有個傻妹仔o係我 Blog 留o左言，但係我都估唔到係邊個？？？開估啦！

最近依然好忙，因為o黎緊個大 Function o既關係，所以日日都偵騎四出咁去搜集資料，亦都麻煩o左好多老友。雖然佢地睇唔到，但係都同佢地講聲 Thank you！

AL 考試開始o左啦，好緊張， 日日都o係度數日子，希望眨眼就過，咁就唔會咁擔心，Jenifier o係 England 當然我擔心唔到咁多啦，不過 Yammy 就成日都見佢三更半夜仲 Online ，我都唔敢聊佢，都唔知佢係訓o左吖，定係仲讀緊書，而且佢同我講已經考o左中文 Oral ，聽講話好難喎！ ； Lavendar 仲擔心，直頭搵唔到佢，唯有 Send SMS 俾佢啦；我個乖女呢，去o左屯門閉關修練，有 D 與世隔絕，希望呢一招 Work 啦！

加油呀！ AL 算得係乜吖！實掂！！

今日終於好番 D 啦！

2月14日，又係一個要攪攪腦汁o既日子。一早訂定禮物，本來公司話要14或15號先送到o黎，都諗住無所謂啦，又唔係無，亦都唔係我遲，點知13號又突然有個郵差送到， 好囉好囉！禮物準備好，就緊係諗其他野啦。仲有咩呢，今年 D 花，貴到離譜：普通12支都要成700幾銀，有病咩！扎花又唔係可以擺成年，我就緊係無咁笨啦，唔買！晚飯呢，當然承傳我o既優良傳統：自己煮。材料都唔講啦，海鮮茄汁意粉，千島醬大蝦肥牛卷，正！卒之喇，食唔哂。 呢晚過得唔錯，我都好滿意自己o既安排

2月17日，渣打馬拉松。16號晚有 D 緊張，o係張床望天光，所以狀態唔係咁好，不過都唔大影響o既，反正今年諗住陪跑，時間唔係問題，兩個鐘頭內要跑完 10KM 算得係咩！一大早經過重重波折，終於去到東區走廊。今年跑東廊比起上年跑西隧實在好太多喇，可能自己又抱住陪跑心態，一 D 都唔緊張，輕輕鬆鬆跑完，時間係 1小時12分，哈哈！上年俾心機跑，都要 1 小時5分，今年輕輕鬆鬆跑，反而唔用上太多時間，真奇！多數都係跑道改善o既關係啦！

18號返工，好攰！其實呢日應該係請假休息一下致啱o既，不過，搵唔到老細，無符！

19號，哈哈！請假休息，其實係有 D 野做啫！

20號，卒之病左，燒到成103度，都仲未死喎！真奇！o個個死人頭西九龍診所，鬼死咁多人，我去到都係攞到尾籌，等睇醫生一個鐘，都好，個靚女醫生好細心，補番數；等攞藥，又係一個鐘，喂！有無攪錯呀，我 D 時間唔係咁用o架！成日都訓o係張床度，咁又一日！哀

講番呢個新年假，年尾一如以往，又係當更，年三十晚要去工業邨花巿當更，1800時去到花巿，o個陣時落毛毛雨，天氣又凍，都知難頂o架喇，1930時縮埋個死人頭貨櫃食飯，DVC見到掂行掂過，不知所謂，都唔明白個 Force點安排o架！2200時左右，好戲上場喇，氣溫低都不特止，有時不時括風，對耳凍到冰晒，而且仲因為太凍，個頭覺得痛，但係條街一樣咁多人行，有乜好行呀！年年花巿都係咁o架喇，卒之呢一更就o係又凍又頭痛o既情況底下 stand down！

雖然呢年花巿更好辛苦，但係亦都有有趣o既事發生：

話說我o係5號閘當值，離我無幾遠有檔舖仔連夜開檔想發一下新年財，o個度主要賣雜貨，可能個老細睇準年三十晚凍到 "chi" 肺，入o左好多維他奶呀，杯麵呀，濕米呀，講錯講錯，粟米至啱！諗住o黎個大賣，哈！又真係俾佢搵到喎！報告一下當晚行程：
日清合味道杯麵  盛惠  $10@杯
碗仔咁多粟米  盛惠  $10杯
燴到燶蕃薯  盛惠  $15支
最離譜o既係...樽裝熱維他奶：
1st round報價 $8 ,
2nd round報價$16 , 勁！
3rd round 報價$20 , 仲勁！
4th round報價$25 , 賺突啦！
5th round報價$28 , 大奇蹟日呀！
6th round報價$26   指數稍稍回落，可能有散戶獲利回套！

咁我呢，卒之天寒地凍咪豪o左一碗合老細味道但係勁損我銀包o既日清合味道杯麵囉！陰公！

年初一，緊係當通宵更後瞓到死豬咁啦！晚黑返元朗同呀媽拜年食飯！
年初二，一早同呀媽去o左澳門，去o左MGM美高梅，又真係好鬼正喎衰鬼，果然大集團間酒店都唔同 D o既！晚黑搭船返 hk，大浪到暈，好似玩過山車咁，同呀媽返到元朗我自己再返九龍都到年初三囉！
年初三，勁！繼續瞓覺！瞓到中午起身返元朗同兄弟一齊跑步，由元朗 Town 跑到入南生圍，再跑返出元朗，歷時1.5小時，共15678步，足足1.5KM，命都無！
年初四，因為初三跑得激得濟，所以上o左大陸揼骨，揼番鬆 D 肌肉迎接2月17號馬拉松！