Piece of me - QOOZA 網上日誌

2009 年 7 月 17 日星期五酷熱

[ 此日誌受密碼保護 ]	分類: 生活．點滴
請輸入瀏覽密碼： ( 提示：我的姓氏 )
發表時間：2009-07-19 10:34 PM

2009 年 7 月 16 日星期四

ﾟ*✿｡大玩 200９｡✿*ﾟ後感

分類: 大玩．0９

同我既耐性對抗左半個幾月...
我終於打好全篇"台灣之旅"喇~~

因為發生既事實在太多.....
以致打得超慢... 方便日後回憶之用

ﾟ*✿｡大玩 200９｡✿*ﾟ

發表時間：2009-07-16 11:21 PM [ 訪客留言(0) ] [ 編輯日誌 ] [ 分享至FACEBOOK ]

2009 年 7 月 9 日星期四酷熱

滿滿．回家	分類: 朋友．相聚
今日同阿程出去剪頭髮~~~ 經過Doey既改造,阿程即時後生十年反而我個頭就冇咩驚喜... 變相.. 我同阿程變左做"姊弟戀"... orz" 剪完就會合阿姿食dinner~ 等埋mandy同mandy媽就出發去雄仔家!!! 好耐都冇行咁多層樓梯!! 但絕對值得ga!! 雄仔養左咁多狗狗... 點解可以養到咁乖!!! 可愛既蠢蠢仲係咁lun係抱佢摸佢.... 第一次見出世冇耐既玩具貴婦狗~ 只可以用" 袖珍 "黎形容!!! 抱上手就好似拎住隻mini teddy bear咁... 見到契仔滿滿同佢對孖生細佬妹.. 3只有2只會被接走.. 淨返細佬唔知會點?! 見到滿滿細佬無奈咁望住我同阿程... 個心很複雜.. 有個moment 唔理智到想帶埋佢走... 佢都值得俾人錫.. 過佢應有既生活... 幸好, 阿程沒答應... 阿姿都沒贊成... 我明白我係出自同情而想要佢... 唔係一份責任... 未有能力去照顧狗狗.. 所以, 都係阿程同阿姿了解我養寵物, 對佢地的確係一生一世既事... 總唔可能係3分鐘熱度... 陪阿姿帶滿滿返屋企~~ 我第一次幫狗狗剪指甲.. 見到囧囧興奮到追住滿滿玩.. 我地都放心~~ settle down後, 哥哥就車我返大姐度, 聽朝陪大姐湊妹妹返沙田食飯~~ 永遠記得滿滿竟然響我大脾尿尿... 唔緊要~~ 童子尿聽說有益的~~ 仲有第一次幫手剪滿滿d指甲.. 滿滿勁乖.. 冇俾我整到流血~
發表時間：2009-07-12 10:16 AM [ 訪客留言(1) ] [ 編輯日誌 ] [ 分享至FACEBOOK ]

2009 年 6 月 28 日星期日

2009-06-28	分類: 生活．點滴
由台灣返黎已經個幾禮拜... 感受依然係渡假中... 唔想面對現實.... 時不時會扎醒... 係我諗太多?? 我親愛的, 已經投入工作既懷抱.... 看見佢返工已經忙到一頭煙.... 放工又要煩其他野... 宜家電腦又壞埋... 心情唔好, 人就更加係炆..... 唔開心係自己冇用.. 睇住佢咁辛苦又幫唔到手, 幫唔到手不特止... 仲阻頭阻勢.... 飯又唔識煮.. 搞到佢第n餐食外賣... sorry....... 我根本冇乜邊樣做得好... p.s. 聽日放gpa... 我都係時間去堆填區...
發表時間：2009-07-12 10:16 AM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 24 日星期三

遊船河	分類: 朋友．相聚
琴晚白擔心左今日會落雨~~~ 今日咪幾好天~~ 成功出海遊船河~~ 一早就約好囧's Family一齊入去西貢~~ 特別鳴謝chris"順路"車埋我地去到碼頭, 大家已經ready!!! 最開心係囧囧不抗拒做model!! 任影唔嬲~~ 響甲板行catwalk~~ 幾識擺pose啊~~ ← uncle ching最開心.... 死抱住囧囧唔放... 我強烈建議阿姿買個錢袋俾囧囧.. 上面要寫"$5 per hug~~" 阿囝一定幫妳賺大錢咖星媽~~ 見到囧囧玩得咁開心, 我都好開心~~ 落船之後, chris就車我地返去~~ 因為我周阿程要去飲妹妹豬既滿月酒~ 見到muimui愈大愈cute~~ 表情多多, 真係好想啜佢一啖~~~ 今日真係好開心~~ 見返好多朋友... 好掛住mandy同死irene佢地!!!
發表時間：2009-07-12 10:16 AM [ 訪客留言(2) ] [ 編輯日誌 ] [ 分享至FACEBOOK ]

