今日踩屎啦！一落樓就屈一屈隻腳，就係咁，四日病假

呢排瘋狂打機，打到天昏地暗，Travian呢隻Game真係唔容易Handle，少D心機都唔得！

隻腳好痛呀！

"擒"日 Sunday 返工當更，天氣好熱，時晴時雨，令到人好唔舒服，就o係呢個咁唔舒服o既日子裡面，就發生o左一件令人好唔舒服o既事........

話說"擒"日當 A 更，午飯二圍，時間係1230-1330 時，當然我返得工梗有一 D 兄弟一齊啦，我啱啱做完一單 Person Lock Out o既 Case ，因為案情都有少少複雜，所以報料o既時候都同電台有 D 衝突，好！你坐電台，都唔知地面發生緊咩事都o黎嘈，我大人有大量，算！做完o野就返差館食飯，就o係呢個時候， Beat Radio 傳o黎好緊急o既訊息，就係o係元朗廣場對出，民合徑前紅綠燈發生o左一單 TAPI ( Traffic Accident Person Injured ) ，而發訊息o既係我好兄弟 GC ；事件係當時 GC o係民合徑紅綠燈前面向差館，正等交通燈轉燈返差館食飯，對面有好多人，其中一個 Party 有一家大細，媽啦，唔係媽的 >.< ，係阿媽，阿爸，仲有個睇落得三、四歲大o既女，當時交通燈啱啱轉燈，據 GC 所講佢肯定綠色行人指示燈已經著o左，好多人都正準備踏出第一步過馬路o既時候，有一部車高速行駛，到紅綠燈前眼見紅燈亦無停車，而不幸地，個細路女已經衝o左出馬路...............
事後眼見意外發生o既 GC 立即用緊急掣 Call 電台叫白車，而部撞傷人o既車亦無停車，幸好其他途人奮力追前將部車截停，如果唔係佢仲想一走了之  ，而 GC 呢，事後所講，佢當時睇住部車衝前o黎，紅綠燈前亦無停車跡象，撞到個細路女o係佢面前飛起o左再撻返落地，可想然之當時個畫面係幾震撼， GC o係好冷靜情況底下處理呢件事做得好好，個司機呢，個死野竟然 PNG ，死口唔認衝紅燈，話自己只係衝黃，聽佢講到呢一刻，真係想即刻返 CID 房捉個八婆o黎送佢兩粒子彈............

食飯其間成班兄弟話題當然離唔開呢件事， GC 真係做得好好，俾著我，我唔知做唔做到，識我o既人都知我好鍾意小朋友，要係我換成 GC 個角色，有個小朋友o係我面前遇到咁不幸o既事，我會點呢？！

我知道 GC 佢都好唔開心，我諗個個伙計都為呢件事難過，雖然唔係現場目睹，但係通過部 Beat Radio 大家都聽到現在情況，我地可以做咩呢，唯有向天父祈禱，祈求個小朋友好快好番，佢o既家人可以從傷痛中走出來；做錯事o既人要知錯........

發覺越o黎越多朋友仔搵到我呢個 Blog ！佢o地o係邊度搵返o黎o既呢

早兩日睇o左小柴犬，好 TOUCH，如影評所講，都係"趨淚戲睇"，咁啱四川又大地震，好感觸，咁多同胞過身，祈禱幾多次個心都好"up"住好"up"住

5月19日，今日學校響應大陸中央呼籲，o係今日下午2點28分舉行默哀，本來應該係一件神聖又莊嚴o既事，但係默哀之後主任帶o左幾個細路o黎，理由係佢地唔識咩叫"默哀"   計我話佢地個心根本就唔o係度，簡直不知所謂，掛住玩，咁有心同莊嚴、咁小o既事都做唔到，xxxxx

擒日加o左好多朋友仔，但係都唔係個個知係邊個，你地呀，加完我都單聲吖，我都唔知你係乜水

首頁多o左個 pop-up，你地開呢度o既時候，幫幫手啦

上個禮拜撞o左車，寶寶都好傷o下，等陣放工去車房攞，希望寶寶可以回復完貎啦！