今日我喺早會前嘅回校時間見到佢,但係佢好似故意唔另轉頭望下我嘅咁!

有D失望,都有D不明白

喺音樂堂完結時,我由音樂室,走出嚟,準備番課室.突然我嘅朋友"抽筋玲"用手指上6樓,說:{你睇下上邊,曹操啊!~}

*曹操係:我哋幫佢改,因為驚被人知道!

喺樓上經過嘅佢都望倒樓下有人指住佢自己
就望落嚟,佢見到我嘅,就好開心咁笑,真係好開心
我都好開心咁望住佢笑,
其實我鐘意佢都有70%係呢個理由嫁.

真係好開心,佢嗰種笑容真係好靚,好燦爛
有好大嘅吸引力嫁.

今日佢嚟左我嘅課室~
我覺得佢應該係嚟找其中一個男同學嫁
本來,上I.H.堂好耐,落堂啦,我就去廁所,當我由女廁走出嚟,走入課室,見到佢同一個男同學講野,我見到佢嘅背脊,我好驚啊,佢成日神出鬼末,我覺得好難得,所以我決定光明正大咁行入課室.
佢......佢問我有無"陀地"
我明白佢想講咩,佢想話有無課程嘅錢
我一早就有啦!~
我回答佢:{有啊!~}
佢話:{好,我派回條俾你!}
我等佢走左之後,就走出課室.
點知,佢喺另外一邊行過嚟,我望倒佢,但係我扮見唔到!
佢行到嚟啦!
佢用手拍拍我的左邊膊頭,我嘅其中一個朋友走入課室,不停地笑,我回頭望一望佢,佢都另轉,望下我,我都望下佢,佢喺走嘅時,最後咁望左我一眼,佢就走左落去啦!~

我真係好辛苦啊!~我好驚.
我明白到,真正鐘意人,嘅感覺同感受!

今日我補完習之後，就去飲茶.
好多人啊!~好耐都無一家人去飲茶啦!今日先有機會.

食飽啦!就去"家私shop",買新嘅床鋪
個售貨員好似唔係好想我哋去買今,好唔耐煩,好想罵人
不斷講好多野,語氣好差.我好想大聲咁罵佢,但係我無,可能因為我無咁樣嘅心情,我自己已經好煩啦!

佢令到我不明不白,我可以話無辦法去了解
一D都無,好煩啊!~
煩煩煩煩煩煩煩,煩........

聽日番學啦,我好驚......好驚佢啊,成日無啦啦會出現.
佢太神秘啦!~真係好難了解同分析
而作出結論
佢一時一樣,喺唔同地方會有唔同嘅做法!