今日我喺屋企睇"日本版花樣男子"連續劇，
好好睇！我用左兩日就睇曬全集(一共9集)
雖然最後無大團圓結局，但係三年之後先可以一齊，
雖然係好耐，但係知道對方嘅心意同埋相信佢番嚟之後會得到幸福，咁樣就唔會覺得耐。

愛係需要付出，所付出嘅野係好多，
唔單只係時間，仲有好多，
當鐘意一個人嘅時候，每一刻都會掛住佢，
想起佢。
如果係暗戀，就會不斷分析佢所做､所講嘅野會唔會想表示D咩！
係一件好難做，好難可以冷靜自己個心同埋個腦！
但係一方面可以為對方而努力。

今日係星期六，我要番學校步操，
佢當然有番啦。大家不斷操，都操得唔好。
就一齊休息一陣，順便傾下喺邊日一齊番嚟加操，
佢走過嚟我哋女仔埋倒，一齊傾，佢走過嚟自然其他男仔就會一齊行埋嚟。

就開始進行投票!傾完日期就傾時間，有好多人都話早上番，但係我同埋另外一個女仔就話下午，因為我坐係佢前面，所以佢就問我點解想係下午番，我就答因為可以訓耐D，之後佢唔知講D咩，跟住就再投多次票，最後都係喺早上番。或者佢都想幫我哋，但係無可能為左我哋可以訓耐D而改時間。
最後佢話:「算啦!無得訓耐D!」

之後就繼續步操，佢今日着左件綠色衣服，
嗰隻綠色我啊爸成日着嫁，
佢今日又變左另外一個髮型，
令到佢更加似我啊爸，
好好笑>.<

不過佢變左髮型，令我無咁驚佢，
但係佢好似好大年紀咁，
佢嘅背脊好大啊!
如果可以被我爬上去就好啦!
我咁大個只係爬過兩個男人嘅背脊喳!
就係我爸爸同埋我舅父啦。

今日我要番學校幫手做壁報，
做完壁報後，就去食lunch
佢哋尋日話今日放學後，
去旺角shopping，
不過我唔想去，所以就無去!
食完之後，佢哋就去旺角，
而我就一個人番屋企。

唔知點解，
一個人番屋企感覺怪怪哋，
有D唔習慣，可能太耐都無一個人喺條街倒。
有D無奈。
突然我好想有個男朋友，
佢每日都送我番學放學，
幾幸福啊!
不過我邊有咁好嘅福份喎!
愛係一種，恨都恨唔到嘅野，
得到愛係VERY幸福。

要得到愛，就要爭取!加油啊!各位暗戀者>.<