學生和美少女佳音﹐今次要介紹的Olay CC Cream﹐應該價錢和功效都幾適合這個range的人使用﹗

兩色選擇﹐我這枝是fair to light﹐以我這個黑人都用得到﹐事實上雖然望落去有色﹐刷上臉時其實又沒很大分別。(令一款叫light to medium﹐所以呢... 買的時後還是自己試試吧﹐不過我覺得沒太大份別﹐真的。)一圈一圈的﹐內裡其實有3種東西﹕(1) 透明的那些不是空氣啊~~ 是透明gel狀﹐主打亮白保濕 (2) 淺色的那層是防曬﹐有SPF15 (3) 深色的那層就是CC cream啦﹐柔焦膚色﹐用後如photoshop過一樣。

一枝有曬3個功能﹐實在是懶人印物。但是不是真的如廣告一樣呢﹖尤其是如果臉上瑕疵較多﹐遮瑕力又如何呢﹖真係要用下我塊面試真D喇...

我覺得呢﹐它是如廣告所言零妝感的。遮瑕力方面﹐因為CC cream本來就不是強調這方面的能力﹐所以只屬一般。保濕都可以﹐冬天就好像乾一點點。總聒而言﹐中規中舉之選啦﹗

我會推介給面部較少瑕疵的小妹妹用﹐當一枝有色的防曬用到OK啊。而且OLAY價位親民D﹐可以一試﹗

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]

http://www.facebook.com/pages/Popcorn-express/560506497300434

yeah~~~ 之前用美白BRTC BB CUSHION覺得一切都好完美﹐就只係差個膚色﹐鬼叫自己生得黑咩。但終於比我找到適合自己膚色喇>O< 做人都一樣﹐要think positive, because it's always true, the best is yet to come ;)

結構上同白色一樣我就唔多講呢part喇。有興趣﹐去望望舊文啦~ 拍謝﹗ ($260/12g)

經過上次一時錯手用多左份量後﹐今次我就熟手好多喇。大家應該都知道咩係bb cushion﹐bb cushion都火紅了好一陣﹐記住用個陣﹐先輕輕壓下cushion位﹐等D bb cream滲上黎﹐唔好太大力﹐因為其實bb cushion容量唔多﹐唔好浪費啊﹗﹗

今次用上金魚子gold caviar﹐聽到都知道係比較潤﹐比較照顧皮膚較成熟的﹐即係我﹐熟曬。冬天用真係一流﹐唔LUP唔油唔反曬光﹐乎復何求﹗我特登搽一半面比大家睇下﹐確實係白﹐但我自己覺得唔算係過份白。深藍色呢隻金魚子已是全個系列中最深色的﹐如果仍然唔岩色﹐怪只怪韓國人太白。不過仲有方法既﹐就係用一個自己膚色的粉餅/碎粉﹐或者用自己膚色的粉底在兩邊raw bone﹐可塑造一個V面添﹐少少shading effect﹐如果買錯色﹐大家可以試下呢個方法。

點呢﹖係咪今次順眼好多呢﹗我覺得我我已經找到我終身最愛的BB CUSHION了﹐你呢﹖如果找白馬王子都係甘簡單就好啦。唉﹐講呢D。

完全addicted to BRTC BB cushion gold caviar了﹐仲要有SPF 50 PA+++添﹐暫時未找到對手可以贏到呢個藍盒。我個人其實都幾專一﹐呢個冬天我會和BRTC好好熱戀架喇~ 公司爆大鑊野我可能要在公司渡過﹐所以在這裡先預祝大家有個快樂聖誕﹐一雙一對又好﹐和家人過又好﹐最緊要係開心﹐滿足﹐愛自己﹐和分享愛。

more info: https://www.facebook.com/sasahongkong

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 yeah﹐勁開心因為我早前去左sasa supreme再次試BRTC的BB CUSHION。BRTC呢個BB CUSHION真係好好好好用﹐好用到連爛面的我都可以有陶瓷效果﹐回顧下先啦 --> click me pls!!

