Piece of me - QOOZA 網上日誌

2009 年 6 月 15 日星期一

Day9 墾丁day tour	分類: 大玩．0９
琴晚同老闆娘笑左一晚, 今日食完早餐就要趕"墾丁一日遊"~~ 由小丁哥帶我地去哂d大景點.. 社頂公園,風吹砂,鵝鸞鼻,貓鼻頭,佳樂水,吊橋,恆春古城.. 仲帶左去瓊麻館、滿洲花圃.. 仲有海角7號既場景, 上午不斷打黎打去.. 追黎追去.. 係幾好玩既..... 雖然愈玩愈慘.. 熱到想暈.. 但之後仲攰到唔想行.... 但墾丁真係好靚!!! 關山日落都好好啊.. 只係太多人.... ←偷拍中.. ← 阿嘉的家... 夜晚又響墾丁大街hea完就返resort 訓覺... 但返到去就開始各自傾電話.... 我同maggie傾.. 阿程同n[A]又傾... 因為n[A]琴日都到左台北.. 今日響淡水影左好多靚相添..niceeee!! 如果我響淡水情人橋上撞到n[A].. 呢個絕對係我既人生一大憾事.... n[A]更加會覺得"簡直係一個污點"!!! 聽日返高雄了.... 行程倒數中...
發表時間：2009-07-06 11:29 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 14 日星期日

Day8 墾丁	分類: 大玩．0９
今朝要響11點前去到高雄... 因為約左resort老闆接我地去墾丁! check-out果陣, 台南學苑既helper真係好好!! 事關台南學苑係YMCA果類!! service簡直貼心!! 幫我地call的士去車站.. 又幫手我拎行李上車.. 台灣人啊, 點解你地對我地咁好?? 買火車票去高雄果陣.... 發生左呢件事.... 我　:　麻煩你, 我要2張去高雄的車票, 全票的.. 職員:　好, $166, 謝謝. 我　:　謝謝, 請問你什麼時候開車的? 職員:　小姐, 你不知道什麼開車就買票嗎? 我　:　對啊... 有什麼關係? (笑) 職員:　1分鐘後開車, 你要趕快囉~~ (笑) 我　:　下... 謝謝你囉.... (苦笑....) (9:21am開.. 我地9:19am買到d飛... 苦笑....) 之後我同阿程即刻抽住箱野係咁跑.... 終於趕到班車.. 當然.. 而呢位職員應該通知左月台既人等埋我地.. 所以我地係好白痴咁.. 10點左右就到高雄.... 去到高雄即刻思鄉病又發作.. 因為我見到KFC,, 係我最愛既炸雞.... 又一次.. 響唔應該既地方食唔應該既野.. 但無可否認既係.. 果度真係好食d!! 呢日, 終於有人陪我地一齊坐車去同一個地方~~~墾丁~~ 佢地係來自台北既拖友.. 男既咁岩同阿程同年.. 女既大阿程2年..... 開車頭30mins大家都係冇出聲.. 悶到... 我睇睇下書訓著左.. 差d訓左落個女仔度無啦啦就傾起計黎~~ 佢地仲教我地去玩..... 後尾發覺我地根本冇車牌又冇打算落水.. 其實係冇可能去墾丁立足.." 只好等聽日既day tour先出去行景點.... 今日都係行下墾丁大街^^ 下午既大街真係哂到冇朋友.... 對眼乜都睇唔到.. 我只係覺得好熱好熱.... 好想涼冷氣!!!! 行過呢間野諗起阿朗之前工幹食過好好食既牛肉面.. 雖然明知唔係果間.. 但真係想試下呢邊既牛肉面!! 估唔到真係幾好食wo! 仲有得儲分換野.. 又有coupon!! 食完又去行7-11, 因為好想睇書... 同食雪條!!! 買左條好好食既梳打味雪條~ ♥ 夜晚響橫掃墾丁大街既小食.. 除左焗薯好食到, 要聽晚再食多一次!! 阿朗食大雞排同蜜餞蕃薯.. 我覺得都幾好!!! 其他野都係一般般.. 臭豆腐好一般... design好有問題,,, 食得好狼狽!! 街上既紀念品都係海角7號.... 大家真係覺得咁好睇?! 亦都見到蔡姐極力推介既club! 真係著得好少.. orz" 我見位肌肉型既"哥哥仔"著住條熱褲.. 打出半個patpat.. 即時既反應唔係尖叫.. 而是毛管戙!!!!!! sorry!!! 我冇興趣... " 果個正妹, 令阿程忍唔住一望再望... 仲要拎轉頭望... 因為她頭髮太長, 披住塊面.. 唔望點知靚唔靚..... 但我肉眼所見.. 佢絕對係"應大則大, 應細則細"... orz" 行行下又突然落大雨.. 太好喇~~ "焗住"返resort食! 夜晚阿程響房睇電視.. 我同民宿老闆娘借電腦用...咁就傾左好耐... 發覺琴日果對拖友每年都去佢地度假... 我就話so sweet, 我都想有咁靚仔既男友對自己好! 阿姨竟然同我講阿程仲靚仔~~ 叫我地要好好相處~~ 阿程都好錫我... 呢個moment, 果對拖友竟然行過.. 仲同我地say hi! 老闆娘竟然出賣我話我覺得佢好靚仔... 好羨慕佢地!! 點知女仔竟然話佢鍾意阿程好d... 想同我交換.... 男仔就話我呢type響台灣會受歡迎?! (台灣邊度興師奶??) 讚我可愛!! 老闆娘竟然講"真是相逢恨晚咧~ 不怕, 你們交換一下好了~~" 我地就爆笑... 可惜我頭上鑿住"程師奶"3隻字.. 太遲了... 希望聽日唔會再落雨... 因為我地要影靚相!!
發表時間：2009-07-06 12:51 AM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 13 日星期六

