係呀﹐又係介紹韓國產品~ 今次係CREMORLAB﹐我都用過佢幾多野架~ (review) so far so good﹐自己最鐘意係佢幾包裝﹐簡約得黎好優雅。真係好鐘意個D不經兒既手畫圖案~ ^O^

今次介紹既係面霜﹐有個好令人心動既名﹕潤透雪溶霜 snow falls melting cream。主要成份有﹕

• 韓國金津礦物水T.E.N.: Thermal water therapy + Eco Energy + natural nourishment既縮寫。金津係韓國既一條小魚村﹐個度D泉水發現有高濃度既礦物﹗好珍貴架﹗
• 雪絨花花瓣萃取物﹕雪絨花edelweiss生於歐洲高海拔地區﹐又名高山花后。歌仔都有得唱~ 含豐富對抗肌膚世包老化既自由基同其他珍貴活性成份﹐既滋潤緊緻彈性﹐又舒緩鎮靜。
• 甘油﹐植物角鯊烯﹐透明質酸﹕保濕滋潤﹗
•  

當TEN遇上雪絨花﹐形成雙重水份保護膜﹗72小時長效部水鎖水﹐濕潤度提升到83%﹗拍得住最近香港D天氣wor﹗﹗

面霜質地真係好似雪花﹐好似想溶想溶咁﹐好吸引﹐好期待試上面既效果﹗﹗

試上手﹐又發現個cream個質地並唔係想溶咁﹐開頭諗住會有D似韓國好興既個D變水珠面霜添~ 事實上cremorlab呢個面霜質地既厚﹐唔係相像中易推﹐要用熱力推一段時間﹐先吸收曬﹗

但吸收完之後﹐皮膚最感受得到既係幾滑﹐唔LUP。試上面先知﹗

上面亦一樣﹐真係要D時間推﹐要D時間先可以吸收。建議份量唔洗用太多﹐如覺得唔夠﹐先慢慢加都未遲。

雪溶霜望落去似雪﹐要用D時間+體溫令到D雪溶﹐溶後﹐皮膚確係幾白滑同滋潤。個cream無色無味﹐呢一點韓國護膚品中較少見﹐唔錯唔錯﹗其實呢類型面霜都幾多用途架﹗可以厚搽當面膜﹐亦可以用黎當妝前底霜。我亦試過加一的雪溶霜到粉底中﹐既可調色﹐又可以做到保濕唔脫妝。大家都可以試下﹗$240/60ml﹐cremorlab既產品一向幾親民﹗Sasa獨家有售啊~

more info: http://www.cremorlab.co.kr/cremorlab/

Sasa FB: https://www.facebook.com/sasahongkong

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 作為半個blogger﹐有機會周圍試下唔同幾美容產品/技術/療程﹐真係好感激一直大家比呢D機會我。試過唔少﹐但真係第一次﹐見識到真正“一站式”既醫學美容中心﹗﹗今次真係大開眼界﹗

講緊既係中環M88 cosmetic central。地段已經話你知﹐今次真係唔。簡。單﹗

真係好少可見到一個咁寬闊既大堂~ 超級多空間﹗意味住咩﹖就係多D私隱﹗我唔知大家有無覺得﹐有時候大家排排坐係D梳化等﹐其實有D尷尬﹐難免會你望下我我望下你﹐你知啦﹐女人都愛互相打量... (<-- 但我唔會囉)

填完資料﹐就去做皮膚分析。做完先決定做咩treatment都唔遲~

皮膚分析做過唔少。但第一次... OH MY GOD﹗第一次睇真D自己原來個皮膚底層是如此可怕﹗睇完呢張相﹐直頭foresee到50歲既自己﹗人總會老﹐但要老得graceful﹗你話做女人唔保養點得架﹗﹗﹗

treatment房有數間﹐間間都有個無敵差唔多落地玻璃﹗係天然光下做treatment﹐而唔係對住四面場加光管十足十平時office﹐咁先係真真正正感受到偷得浮生半日閒既感覺加嘛﹗(感動到流淚﹗)

其實間房大到咁﹐無論你幾多行李到放得落架喇。所以我已經忘記左locker呢樣野~ 但如果你有D好私人既物品﹐你仍然可以鎖係房入面既locker入面既~

無錯喇﹐我今次就係要做如title所言既SILKPEEL療程~ SILKPEEK係D咩呢﹖

SILKPEEL™ 真空水療注入煥膚利用專利嶄新真空吸管, 將皮膚提升起貼近鑽石頭作真空打磨去除老化角質, 同時從真空管內送出針對顧客肌膚所需之精華作表皮層滋潤, 溫和而無痛地進行非侵入性的煥膚，使用後肌膚會有焕然一新的健康亮澤。SILKPEEL™ 通過美國FDA認證，臨床實證無痛且安全有效。此適合任何皮膚及身體部位，可每星期進行一次保持最佳效果。

