我鍾意食 risotto, 不過出面街外既通常都加好多牛油, 太肥. 所以想食時唯有自己整.
材料(三個人份量):
1. 200g Carnaroli 或者 Arborio 米
2. 蘑菇, 青豆粒
3. 2 湯匙橄欖油
4. 半隻洋蔥切碎, 少許蒜蓉
5. 大半杯唔甜(dry)既白酒
6. 1 升雞湯(或者肉湯, 菜湯, 海鮮湯)
7. 12 隻蝦, 去殼開背
8. 1 杯磨碎既 Parmesan(帕馬森芝士) 或者 Grana Pandano芝士.
9. 鹽, 鮮磨胡椒, 乾迷迭香(rosemary), 乾蘑菇草(oregano)
先將洋蔥碎同蒜蓉用橄欖油細火炒軟, 唔好炒焦, 炒大約5-7分鐘. 加入米, 炒至米粒邊緣半透明(大約2-3分鐘). 加白酒, 攪拌. 等白酒被米粒吸收之後加雞湯, 乾蘑菇草(oregano), 蘑菇同青豆粒. 唔好一次過加哂d 雞湯, 每次加半杯. 等米粒吸收了湯之後再加. 由加白酒到煮好大約要 20分鐘, 煮到米粒透但係唔好太 "林". 一路煮要經常攪拌, 米既澱粉先會釋放, 令 risotto 有 creamy 既口感. 熄火, 加鹽, 胡椒同半杯芝士攪拌好, 等幾分鐘俾 d risotto "休息" 下先上碟. 係 le 幾分鐘我地可以煎蝦啦. 燒熱鑊加橄欖油, 蒜蓉, 鹽, 胡椒同乾迷迭香(rosemary)煎好 d 蝦, 放係 risotto 上面, 再加剩下既芝士碎.
 
帕馬森芝士(Parmesan)既味比較濃, Grana Pandano芝士既味淡d 亦便宜d. 我今次係用 Grana Pandano.
Risotto 既鮮味大部分係 d 湯度黎. 所以如果有時間自己係屋企準備 d 好既湯底黎煮 risotto就最好啦. 我今次懶惰只係用罐頭雞湯. 1 litre 湯可能唔使用哂.
如果想更加滑口, 可以煮好後加牛油或者 Mascapone芝士. 不過會好肥... |
先將洋蔥碎同蒜蓉用牛油用細火炒軟, 加入雞湯同牛奶. 薯仔去皮洗淨切細, 加入湯度用中火煮 10分鐘. 加一半菠菜再煮10分鐘. le 個時候 d 薯仔應該 "林" 啦, 可以用個叉試一試. 最後加埋剩返果一半菠菜, 大火煮 2-3分鐘. 加鹽同胡椒調味. 用 handheld blender 將 d 湯攪成稀糊. 落湯碗後再加少許鮮忌廉.