day7 台南市	分類: 大玩．0９
話咁快已經響台灣住左7日... 對呢日本身好有期望.. 點知俾我一個"難忘"既回憶... 今日又落大雨搞到我地好狼狽到左台南火車站.. 我地就搵公車... 因為搵唔到去後甲既捷運, 我地就問人.. 而遇到既人真係好極端.... ... 首先遇到一個賣酥雞既小販, 佢好有禮貌咁話佢唔知邊度有公車站.. orz" 響呢個時侯有位派傳單既哥哥仔出現.. 佢聽到我地要問路, 好好人咁指引我地!! 仲問我地需唔需要他幫忙帶路同拎行理!! 咁大雨, 我地實在唔好意思麻煩人地... 去到車站就見到6號公車去後甲, 一上車就遇到一位黑心既車長.... 果陣落好大雨, 我上車之後將行理拉入少少, 一邊俾阿程上車先.. 一邊拎車錢... 呢個車長竟然用台語"喝"我... 全程用台灣同我講野!!! 大概佢冇諗過我係識聽.. (同時我係唔識講..) 佢叫我不要將行理放在博愛位附近... 即刻將行理放到車尾... 但當時根本沒人坐博愛位.. 前面2排都冇人坐! 而且我只係想借個併俾阿程先上車.. 再入錢! 我就話講我先去放行李再過來入錢, 行唔夠2步又俾佢喝停.. 話我未入錢!!! 我真係嬲爆!!!又係你叫我行理放車尾, 又要我即刻過去入車錢.. 我做得邊樣?? 最後我都係冇理佢.. 放行理再入錢!! 但我對台南既印象已經打左折.. 後來, 有個女人用國語向佢問路, 因為佢唔知邊度落車比較近目的地, 佢竟然用台語答"上車之前你冇查咩? 我唔知!!" 我諗冇人聽到會唔嬲咖嘛??!! 個女人好激氣,, 佢話佢真係唔知先會問! 呢個時候, 有個太太就話教呢個女人邊度落車.. 而且佢做左野樣令我好appreciate!! 佢鬧個司機欺人太甚!! 黑心.. 對遊客唔好, 對自己國家既人都唔好!! 估唔到, 竟然會有人肯企出黎講句野!!! check-in打算去安平同行夜市!! 但雨太大, 我地係想去食莉莉水果店.. 就係為左食紅豆杏仁霜冰先去呢度夜晚去左"台客"度食飯, 老闆娘好好人!!! 啲食物水準都可以咖!! 必食水餃~~ 食完飯打算去行夜市,, 點知上車個司機話咁大雨, 夜市好多鋪頭都唔開.. 所以我地就直接返去執行理~ 聽日就落墾丁嚕~~ 希望唔好再落雨啦~~
發表時間：2009-07-04 10:58 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 12 日星期五