共四款精華可以揀﹐而第一次做﹐通常都係以保濕開始啦﹗做好左保濕﹐我諗我都要著手搞下底層D色斑先得喇﹗(等我仲成日引以為傲我無雀斑....) 美容師手上個枝正是精華﹐每次treatment都會開一支﹐點解呢﹐因為每次treatment會用曬成支﹗﹗無錯喇﹐係你一個人一炮過用曬一支呀﹗聽到我自己都O左嘴﹗O_O 好奢華啊﹗﹗﹗

洗面先~ (P.S. 剛剛整左條眉﹐我有add我FB既朋友仔都知道喇﹐唔係畫架~)

就係咁係面仔上面吸下吸下~ 唔痛﹐其實無咩感覺。真空吸管向上吸走D邋撻野﹐D精華就噴落面。都feel都少少皮膚被吸起既感覺﹐但精華射上面就唔係好大感覺。所以你見到﹐唔會有D一滴的水珠留係塊面上面。鼻翼呢D罪惡黑點﹐美容師會吸多幾下﹐細心地﹐吸曬塊面每一個毛孔﹗大概都要20~25分鐘左右架﹗

做完﹗最明顯既係皮膚多左光澤感﹗比起洗面個陣﹐膚色均勻左好多﹗右手面個支意米水﹐就係由我塊面吸出黎既污物﹗真係好可怕﹗自問自己做清潔都好勤力﹐仲晚晚導出 >_< 點解仲會so dirty架~~~ 所以呢﹐得閒真係要SILKPEEL一下保持住皮膚底層有最佳狀態﹗皮膚乾淨左﹐D保養品先會吸收架﹗

所以趁而家乾淨左﹐立即敷返個B5保濕mask﹗大概10mins﹗又要再大叫一次OH MY GOD~ 皮膚有見得到既水潤﹗而家一路打呢篇賽後檢討一路想大D去SILKPEEL多次囉﹗﹗

搽返D防曬日霜﹐完成﹗成個過程大概45分鐘左右。醫學美容就係快靚正﹗皮膚靚到無曬毛孔反曬光﹗靚到自己都唔信﹗

連梳妝台都係獨立房間﹐果然係私隱度高﹗超級buy cosmetic central﹗你知啦﹐SILKPEEL就話無咩野姐﹐但如果做其他醫學療程﹐可能真係唔想其他人見到自己加嘛﹗﹗做完妝都唔化﹗直接去下場﹗做完SILKPEEK返到屋企既保養﹐就係盡量繼續比D保品皮膚食﹐因為底層乾淨曬﹐呢段時間好吸收架﹗我晚晚敷B5保濕mask呀﹗希望去以將療程效果再KEEP耐D放大D~ ^O^

回應返文章第一段﹐點解我話我真正第一次見到一站式美容中心﹖cosmetic central入面﹐竟然有自己既小型手術室﹗可以進行一D美容醫療服務 (例如抽眼袋) 其他如注射﹐laser等等就更加唔洗講啦﹗呢兩間房真係令我大開眼界﹗有註場專業醫生﹐療程亦可以選擇由醫生進行架。有興趣上黎體驗下非凡一站式服務嗎﹖更多資料﹕

地址﹕香港中環 威靈頓街2-8號威靈頓廣場(M88) 18樓
電話﹕2806 2829

http://www.cosmetic-central.com/tc/index.html

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 洗頭水﹐髮膜﹐髮尾油﹐頭髮用品講都講過喇﹐對我黎講﹐以上都係一D治標既用品。講到治本﹐即係要點樣防止掉髮﹐強健髮絲 / 毛囊﹐同埋點先可以唔好令白頭髮愈黎愈多﹐又要介紹下維新烏絲素呢個我用過而又覺得真係唔錯既品牌。之前用過既係VitaHair既洗頭水﹐剛剛好上星期用完﹗我推介左呢個產品比一個開始年輕M字額同事﹐佢都覺得OK﹗

可能我提過我把頭髮點解爛無數咁多次﹐而且我確係年事已高﹐當知道有機會試得到維新烏絲素頭髮促進液既時候﹐我覺得有兩隻小天使係我耳邊唱哈利路亞﹗﹗用得好既話﹐都會介紹比M字額同事(P.S. 呢個同事其實係fresh grad﹐女仔﹗ 所以話呢﹐禿頭唔係年紀大先會面對既problem﹐而且女性脫髮愈來愈普遍﹐已經唔係男人先concern既問題喇﹗)

好似維特健靈呢D大公司﹐一定做足GMP同埋個D ISO9001要求架喇。即係﹐會有完善traceable既batch number同best before date。盒子亦會有完整幾seal貼子證實係新品未開封。衛生程度大家唔洗質疑﹐比公眾有一定既信心。

