o禽晚又整我o既拿手菜，由6點返到屋企整整整，攪到8點半先有飯食，你地知唔知我整乜呀  o個 PAT 黃色又係乜野o黎呢 

  <---完成品  呢 PAT 咩o黎o架

今朝早一返到天水圍就中o左頭獎，見到 XX 人，哈哈！好開心呀    真係估唔到呢個時間見到佢，最衰無時間吖，如果唔係實叫佢一齊同我食早餐，好耐無見啦   

麗儀，生日快樂呀

補充一 下：南瓜大蝦湯（迷之聲：有$$龍蝦，無$$大蝦） 編輯30-07-2007

好煩呀  好煩呀   成間學校都烏煙瘴氣  我寧願返屋企打機好過。

o禽晚好夜訓，打機打到11點，跟住仲要洗碗，又熨o左10件衫，攪到今朝無精神，好彩寫字樓今日無王管，如果唔係都唔知點過。

o禽日 Book 左 Club House 保齡球場，哇！好貴呀 $$ 50蚊半個鐘，星期六要o黎個快打先得啦，分分鐘都係 $$  出去打都係每個 Game 計，上大陸打仲平，Club House 設施真係那個   約實哂，星期六 1 點鐘接完兩個再去地鐵站接多個，黎老師就一拖一，唔知佢幾時黎呢？！

日日返工都係發夢， 做100% Web Surfer ，成個互聯網都俾我睇哂啦    喂！搵人俾 D 野我做得唔得呀

今日睇明報，有張好得意o既相 勁攪笑啦

  班哇鬼星期六黎我度，但係囡囡又星期幾返黎好呢  

睇左好幾個朋友仔 Blog ，原來 Blog 都可以整得好靚架，所以都用左些少時間又學人粉飾一下個 Blog ，正唔正呀！

暑假開始左成個禮拜，我都無放假，仲每日坐o係寫字樓發霉，坐到腰酸背痛，不過好彩都有 D "細藝" ，攪呢個 Blog 又用左我一日，都算略有小成。 學校今個暑假做好多工程，攪到周圍都烏煙瘴氣，飛沙走石 ，都係呢埋o係寫字樓，好似十步不出歸門咁安全 D ！

唔知小晞婷等一班小朋友又做緊乜野呢，呢幾日上網都有見到有人 Online ，都有收到 Message ，又知道佢地都忙緊上中學預備班，趙中尤甚，佢地又知唔知趙中其中教佢地上預備班o既師姐又係天小畢業，仲係我好朋友呢

今個暑假會搵一班畢左業o既朋友仔o黎我屋企玩，到時候又要大攪一餐，不過好耐無見佢地喇，都好掛住，難得有藉口，都無所謂啦，只係唔知安排乜俾佢地啫，會所方面都諗住 Book 保齡球，又或者游水<--唔會掛，燒野食？！天時暑熱，你肯我都唔制啦！仲有乜好呢，都要諗諗，無理由要佢地o黎到我度齋坐架！我又無咩遊戲機等，不過都知佢地唔會介意，畢竟呢班朋友仔都係我o既知己（可以咁講啦），都未同黎主任講時間添  ！晚飯我諗住叫 Pizza 或者落樓下食上海菜，希望佢地鍾意安排啦

呢幾日都睇一班小朋友o既 Blog ，原來 Qooza 呢處係好熱鬧架！