2009 年 6 月 20 日星期六

Day 14 台中	分類: 大玩．0９
琴晚pack行理, 整到2點幾先訓... 因為今日就要飛返香港了..... 14日既台灣之旅話咁快要講byebye... 之前唱既台幣已經用得7788.... 未到機場都要慳... 想坐65折高鐵返台中....10點就去買飛... 點知冇哂... 果下真係呆左... 好彩仲有自由座85折... 11點幾就到左營... 但呢度冇mister donut!! 我之前儲落既點數... 都唔會再有用了..... 食店既選擇真係好少同好貴... 好彩仲有麥當當~~ 幾時都話maggie係好貼心既姐姐~~ 琴日俾定一疊台灣麥當當coupon我地~~ 哈哈!!! 點餐果陣, 就問果位sales哥哥可唔可以~~ 佢話可以用! 買完仲還返張coupon我下次用!! 食飽飽就去搵巴士站... 台中高鐵真係好大.... 同時, 亦都係令我由無奈變到火滾.... 響lobby落巴士站既途中, 有個人問我地係咪去機場... 我地就話係, 但係坐巴士去機場.. 佢竟然答我冇呢架車.. 又話佢做左2年幾都冇聽過有車出機場!!! 我話詢問處講左有.. 仲有俾左張時間表我地.. 佢夠膽死同我講 "冇可能!! 今日一定冇!!! 我真係由無奈變到嬲... 開始唔想理佢.. 沿途遇到好多呢類"沒水準"既的士佬... 當我地企響巴士站等車果陣... 佢地依然不斷話冇車返機場... 就算有都趕唔切!! 冇諗過佢地會咁過份.. 嬲到爆!! 2點多dd就到左清泉崗機場嚕~~ 去到機場就見到阿程既朋友~~阿雅姐姐! 之前搵唔到時間食飯... 差d冇得見面... 所以雅姐姐送我地機, 仲買左點點心我地食~ 可能同姐姐唔熟... 冇咩感覺.... 臨飛前, 我打左maggie say goodbye... 佢今日要返工黎唔到.. 但佢講既野真係令我好感動.. 由陌生人變成好朋友... 我的大姐姐!! 台灣既人大部份都好好, 呢個地方有太多值得再去! 返黎反而有點唔慣.. 一切都變得陌生.. 返到屋企竟然訓唔著...
發表時間：2009-07-16 11:13 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 19 日星期五