內付說明書。配有兩款蓋子﹐一款係噴嘴﹐方便促進液化成霧水噴係頭髮上﹐recommand比D範圍較大既朋友用。而好似我呢種﹐純粹防範於未然﹐可以用另外個個尖嘴﹐可以針對頭髮分界位﹐髮轉位等等﹗

純天然中草藥成份何首烏、牛蒡、丹蔘、艾葉等等比頭髮養份，促進血液循環，刺激頭髮生長。配合西方專利成份Capigen，有效調節過多油脂分泌，使髮根強壯。於瑞士進行臨床測試，證實使用「維新烏絲素 頭髮促進液」三至六個月後，受測試者的髮絲健康均有明顯的改善：

• 有75% 油性頭髮受測試者頭油分泌得到改善
• 有86% 受測試者減少頭皮

其實大家見到我D頭髮唔算少﹐點解我都成日話驚禿頭呢﹖因為我好多白頭髮以至我每個月都要去染髮。染髮劑面D化學成份﹐真係多到你驚﹗有時候人類真係自食其果架... 我相信﹐所有野都係做足準備﹐好過臨渴先掘井﹗如果你同我一樣﹕天生白髮﹐工作日夜顛倒﹐又煙又酒﹐個人又好鐘意亂諗夜﹐呢D全部都係令自己年輕禿頭既伏線﹗你都要多多注意頭髮健康喇﹗﹗

維新烏絲素頭髮促進液呈黃色油狀﹐但吸收得好快﹐一D都唔會較到頭髮LUP刺刺﹗洗頭乾髮後﹐先滴在患處﹐然後按摩一下頭皮﹐唔洗半分鐘已經吸收曬。淡淡中藥味﹐唔黑人憎﹐老實講我仲有DD愛上呢隻味﹐而家早晚都會用係分界位同兩邊髮臏。

使用前影左張相﹐比大家睇下我個D生返出黎既白髮。其實我呢張相影個陣﹐距離上一次染髮1.5星期左右咋﹗我真心唔知究竟係我D頭髮生得快﹐定係染髮D顏色甩左﹖

盒子上有個貼紙寫住“噴走白髮”﹐而我覺得用左兩個星期黎講係睇唔到功效既。但我覺得出白頭髮既速度好似慢左﹐可能係D何首烏做緊野﹗期望可以減慢白髮生長速度﹐等我可以唔洗去染髮染得太密。始終染一次髮真係好傷﹐用幾多補品都補唔返﹗

因為自己都唔係禿頭﹐可能生髮方面個效果並唔明顯。用左兩星期﹐掉髮數量同未用前差唔多﹐不過要講既係﹐因為剛剛又用完VitaHair枝防掉髮洗頭水。我諗雙劍合碧一定會好勁﹗

總聒黎講我都係會推薦呢個產品﹐$315/100ml。(更多資料按此) 原因係﹐中藥既野唔會一朝一夕比你見到效果﹐而我覺得白頭髮真係出慢左。我會用耐D再同大家分享效果﹗不過要健康既秀髮/人生﹐最好當然係戒晒D壞習慣﹐早睡早起﹐做適量運動啦。只係有時候生活逼人﹐先令到都巿人好似個個未老先衰姐。其實我已經戒煙一個月左右﹐亦希望可以重拾跑步呢個習慣﹗希望我可以堅持落去啦﹗大家比DD正能量我啦~~

維特健靈offical﹕http://www.vitagreen.com/zh/

維特健靈FB﹕https://www.facebook.com/vitagreenhk

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]

http://www.facebook.com/pages/Popcorn-express/560506497300434

發覺自己愈用愈多韓國之物喇﹗最近用緊既洗頭水同護髮素﹐亦轉左做韓國品牌welcos唯美﹗之前已經試用過welcos既一D產品﹐而自己最最最推介就係Miracle Argan Treatment Oil Original﹗呢枝油唔係得我一個人讚﹐因為我發現佢詢問度都幾高﹗之前一直話屈臣氏有售﹐但我D朋友仔就踏破鐵鞋都無覓處﹐真係慘﹗Sorry﹗而家要入手welcos原來可以去呢度 --> http://goo.gl/3A1kq8 

講返呢套洗頭水同護髮素先~ 韓國制﹐750ml each﹐套裝價$168﹐都算係開架價錢。最近真係用左好多好多聲稱argan oil既護髮用品﹐用到自己對argan oil開始存有懷疑。點解呢﹖因為我發現唔係隻隻argan oil都咁堅。而唔怕係呢度講﹐試過3隻韓國制既argan oil中﹐我真心覺得welcos最好﹗大家有機會真係要試試﹗不愧為100%純堅果油﹗