講開又講﹐仲未去過CWB SASA supreme既朋友真係要去下﹐因為裝修超靚﹐又大﹐同埋暫時未被強人攻陷。你睇下你條BRTC水晶柱﹐靚到呢﹐勁想帶曬返屋企囉﹗

在介紹BB CUSHION之前﹐介紹下BRTC新品focus on your wrinkles﹐係一枝眼精華加一部震震導入棒。細細枝﹐可以碌到眼部位置﹐碌埋虎紋﹐perfecto~

即係呢﹐一陣我要試D BB CUSHION係手丫麻﹐甘就試下用左呢枝精華加導入棒打下底先啦~哈哈﹐好奢侈啊~~~ 價錢我記得唔係貴﹐買黎交換聖誕禮物好唔好呢﹖

是日主角﹗我知道BRTC BB CUSHION有四款﹐不過一直唔係好知有咩分別﹐除左我自己試過白色which is 美白外。今次好開心可以黎認識拒地﹐因為白色用過﹐覺得太白﹐但除左顏色唔岩之外其實一切都好好好鐘意﹐所以好期待其他幾隻色可以有我識合的膚色就好了 >O<

原來呢﹐真係有唔同架﹗﹗紫色jasmine顏色係natural﹐好正呀﹐我覺得呢款應該我都handle到架~~ (同埋隻手用左眼精華打底﹐真係潤到無得頂﹗)

至於綠色盒就係保濕﹐相對上我覺得同jasmine差不多膚色﹐明顯見到光澤多DD﹐因為搽綠色個陣會有D水珠﹐乾人可以考慮下入呢隻﹗

我仲試左BRTC個粉餅﹐燒著左。自己睇相﹐滑到no friend﹐點解可以甘正﹗

亦試左碎粉版﹐又係神級。我諗我會考慮入粉餅or碎粉 (or both, haha)﹐聖誕節當係獎勵下自己囉~

另外BRTC BB cream remover亦係好有noise﹐一出場個個嘩嘩聲﹐睇住D BB cream溶感覺好爽皮﹐覺得好乾淨﹐睇得到的乾淨﹐落妝無非都係想甘樣姐﹗ XD

全程都係又好溫柔的老師介紹﹐老師﹐如果我D皮膚好似你甘好就好喇 >_< 係呢﹐點解4隻色既BRTC BB CUSHION我好似無咩點講到其他色呢﹖因為白色已經試左啦﹐深藍色呢... 係喇﹐就係我今次將會重點推介之物﹗終於都有岩自己膚色既BB CUSHION﹗好開心 >O<

more info: https://www.facebook.com/sasahongkong

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]

http://www.facebook.com/pages/Popcorn-express/560506497300434

 承上篇﹐講到在abe beauty shop帶走左it's skin三樣產品。當晚立即開始用﹐尤其事眼精華走珠筆﹐真係期待到不得之了。

紅色包裝給我的感覺一向係 --> 抗衰老同潤﹗事實上呢隻係it's skin紅參蝸牛強效修護眼部精華﹐真係岩晒我呢D長期捱夜的可憐人﹗

一盒兩枝﹐每枝15ml﹐$340﹐眼部產品黎講真係算係甘﹐唔好諗喇﹐眼真係好緊要﹐我實在非常後悔護理得太遲 T_T

底部有個開關制﹐前面就係吸引我入手的走珠BB﹐碌下對眼﹐諗起都覺得爽皮~

用前扭開呀記住﹗

跟手按一下~

精華係白色﹐少少韓式香味。我兩枝一齊用﹐因為我要雙龍出海﹗省時間得來又十分爽皮之舉。(你真係要試下喇)

其實一泵確實係十分夠﹐少女們可以試下半泵。我自己就因為對眼有返甘上下絕望﹐所以兩邊眼都用上full一泵﹐跟住就一路碌碌碌﹐好舒服﹗可以用手指按壓一下到吸收。

so far so good﹐我覺得夠潤﹐無over﹐無出油脂粒。眼紋有改善﹐但最出色都係去浮腫﹗可能因為有得碌﹐且紅參成份有助血液循環﹐改善黑眼圈問題。呢兩枝野我差唔多用完了﹐係時候上abe到回購了。(<-- 真係OK架﹐係我回購list之中)

跟住到塊面喇﹗its skin的power 10 GF高效保濕精華原液 ($90/30ml) + power 10 propolis蜂膠保濕彈力營養精華原液 ($110/30ml)。如之前所言﹐it's skin精華雖然望落去係五顏六色﹐但其實只係樽身係﹐精華本身係無色架~

即係甘樣。立即放心晒~ 我覺得個D顏色確實係吸引到我去注意﹐例如藍色感覺係好保濕﹐而黃色又確係似蜂膠。我好興幸it's skin利用顏色讓人制造感覺﹐卻又唔係加人工色素落去D精華入面﹐好聰明且好明智啊﹗XD

GF高效保濕精華入面有D粒粒﹐塗開會消失架。好水潤同埋﹐真係堅保濕 O_O 可能份量可以唔洗用太多添﹐因為我覺得用足一野 (<--- i mean一整條試管) 有DD LUP。