Day13 台北	分類: 大玩．0９
台灣既電視實在太好睇了... 晚晚都追電視.. 冇2點都唔想訓... 今日訓到成1點先出門口.... 主要都係去kmall同nova行下同買手信.. 又見到光南大百貨.. 真係好失望..... 場地細但款色更少.. 部份仲賣得貴過高雄店!! sales們一d都唔friendly... 十問九唔應.... 所以高雄店贏哂!! 之後就去行統一元氣館... 真係好多野睇.... 入面好多好可愛既飾物同文具.. 買了很多夾夾同橡筋俾小baby用! 鋪頭對面又有阿程想睇gundam! very nice~~~ 揀耐d都唔使怕悶親阿程~~ 之後俾一本"如來神掌"吸引我地.. 因為exactly係周星星響"功夫"入面拎住果本... 仲有"九陰真經", "獨孤九劍"果d整埋一set!!! 作為一本筆記送俾人真係幾好既~~~ 但我一諗到既物主係... 小學雞...!!! 岩哂佢啦.. 畫完當秘笈儲埋一set丫嘛~~ 行到去nova果邊, 阿程竟然有收穫... 阿程見本身果支俾我地玩到殘哂... 就去睇下腳架~~ 點知睇睇下就變左買....." 支nikon腳架真係好輕.. 但真係有點貴... 買完仲要去mandy指定果間買豬肉紙... 坐巴士果陣.. 熱心人話到站叫我地落車... 結果佢早左2個站叫我地落車... 我地就行多左條"彌敦道".. 腳都斷.... 蘇施黃一句好食! 我地就買左一箱返去!! 再去隔離果間名店買綠豆餅俾阿姐~~ 好彩豬肉紙老闆娘教我地直接坐巴士返西門町... 唔使拎住咁鬼多野左轉右轉.... 返到去放低d野就再出發!!! 食完野就響附近買d"指定"小手信.. 一路行就一路咒罵n[A]冇良心... 黎左台北咁耐, d人都冇打俾我地... 都唔知係咪有人"掛住"把正妹.... 又唔話我地知佢住邊間房喎!! 點樣搵佢! 講完冇耐... 響新X陽就俾佢撞到正... 真係好有"緣份"!!! 哈哈哈哈!!! 見面果陣, 我地第一句講既竟然係.... "喂! 你仲有幾多台幣響身?" 講完, 第2句就係.... "喂! 你個喼仲有幾多位?" 之後果句就係... "喂! 你邊d要我拎返香港?" 哈哈!!! n[A]就好似肚入面果條蟲.. 果刻真係覺得佢助長緊我去買野!!!! 佢個frd仲搞笑~~ 勁幫n[A]講好說話!! 大概佢見阿程係咁同n[A]打小報告! 2個一齊啄住我...以為我地係鬧緊交.... 嚇親佢真係唔好意思.. 我地平時係咁溝通... 之後一齊食宵夜~~ 雪花冰again... 一來佢地仲未食dinner! 二來我地不嬲都唔食正餐!!! 其實大家叫既野某程度上係重覆左.... 要share, 唯有搶n[a]既士多啤梨~~~ 哈哈!! 傾下傾下就12點幾~~ 好開心~~~ 如果下次去旅行又撞到就好喇~~ 真的要謝謝我的小學雞~~ n[A]
發表時間：2009-07-15 08:24 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 18 日星期四

Day12 台北	分類: 大玩．0９
今日約左maggie去鼎泰豐食lunch... 因為佢話sogo復興館比較好食~ 所以我地都唔敢再咁爛訓... 點都要早過maggie去拿位... 仲有去換mister donuts個盒仔!! 離遠已經見到好多人堆左響門口... 我想我地至少等左20mins! 等位期間就行去左附近買手信... 點知我買完就見到maggie拎住袋一樣既... 原來佢係買俾我地... 仲要冇得唔要.. 結果... 同一樣野.. 多左一份食鼎泰豐就好似係景點之一咁.. 試1次就夠... 因為並唔係想像咁"好好食!!".... 本來是去九份的.. 但一來一回要6hrs... 為既係買太陽餅同鳳梨酥.... 最後托人買.. 所以向maggie道別後, 就向袖珍博物館出發~~ 去到做緊promotion~~門票7折! 每件作品都有自己既故事... 手工當然係一流啦... 連袖珍電視機都有... 仲要真係播緊新聞.... 簡介話呢門藝術講求盡量令物品做得逼真, 感覺上就似"變細左"!!! 作家造既每件作品都盡量用返原材料, 玻璃就係玻璃, 無就搵近似的材料整... 所以樣樣都很花心思同時間.... 其實都幾值得去看~~ 行完都天黑了.. 返西門町行左陣~ 真係好多野睇... 但想買既真係唔多.. 食左"紅豆抹茶雪花冰".. 麻麻地... 只係vanila雪糕整細... 抹茶味好淡... 成件事就似食緊紅豆雪糕... 其實都係景點.... 試過就算了..... 聽晚都會stay響台北.. 後日再直接返台中上機好了.... 唔想再拎住d行理行黎行去...
發表時間：2009-07-15 07:55 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 17 日星期三