Day6 關子嶺	分類: 大玩．0９
今日終於唔使咁早起身~~ 食完早餐仲可以響飯店睇多陣電視..... 一來又落雨... 二來今日去關子嶺浸溫泉~~ 關子嶺上面都冇野做!! 唔使咁早去都得~~ 去到車站買票先知仲有成個幾鐘先有車... 響車站見到有位哥哥仔食麥記.. 好懷念呢... 阿chi仲話有焦糖味麥旋風!! 我都仲未試!!!! 阿程就挺身而出幫我問佢邊度有麥記~~ (阿程係我既小天使.. 總會成全我既願望) 果位哥哥話"你們過去,真的有點遠啊!", 點知隔離既大嬸就話"那會啊~?! 根本就在附近嘛!!!" 就係呢句.. 我地又出動了!! 點知呢個"就在附近"... 行左我地30mins.... orz" 去到麥記先知果度有promotion.. 下午點餐只係NT$79起... 加NT$10仲可以轉薯條做沙律... 或者多一杯麥旋風! 真係抵過香港好多倍~~~ 個麥旋風仲好好食!!!!! 食完就去左銀行唱錢.. 手續費最多都係NT$250, 但個rate係多過香港同台中機場超多!! 仲要唔使等!! 上捷運去關子嶺位車長好好人呢.. 見到我拎住個大行理, 又出手幫我拎!! 台灣人真係非常熱心~~ 尤其對遊客!!! 上到關子嶺又落大雨喇... 又冇得行景點.. 除左浸溫泉真係冇野行... 可以抖下~~ 最開心係.. 我地間房入面有私人湯屋唔使同人迫, 又唔使行咁鬼遠去大眾湯屋!! 記得蔡姐話泥漿溫泉會美白同令個人滑d.... 我試完都係冇分別.. 但係真係覺得滑左... 見冇野做就去同阿程拎哂d衫去洗... 老闆勁好人話可以用佢地d洗衣機! 唔使手洗咁辛苦!! 點解台灣人咁好咖?! 今日又再出路遇貴人~~~
發表時間：2009-07-04 10:57 PM [ 訪客留言(1) ] [ 編輯日誌 ] [ 分享至FACEBOOK ]

2009 年 6 月 11 日星期四

Day5 阿里山+嘉義	分類: 大玩．0９
今日天氣穩定返d, 請民宿安排左行理托運同司機接我地返嘉義, 就放心上阿里山~~~ 大姐真係好好人!!! 上到阿里山.. 感覺同香港既山頂一樣... 好多鋪頭賣野... 係多左d飯店同旅遊巴... 寄完postcard, 就開始我地既生態遊!! 腳架都ready埋, 因為附近未必有人經過.. 左面個洞真係可以擺到 1張12人飯桌!! 右面係心形神木... 去阿里山都係為影呢個.. 但要排一陣隊... 果度太多地方可以影相.. 只係天氣唔太好..... 極度推薦去阿里山行一轉!!! 絕對值得一去再去!! 行到一半就會經過一個小市集, 可以醫醫肚同mandy口中既"豬肉紙", 當然想行埋去買返包試下"現燒"山豬肉紙啦... 點知發生左件"令人反感"既事... 事關見到一大班師奶既團友響度講價... 人地都已經話買5送3... 鐵價不二.... 佢地仲要一路殺價... 仲要話自己係香港人應該收平d!!! 睇到你o哂咀... 老細們, 香港人又點啊?? 雖然我地係行過, 但我真係唔敢行埋去.... 成日話d自由人幾咁衰.. 乜都講野... 呢d"香港人"咪就做衰哂我地既形象!!! 雖然我都係師奶, 但我從來都冇咁做過!! 當我地以為冇機會買到"豬肉紙"果陣... 就俾我地響第2檔睇到~~~ 我同程程當然即買啦.. 因為好肚餓同埋好想食.... 老闆勁好人... 仲收平左我地!! 又勁叫我地試食!! 台灣人真係好好呢~~ c.s. 又做到得好!!! 呢方面, 香港人就真係要好好學下... 唔係"有錢就是大爺"!!! 行完一圈就已經3點幾... 等司機就落返嘉義嚕~~ 返到嘉義已經6點幾~~ check-in後就再出發... 先去附近網吧, 上網報個平安先~~... 為左滿足蓋印仔寄postcard既慾望, 我地係去到之問好朋友們既地址~~~ 咁下次就可以蓋更多印仔~~ 呵呵!!!! 再行左30mins左右就到.. 去到既感覺係冒x樂園+花園街... 佢地既冒x樂園玩既同澳門威x斯x既玩意係冇分別.... 但穿過左呢個"樂園"就去到食同買衫既地方... 果度食既野超平.. 必試入面果度既"藍帶芝士雞排"!!! 我食左2件就俾阿程食哂其他8件! 但絕對值100分!! 賣既野都超平... 髮夾比cwb買到既更靚!!!!!! 下次再去tw, 我希望去多次呢度!!! 開始發覺響台灣冇車牌係唔掂ga! 下次都係考返個牌吧啦!
發表時間：2009-07-03 09:40 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 10 日星期三

