今日用o左一日時間o黎修飾個 Blog ，重覆又重覆咁整o左好耐！幾靚呱   收工工，整住咁多先，聽日有時間再玩過

放工又要返工喇，今晚仲要12點先收工工，嗚~~~~

今日約o左 群 食早餐，所以自己都無食到，仲諗住等佢訓醒一齊去食，又傾o下計，等下一個鐘，等下又一個鐘，卒之....成功於12點幾收到佢 Message 話訓過"龍"，所以今日約會無限期押後！

本來諗住見o下個臭豬，點知無計，不過都好，我寧願佢乖乖地訓o下，抖足精神，好過晨早彈起身唔夠精神

晏晝好熱    天文台話 July 降雨量係歷年新低，比起平均降雨量少o左 3/4 有多，慘啦！仲唔環保 D ，下年年初一會唔會成35度o架
"擒"晚出o左街食飯，用o左一個發泡膠飯盒都已經好心痛，返到屋企間屋仲成 31 度o忝，又開o左冷氣，"擒" 日真係唔夠環保生活

呢排好似好忙，o卒之忙完星期六o既 Gathering ，好開心

為o左星期六o既 Gathering ，特登星期五攞o左日假，諗住執o下屋，準備o下o野食咁啦，點知......失敗告終，成日都係坐o左o係電腦前面打機，由朝早8點起身，一直打到下晝6點鐘，打得仲利害過平時放工，而且仲因為打機星期六鬧笑話o忝，下表！

星期五晚打完機執完屋，兼且拖埋地，終於攪掂，去食飯，順便去隔離泓景臺買紅豆，準備煲紅豆沙俾班塞豆 lung 食。星期六正日，一早就係例牌節目，打機   打到中午11點半，要準備啦，仲打，再打你就死o架喇，垃圾    12點幾去到南昌西鐵站等兩個靚女，等o左一陣就嘻嘻哈哈咁o係我後面，跟住就"金"囉，要由西鐵站行去地鐵站接埋 Jenifer  好遠啫！行o左20分鐘，終於見到 Jenifer ，一班4個人行番去昇悅居，中途問3個靚女鍾意食乜，竟然提議去飲茶，o下！宜家 D 女仔真係，竟然去飲茶  去到泓景臺等o左一陣就有位，坐低之後，天南地北，無事不談，期間就有以下結論： Jenifer 大個女o左好多，成熟、穩重，開始歷練社會，如子真係可教；Yammy 無乜點變，吱吱喳喳，不過都係大個女o左，唔同以前咁；最最無變o既係 Lavender ，Lavender 係薰衣草，雖然我都覺得呢個名好適合佢個人，但係我始終都係鍾意叫返佢做 Alice，無變！始終無變，Alice 同以往一樣，小朋友，o都起個咀就諗返起以前細個個樣，Whatever ，睇見佢地開心我就開心   一路食晏， Alice 就最多o野講， Yammy 就和應，可能 Jenifer o係外國讀書，Alice 同 Yammy 講o既話題又係圍繞中學生活，所以我同 Jenifer 都只係乖乖坐o係度聽；雖然佢兩個雞啄唔斷咁，但係已經3點3啦，我 Book o左會所保齡球場3點o架，唯有截停佢兩個，急急腳埋單，趕去會所啦   去到會所都以經3點半，比 Booking 時間遲o左半個鐘，不過好彩阿姐好人，俾多15分鐘我打，一個 Game 10局，我竟然只係得一個全中，兩個補中，得5x分，刷新o左我o既新低，好彩，3個小姐都比我低，如果唔係就老貓燒鬚囉   4點9返上樓，Alice 坐o左一陣就要去下一場，我地3個送佢落樓，開頭都擔心 Alice 會唔識o係西鐵站落車，但係佢堅持話自己唔係小朋友喇，所以我就隨佢去啦，同 Yammy  Jenifer 返上樓，電話響起，不幸言中， Alice 落錯站，好彩都只係幾步路程，有驚無險！同 Yammy  Jenifer 傾計，天南地北，真係乜都講，我仲攞 D 紅豆沙佢地食， Jenifer 話肚有 D 唔舒服，所以唔要，只係 Yammy 話試o下   原來今朝掛住打機，唔記得落冰糖，卒之全軍盡歿，無冰糖點食呀大佬，原煲原封不動， 夜晚同兩個小姐落樓下笑江南食晚飯， 原來 Yammy 都好食得o下o架，埋單，行行o下佢地忽然一句柏斯哥哥，哈哈！其他細路叫我柏斯哥哥我都無乜野，忽然俾佢地咁樣叫，有 D 感覺怪怪，始終佢地都大個囉，同佢地o既感覺係好朋友，叫我柏斯哥哥，我都一時反應唔o黎！同 Yammy 先去搭巴士去西鐵，之後同 Jenifer 一齊去地鐵站搭地鐵，雖然臨到最後有 D 特發事令我無同 Jenifer 一齊搭地鐵走，但係都總算安排o左一日俾佢地o丫

感覺好特別，同呢3個女仔傾計，回顧一下過去，原來我20歲就識佢地，由細睇到佢地大，好榮幸可以 Keep In Touch ，而且因為緣份，我同佢地真係特別投契，最o錫  都係佢地，雖然仲有好幾個都無o黎到...彤啦，SumYi，群啦，仲有Angel等等，但係我地都話o係呢個 Summer Holiday 要 Gathering 多一次，或多幾次  （o禽晚同 Yammy MSN 都咁講啦）
眨眼10年，群 係我第一個出o黎社會做o野o既女，所以最令我掛心都係佢，不過聽佢講工作環境都好好，咁我都放心 D 。
Jenifer 暑假之後又要返 England 讀書，下次返o黎都要記得搵我呀
Yammy 呢年好明顯無盡到力讀書，有 D 擔心
Alice......呢個...都唔知點講，為人可愛，由細到大我都覺得佢好可愛，雖然依家環境有 D 改變，但佢由始至終都無放棄過，呢幾年o黎都俾到我好大信心，每次同佢傾計，佢都好 Firm 咁話會努力，唔！柏斯哥哥一定相信妳做得到

呀黎老師，幾時約到時間俾妳呀，班細路好掛住妳呀，我下次都要認認真真咁整返 D o野食俾佢地，補返數先得

唔記得同佢地影返 D 相相呀，激死我喇