就係因為對welcos既髮尾油有好好印象﹐我對呢套洗頭水都極之期待。味道方面﹐微微果香﹐香味唔算持久﹐實屬自然。洗髮水呈珍珠白色﹐泡量唔錯﹐大概兩泵多DD夠我海量髮量既人用。清潔度亦好好﹐洗走D泡泡頭髮係爽既﹗

護髮素就係白色乳狀﹐味道一致。唔LUP﹐每日用都OK﹗我個頭就要用大概兩至三泵。用後頭髮終於可以一梳梳到尾... 而最好就係因為少左打cake開叉而令到我間接地少左掉髮啦﹗我真係好怕年少禿頭呀﹗﹗>O<

未用前﹐比DD之前既相比大家睇下。我個頭半(﹖)年前電過﹐一直無理﹐而家已經唔知想點 =_= (其實我仲諗緊應該拉直定電攣好。) 但你睇到啦﹐真係唔知想點﹐完全梳唔到﹐完全唔聽話。我又好怕梳頭會掉髮﹐所以就住就住。唔係日日都有時間用到髮尾油﹐所以有時候明知樣衰都硬住頭皮出門口返工.... =_=

用左兩星期﹐每晚用﹗(我一日洗一次頭)﹐講真既﹐順左易梳左易打理左係真既﹗但始終電燙過(其實最主要係每個月都要染白髮同曾經漂過)﹐無可能洗完可以似負左離子架喇。但我都已經十分滿意呢個效果喇﹗燈光下﹐都見唔到D毛燥開叉﹗好開心﹗而加keep住用﹐有時間就梗係用埋welcos枝髮尾油啦﹗

welcos產品銷售點：

• http://www.luvme.com.hk (運費全免﹗﹗速遞上門，可以就在家或公司收件﹗)
• 網上屈臣氏 (暫時限特選客戶﹐門市未有住~)
• Welcos 客戶服務熱線：3997 3146

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 後知後覺既我最近先知道有個新平台叫tryit.hk (加入按這裡﹕http://www.tryit.hk/refer/popcorn55/) 主要係試下零食之類。點知好好彩比我申請左一個玫瑰蜜糖吐司配古方鐵觀音馬騮搣﹐又中左~ 而呢個試食並唔係一包兩包零食﹐係要去明茶房入面食。去之前我都有做少少功課﹐就係睇左TVB廠出新天地~真係有咁岩得咁橋﹐個集正正係介紹明茶房﹗

有少少概念﹐就係知道老闆娘Vivian係咩樣﹐同埋知道佢真係一個茶魔。講開又講﹐可以將自己既興趣變成自己職業已經唔容易﹐仲要將佢發揚光大﹐少D毅力都唔得。尤其是係香港呢個超級無敵商業社會﹐完全容納唔到任何創意工業﹐我係呢到束心向明茶房致敬﹗

試食報告我已經係tryit交左﹐有興趣可以去呢度睇睇 --> 呢度呀呢度。寫呢篇文﹐唔係為左出一D blogger公式功課文﹐而係想純粹抒發一下感受。去完明茶房後﹐自己確係有D得著。其中一樣野係﹐究竟點去衡量“價值”呢樣野呢﹖

你去每日用三四十蚊買杯星巴克過中產生活﹐但飲一杯靚茶(我意思係唔係茶包個種)﹐你又覺得值幾多﹖你願意付出幾多錢去買一杯靚茶﹖你明明知道茶比咖啡有益。你話你D咖啡豆有幾矜貴﹐其實茶葉一樣﹐唔同地方唔同氣候價錢一樣差好遠架。

諗到頭都爆﹐我都係唔係好明。我諗﹐中國文化唔知點解自己人就係唔識欣賞。係外國長大既我﹐學中文就係為左“返到香港都可以搵到食”﹐噢﹐原來係咁既。當星巴克同pacific開到總有一間係你左近個陣﹐去茶樓係為左食點心﹐飲茶漸漸等同於沖茶包﹐真係幾sad。

明茶房努力推廣中國飲茶文化﹐例如好似我試食呢個玫瑰蜜糖多士配鐵觀音﹐令茶更容易溶入生活﹐非老套玩兒。其實注重生活健康﹐都應該學下飲茶放低D高糖飲品。唔講唔知﹐明茶房都幾架勢﹐尤其是係外國圈中好有名 --> 關於明茶房 100% made in HK﹐係咪都要支持下先﹖

好幸運因為tryit.hk同TVB個節目比我見識到原來香港唔止得周SS周TF呢D本地品牌。最近見到社會茅盾愈黎愈激進﹐直頭已經去到針對既地步﹐我覺得... 或者香港人都應該飲一啖茶﹐冷靜下﹐究竟生活係...? Are you really living your life?

more info: http://www.mingcha.com/

FB: https://www.facebook.com/pages/MingCha/40541557749

address: 香港太古城船塢里8號華厦工業大厦12樓D室

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434