Day4 奮發湖	分類: 大玩．0９
今日真係超好運!! 一早就見到豐榮客運個靚仔司機! 不過, 趕住落車影唔到佢相.... 但已經好開心囉~~ 響到嘉義之後, 竟然仲有阿里山小火車既飛... 去之前已經知道撞正學生假期會好full... 所以乜都唔理就買左!!! 個代價真係有點沉重.... 事關今日訂左房住奮起湖, 聽日先上阿里山... 所以我地用唔到小火車provide既行理托運.. 要拎住2個行理行500m山路再轉車...... 落左車就已經想放棄.... 面前係近乎未開發既山路...... 我承認我真係低估左呢後路.. 我對唔住阿朗,, 因為我背叛左佢, 我冇拎到我果個"巨型"行理... 事關我出門遇一班貴人... 就係hku science既9個畢業生... 佢地好好咁幫我拎住行哂500m... 但阿朗好勇敢地拎住個喼行足全程... 見佢拎到隻手都瘀埋, 我都好心痛... 但我地依然好感激呢班同學仔.. 冇佢地既幫忙, 我個喼就會"唔小心"碌埋落山... 其他遊客可能...............................會..... " 幾經辛苦去到奮起湖, 點知又落大雨.... 最安慰既係民宿安排我地入住既地方實在大得過份... 有乜可能仲要有open kitchen??!! 收費也都很相宜!! 真係好開心! 不知係咪落大雨既關係... 大部份既景點都冇開... 我地只可以行附近既老街同景點.. 餐廳選擇唔多.. 只食左阿良便當(好好食啊!!) 同愛玉.. 順便問埋聽日去阿里山既時間表... 行唔夠2個鐘... 雨愈來愈大... 仲行埋雷... 今日行到太攰...所以我地就返左民宿開餐.. 只希望聽日唔好再落大雨. 希望下次有機會再去呢個地方! 因為今次真係冇行哂,,..
發表時間：2009-07-03 09:18 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 9 日星期二

Day3~ 清境	分類: 大玩．0９
清境~~~ 我夢寐以求既清境啊~~~ 為既係爭頭位幫小綿羊剪毛毛~~ 抱下那班肥嘟嘟既小綿羊~~~~ 所以我同阿程7點都冇就出發~~ 點知去到十點lu.. 剪毛要等下次喇!! 雖然烈日當空, 但境色真係一絕!!!!!!!!!! 唯一失望係.. 冇諗過蒼蠅多得咁緊要... 就算響一大堆蒼蠅既陪伴下, 都覺得呢個地方值得去!! 睇完趕羊show, 我地就去附近影相... 地方真係好靚, 亦都有好多人影婚紗相...~~ 第一次覺得影唔到full flame係幾咁失落.... 我地遲d接埋佢返黎再影過吧啦~~ taiwan, we will be back!! 下面呢張相看似好靚... 其實將呢張原相放大點, 你會發現"遍地黃金"............ p.s. terry 話佢3月去清境都冇蒼蠅既!! 下次我都要3月去!!!
發表時間：2009-07-01 10:38 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 8 日星期一

