上一篇日誌原來都係九月頭 Post ，相隔兩個月，話長唔長，話短唔短，發生好多事，開心o既，唔開心o既都有，最無奈係唔開心o既事比開心o既多  

我每日Check Email，發現嘉慧真係好鬼勤力寫 Blog ，家希都係啦，我相信好多朋友仔都好勤力o既，只不過我無Bookmark到，其實我都無得話你地，因為我都隔o左兩個月先番上o黎， 話你地知.....我屋企部電腦壞鬼o左幾個月，學校又忙到死，都無時間寫 Blog <----咪鬼搵籍口啦

講番在下，呢排真係好忙，忙到去廁所都無時間，不過都好，唔會日日番工發夢，望天打掛，時間過得都快 D！另外發生o左好多事，令到我覺得做人真係好難，要開開心心過一生，好難！要受過好多好多考驗，經歷每日發生o既事，有時有好多事發生你會唔識應付，但係o係每件事上面，要識得成長，汲取經驗，做人可能會易 D

我都唔知我講緊乜，好想搵人傾一下，但奈何唔係樣樣事都可以同人分享，甚至有 D 事講o左出o黎都未必好，只會做成他人負擔，咁又何必呢...

最近覺得自己好大壓力，精神開始有 D 亂，有 D 失控，希望我可以控制到啦！

小鎂o既 "不能說的秘密" 我又買o左 DVD ，日刨夜刨，試過一日連續睇三次，計落我前前後後夾埋去戲院睇都有成30次，真係好"正"

都好耐無打日誌啦，事關每日都忙到死得咁，返工-->做o野-->飯都無時間食-->再開工-->夠鐘收工但係又未收工-->OT-->收工-->落元朗-->再開工-->忙到死無時間食晚飯-->收工-->三更半夜返到屋企-->沖涼-->訓覺-->朝早又返工
就係咁，又開始繁忙o既一日，唉！
o念返呢個暑假，真係過得好快，以往.....好鬼怕暑假，學校冷清清，無學生仔陪，時間又過得悶，又無乜野做；嘻！今個暑假唔同啦，有一大班朋友仔陪我，雖然無話每日都陪，而且實際上陪我o既時間又真係好少，不過，就係咁先至珍貴，物以罕為貴嘛   Jenifer 已經返o左去英國，每個朋友仔都開始o左佢地最後一年o既中學生活，有D唏噓，時間流走得好快，想捉住時間，但係做唔到  今個暑假成日都o念番以前同佢地一齊生活o既片段，覺得好開心，到今日o念番仍然十二萬分回味，2008年6月30號，將會係佢地所有人o既新開始，期望每個人都有一條自己喜歡行o既路，開開
呢排呢，就忙緊同Jackie搵工，雖然我人脈唔係好廣，但係總算識得幾個豬朋狗友，都預備到三兩份工俾Jackie，但係隱憂就未除 ..............
呢班小朋友係咁，另一班呢？！你地又點呀？報告一下近況俾我聽吖？等你地啊

終於都過o左擒日啦，好合皮

原本擒日o既 Gathering 只係約o左幾個朋友仔，Yammy   Jenifer   Jackie   Lavender   Angel ，但係估唔到朝頭早10點鐘左右 Stephanie 打電話o黎話知道有個 Gathering ，仲話要一齊o黎，無問題啦！跟住佢竟然仲話有凱敏同埋淑玲都o黎！吓！一時間又加多三隻豬仔，要同珍妹商量商量去邊度食至得。
午飯時候攞住個飯盒想話去買蒸飯，又o係新北江見到 Stephanie ，咁就緊係第一時間捉住佢同我食飯啦，頃o左好耐，直到2點我要返工先同佢一齊走，話時話，最錫 Stephanie，今次都係第一次請佢食飯，真削
卒之到o左5點，首先o黎到o既係 Angel 同淑玲，同佢兩個上o左樓，就繼續等其他人，不過.......勢估唔到，通通遲到，Yammy   Jenifer  Lavender  凱敏，甚至最近o個個 Stephanie 都遲到，激氣 卒之o係樂湖接埋最後o個個 Jenifer，一行9人去o左元朗 Pizza Hut，好彩我地早到，霸到個靚，事關我地坐落無耐，其餘三個角落都坐滿人。叫野食啦，頃計啦，等o左一陣 Jackie 都放工o黎到，好啦！人齊，個個都唔係攞住部相機搏命影，就係攞住部手機起勢咁影，<------其實係我搶o左 Angel 部相機o黎影，影相相， 不過計落計落，都影o左好多靚相；到o左9點左右，食食吓野忽然 PizzaHut 個姐姐仔攞住個 Birthday Cake o黎  無奶油o架！我個個生日都記得，應該無人生日o個喎？！又係一個謎？到佢地同我唱生日歌，我先知道係班姐姐仔同我慶祝，哇！咁客氣，我真係好長時間都反應唔o黎，都唔知講乜好，對上一次一大班人同我慶祝生日都係好耐之前o既事囉！係契仔一班朋友，估唔到2007年生日會有一班我最錫o既女同我慶祝，影相相啦， Birthday Song，之後分蛋糕，我都食唔晒，掛住同佢地頃計影相都飽晒囉！飲飽食醉都要走啦，Jenifer 仲要趕下一場，佢真係好忙，話係因為29號就要飛返 Canada ，所以要爭取時間同班朋友仔聯誼喎！ Jackie 又約o左人睇戲，不過唔係我推介o既周董，話係 Rush Hour 3 喎！都唔識欣賞！其他人包括 Stephanie  Yammy  Angel  Lavender  凱敏  淑玲 都話要去行街街，都咁夜啦，仲行   之後各自較腳，我同 Jackie 搭車出九龍，佢約o左朋友睇戲，我又有好多野同佢頃，所以都送到佢去葵芳 Broadway，再之後我都返屋企喇！
返到屋企，好彩仲趕得切睇 " Heroes " ，開著電腦又見到 Yammy Online，順便問佢攞佢手頭o既相，哈哈！好正，都有10副，可以俾我做埋 Wallpaper ，11點 Stephanie 先打電話俾我話返到屋企........行到咁夜  問埋話其他人都返屋企啦，都放心晒！不過最耐都係凱敏，要搭好耐車！？！咁.........就一日啦   

好開心可以同呢班朋友仔 Gathering ，有 D 識o左都有10年，有一個無喎，但係點解咁錫佢呢？又係一個謎？！可以睇住佢地大，真係好開心！好回味以前，不過始終都大個女囉，各有各想法，亦都各自走緊自己o既路，好希望好希望佢地個個都可以行到自己鍾意o既路，開開心心生活！咁就千秋萬代，一統江湖，哈哈