原液真係唔簡單 O_O 兩隻都係﹐以我呢種dry爆中女黎講﹐都唔需要用足一枝試管﹐我諗大概本枝到就岩岩好喇﹗其實我都幾貪心﹐我會兩隻一齊用。先半枝試管份量的蜂膠﹐印印印到吸收曬﹐你會feel都皮膚彈力有改善 (頸都要用上呢隻﹗)之後再加本枝試管量的GF保濕原液﹐封住D蜂膠精華唔好比拒走~~ 其實確係有少少gel住感覺架﹐不過第二朝起身見到塊面閃令令甘水潤﹐真係好開心 >O< 化妝都會貼好多﹗

it's skin power 10仲有好多種類﹐而家搞到自己心思思想試埋其他個D﹐救命﹐成日都得一想二﹗>_< 用過的sis大家可以分享下it's skin產品用後心得﹗我知你地成日去旅行可以買好多野返黎﹐我呢﹐就真係唔係好得閒去旅行喇 =_= 而且我覺得香港都已經好好彩﹐買咩都總有辦法。abe beauty shop it's skin價錢我覺得都幾抵﹐仲抵過去萬零入同類型精華囉﹗唔想太hard sell﹐自己上去試下啦﹐店長會推薦適合你皮膚的產品架喇﹐拒講一句好過我講十句啦。

more info: https://www.facebook.com/abebeautyshop

銅鑼灣新會道4號2樓(喜喜冰室樓上)

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 個幾月前我同好友莉莉人去到銅鑼灣一家skincare樓上鋪abe beauty shop﹐好開心遇到一間唔hardsell的小店。er... 唔知點講好﹐行街買衫又好買skincare都好﹐真係好怕D sales 跟住尾﹐一陣又話呢隻保濕﹐一陣又話岩就買埋呢SET... 唉﹐不如你比我自己試上手啦 =_= (我都唔期望你派D sample仔比我了...)

樓上鋪感覺比地鋪更實事求事﹐應該地方好細零裝修﹐點知一上到黎abe發覺同心目中差好遠﹐覺得自己成個大鄉里甘﹐好鬼丟臉。 =3=

店其實都幾大﹐一半是韓國skincare﹐一半係cafe bar﹐原來目的係想如果女仔帶男朋友黎﹐男仔會無甘悶 XD 哈哈哈﹐都係既﹐不過老實講﹐而家D男仔都好貪靚架﹗

貨品齊得黎﹐擺得好elegant﹐唔會密窒窒﹐感覺shopping都可以輕鬆D﹐又唔會有sales跟住尾﹐反而係自己會問返D貨既info ^^﹔

店長最推介的是店內之寶﹕彤人秘和it's skin。it's skin我就聽過(用就未)﹐而彤人秘就少聽D﹐店長立即話要即場demo下有幾正 O_O

demo前沖左杯latte過我地 >3< 真係好鬼窩心﹗omg~

店長見到我D眼紋甘絕望﹐決定傳授我秘技﹐大家都可以學一下﹐我用上的是彤人秘﹐不過手法上其他產品都可以用到呀﹕

• 用眼精華tap眼周至吸收 (彤人秘來講就是精華油﹐但都幾神奇﹐一D都唔LUP同埋幾輕身﹐我對眼太乾所以tap了兩around)
• 塗上眼霜﹐減淡眼紋
• 用水濕化妝綿然後敷眼﹐輕輕按下眼袋同眉骨﹐可以去眼袋去浮腫﹗

真係好堅﹗我諗我敷左10分鐘左右啦﹐效果都確係幾明顯﹗﹗omg~

其二要推介的就是平靚正的its skin。本來見到五顏六色真係少少驚... 不過abe beauty shop好就好在係咩都比你試上手(甚至面﹗)﹐所以經過試完後﹐就知道原來係個樽身五顏六色﹐精華自己係透明架~ >O< 下圖我兩枝眼精華走珠筆成份係紅參﹐試上手覺得質地唔錯﹐走珠好舒服﹐而且價錢好合理~ 今次上黎﹐我最後帶走左it's skin的保濕精華﹐蜂膠精華﹐同埋呢兩枝走珠眼精華。其實﹐我而經差唔多用清了 =_= (<--- 拖左爆耐先寫文實在係一波三節 i am so sorry >_<) 下一次詳盡少少介紹下﹗

事實上﹐abe beauty shop仲有好多小班可以比大家參加﹐學下護膚心得﹐甚至yoga等等都有。too bad我唔係成日行開cwb所以至今都未有機會join >_< 大家有興趣不妨去FB望望﹐我覺得都幾有趣﹐又可以redeem貨品﹕https://www.facebook.com/abebeautyshop 銅鑼灣新會道4號2樓﹐喜喜冰室樓上﹐(漸漸我覺得我仲似hardsell個個了 =_=) 唔講住﹐下次再介紹下店長推介的it's skin有幾神﹗請呀~

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434