Day2 日月潭	分類: 大玩．0９
我地9點幾起身.. 蔡姐已經煮埋早餐等我地... 又係我地既至愛~~ 蔥油餅加蛋... 我地琴日響街邊一食就愛上既台灣小食..... 同蔡姐隻狗仔kiki玩到傻左... 出得門口已經烈日當空!! (相片→ 詳見facebook) 第1站: 附近既花圃 (相片→ 詳見facebook) 蔡姐隨手就摘左個百香果俾我地食... 好好味啊~~ 景色真係好靚... 但真係太多蚊... 咬到我變紅豆冰! 亦收到阿程既第一支花... 太陽花蔡姐仲教阿程揸綿羊仔.. 你睇佢幾開心.. (無牌駕駁都開得勁快!! 我就嚇到死......") 為左滿足阿程既英雄感而影左呢張相... ... 第2站: 十三目仔窯?! (唔記得左個名..) 果度係星期日先開.. 唯有影相留念.... 第3站: 921地震紀念牆 (主要係俾大家抖下... 飲下野... ) 第4站: 綠色隧道企響路軌影相真係第一次.... 好好玩!! p.s. : 阿程送果支太陽花好慘... 有人仲話要拎去日月潭! 遲啲整書簽! 但未返到集集已經得返個支"逛", 最後掉埋! 返到集集, 就要執野落日月潭!! 趕火車去水里, 再轉豐榮客連去日月潭~~ 嘩!! 一上客連就好開心~~~ 事關車長實在太靚仔+太後生喇.. 打死我都唔信佢有30歲! 個樣係"飛落海"果種... 但佢係冇化妝我同阿程本來打算要同佢影相... 但因為落車果陣太多野拎.. 唯有等"下次".... 去到日月潭都已經5點幾... 所以影得好少相... 感覺同赤柱差唔多... 響步道散步同睇口落都幾寫意~ 響日月潭最深刻既係...大街上檸檬愛玉同大熱狗腸.. 因為真係好難食... 我真係唔知自己食緊乜... 但響7-11買既" 瑞X" 牛奶布丁真係好好食!!! 聽日就去清境嚕~~ 好期待!!!
發表時間：2009-06-21 04:31 PM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 7 日星期日

Day1 集集	分類: 大玩．0９
14天台灣之旅..今日終於出發!! 事關我冇帶訂機票果張credit card.. 冇果張卡係冇得拎機票....灰哂..... 果一刻真係心情好差... 好彩阿妹MMS張卡俾我... 最後.. 順利過關~~ ↑ 天氣好好呢~~~ 好靚啊!!! 飛左個半鐘就到台中機場嚕~ 機場好細但工作效率極高.. 15分鐘搞掂.. 估唔到台中機場匯率係差啲... (之後響當地銀行唱仲抵!!! 匯率好好多!!!) 坐左個幾鐘先到台中火車站.... 車長話客運站好近.. 行過去都得啦~ "佢既好近"... 行左我地3X mins都仲未到... 炎炎夏日拖坐2個喼... 我地都係taxi算喇... 開車左唔夠2分鐘就落車... (真係轉埋個灣就到....") 去到集集, 放好行理就已經下午3點幾... 只可以響附近既希望之都, 火車站同老街行下... 夜晚蔡姐就揸車帶左我地行逢甲夜市!! (係啊.. 我地又坐車返左台中行夜市....) 返到去, 已經半夜1點幾..... 蔡姐仲話聽日帶我地去玩 ↑火車站前的廣場 ← 晚上既集集老街
發表時間：2009-06-21 10:28 AM [ 訪客留言(0) ] [ 編輯日誌 ] [ 分享至FACEBOOK ]

2009 年 6 月 6 日星期六

who am i?	分類: 生活．點滴
呢幾日心情真係唔okay... 成世人冇做過任何"岩"既事... 好多方面都control得唔好... 我很失敗... 現在連自我定位都成問題... 感覺就似企響懸崖邊.... 一下唔小心就跌到粉身碎骨...... 我做既所有野都係為左"討好"別人.. 謝謝你...
發表時間：2009-06-06 01:22 AM [ 訪客留言(0) ] [ 編輯日誌 ] [ 分享至FACEBOOK ]

« | 2 | 3 | 4 | 5 | 6 | 7 | 8 | 9 | 10 | 11 | ... | 21 | »

個人資料

percyslin

暱稱：Ｓhilliｎe

MORE...

月曆