Day11 台北	分類: 大玩．0９
今日響飯店食埋早餐就預備返台北.. 因為10am-12nn.. 坐高鐵返台北只係NT$965@ !! 去到左營高鐵站竟然撞到mt*同事~~ Liz!!!! 返到台北都2點幾... 響西門町遇到"真正既遺憾"!! 令到我響台北留下數滴"委屈"既眼淚.... 好彩maggie總響我地身邊幫我地... thanks 真正settle down都已經快4點幾了.... maggie帶左我地去食楊桃冰好好味呢!!!! 但果度d菠蘿汁同飲糖水冇分別... 唔好試!! 食完就出發去淡水睇日落同食"阿給"! 買埋手信就出發去士林夜市掃街.. 買起司可樂餅果陣.. 老闆仲請我地食野~ 免費的行完一圈就殺去5分埔買衫.. maggie知阿程鍾意食魯肉飯, 就帶我地食呢間野!!! 見到個餐牌就忍唔住笑... 感覺就好似... 惡搞bathing ape既logo!! 但說真的.. 係呢台灣食過最好食既!!! 極力推薦!! 原來maggie響果度係識人的.. 以用"海嘯價"買到新貨... 實在唔買都唔可以唔睇... 買到12點幾先返到飯店... 但返到去, 竟然走左隻"大蜘蛛"入房... 嚇到我死!!!!!!!!! 其實maggie係我響mt返工識既台灣朋友.. 今次去台北都係佢帶我地玩.... 請我地食呢樣食果樣.. 仲送埋手信俾我地^^" 所以聽日要請佢食飯~~ 因為後日就返hk了...
發表時間：2009-07-07 04:26 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 16 日星期二

Day10 高雄	分類: 大玩．0９
今日坐老闆車返高雄... 估唔到又係同果對拖友同車.. 上車傾到落車.. 大家都覺得時間過得太快... 又係時候講byebye 老闆直接車我地check-in, 估唔到呢間飯店比我想像中更靚... settle down就出左三多商圈行街街!!! 行2步就係mister donuts.. 阿chi既至愛... 甜甜圈~~ 阿程食得好開心..仲成咀都係... (可惜既係.. 之前果10日都冇見到有...) 食完就見到"光南大百貨"真係好平呢~~ 入面有Za既美白用品賣... 同一支防曬竟然平一半有多.. 當然有買啦~~~ 香港賣$139/支.. 呢邊係NT$159/支.. Cleasing Foam都只係NT$89/支!! 太過份了!!! (款式比台北既分店多同平d!!!) 本來想坐捷運去行附近景點.. 點知位好心人話有點貴.. 坐公車又要轉幾次先去到.. 我見落完雨又唔趕住去... 沿海邊一直行去真愛碼頭.... 行左2個幾鐘.... 我都唔覺自己行左咁耐..... 可以接受^^ 去到情人橋.. 響人來人往既晨運客, 拖友之中... 竟然見到個女仔小背心熱褲訓哂身咁影相.... 我真係忍唔住講左句... "乜咁搏呀...." 身邊坐住既分別係老中青既代表... 阿程響我右手邊開始影日落... 呢個moment.. 我既左手邊就有對少年組既拖友咀起黎... 真係"世風日下".... 坐正響你隔離咋.. 到阿程差唔多影完.. 我就開始問人點去夜市... 但已經天黑啦, 人地點睇你張地圖呀!!!! 當時, 只有地上既微弱燈光... 2個好好人既高雄嬸嬸竟然同我地"瘩"響地下睇地圖.. 言談間知道我地行左2個幾鐘來情人橋.. 大驚!!! 問我地做咩行過去... 坐捷運丫嘛... 一個嬸嬸教我地坐捷運去玩, 好方便又便宜!! 另一個嬸嬸就話貴到嘔.. 我地就o左咀... 到底貴到點?? NT$30!! 係佢地果邊係一日既油錢.. 但我地呢邊坐車既正常價錢.. 所以今日位先生冇呃我地.. 只係幫我慳錢~~ 個嬸嬸都冇呃我地... 只係想我地行得舒服d! 之後教我地行一些地道既夜市!! 行完一日, 我愛上高雄呢個地方... 呢邊既人心地好... 生活節奏又慢d~~ 響度住.. 我肯定心情都會好d!!! 聽日返到台北... 可以見到maggie同n[A]... 亦都係話今次既旅行就快到尾聲...
發表時間：2009-07-07 03:56 PM [ 訪客留言(0) ] [ 編輯日誌 ] [ 分享至FACEBOOK ]

« | 1 | 2 | 3 | 4 | 5 | 6 | 7 | 8 | 9 | 10 | ... | 21 | »

個人資料

percyslin

暱稱：Ｓhilliｎe

MORE...

月曆