) ] [ 編輯日誌 ] [ 分享至FACEBOOK ]