早在上年已聽過MC Mythsceuticals大名﹗法國 MythsCeuticals 品牌深信大自然力量，致力於天然成份的選用與功效追求之間取得平衡，MythsCeuticals 的研究人員以獨家科技，萃取最優質天然成份，針對顧客面部及身體不同的肌膚問題，向顧客提供安全可信賴的選擇。當時知道既係蘋果幹細胞系列。估唔到MC產品個range都覆蓋得幾廣。今次介紹下MC既產品﹐順便講下我用左個幾月蘋果幹細胞眼精華既感想~

MC既product包裝都幾簡約﹐大家路經萬寧和莎莎又想試MC既話﹐要比少少耐性同眼力去搵呀﹗

呢枝係MC幾保加利亞玫瑰保濕噴霧﹐我勁鐘意呢種噴嘴﹐D水份子好細﹐令到本來已經好吸收既玫瑰toner更吸收﹗味道香得黎天然﹐我最like呢一點﹗﹗好怕D香到假既保養品呀﹗﹗>O<

(PS﹕因為份子細﹐噴個陣會feel到舒緩卻唔會濕到滴﹐所以有時候我會當埋定妝水用添。)

玫瑰保濕面膜﹐個包裝全金色﹐好豪﹗打開﹐陣陣玫瑰香真係好正﹗面膜有底面兩層紙夾住。

紙質超簿﹗但竟然hold到超多精華﹗25g﹐大概mask hold到最少20g﹗﹗(有5g精華水係個袋度)。剪裁OK﹐意外地敷都鼻翼同埋嘴角﹗好正﹗

大概可以敷到20mins up﹐因為D精華真係好足料﹗撕走﹐在補曬袋入眠D精華上面。面立即又白又濕又漲卜卜﹗實在太正喇個效果﹗﹗

呢枝係傳說中既眼精華﹐係較早前玩遊戲中入手既。用左成個月﹐想借呢個機會順便share一下感想。30ml作為眼精華黎講真係有排用﹗我都用得幾豪~

透明gel狀﹐一泵夠曬兩隻眼有凸﹗(我會搽少少落苦紋﹗)因為係gel狀﹐用後係有立即緊緻提升既效果。有樣野我最鐘意呢支精華既係﹐雖然佢都幾杰身﹐但用左佢之後化妝絕無擦膠碎或卡粉﹗去紋方面未見好明顯﹐其實用完呢個精華後按壓到吸收﹐我會再加眼霜架﹗可想而知﹐呢枝精華真係吸收得唔錯亦夠light﹗岩曬D怕生油脂粒既人~~

除左以上護膚品外﹐令我幾意外既係MC原來仲有出一系列既精油。我其實係油系護膚品既fans。因為油用得好﹐對皮膚係非常之咁滋潤架﹗千祈唔好怕左D油﹗﹗lavender薰衣草有舒緩作用﹐尤其是對精神長期緊張既人好好。可以落一滴落面霜到﹐滋潤皮膚之余令身心放鬆。

吸多幾啖~ 唔錯唔錯﹗我收到既令外兩枝精油分別係玫瑰香氛按摩油&茴香Fennel。茴香呢個真係好特別﹐因為以前係加拿大個陣會用佢煮野食﹐D味有DD似芫茜。茴香油比起其他油杰﹐味道極濃﹐一定要dilute用唔可以直接用﹗面我就唔會prefer有陣芫茜味﹐所以我會同body lotion mix黎用。用後少少發熱既感覺﹗都幾舒服﹗原來茴香精油可以化胃氣﹐治感冒頭暈等等﹗唔錯WOR﹗好特別呀~

因為茴香精油﹐我上左MC個官網﹕http://mythsceuticals.cn/products.html 去了解更多精油既作用。法覺好多味都好吸引﹐好想試下係間房到放香氛呢﹗等我物色下香氛機先﹗﹗大家如果對精油有研究不妨都上去呢個網址望下﹐幾多資料幾有趣架﹗﹗

產品萬寧和莎莎有售~

Mythsceutical official﹕ http://mythsceuticals.cn/

Mythsceutical FB: https://www.facebook.com/MythsCeuticals

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

韓國睇黎真係好興gel狀既萬用啫喱﹗點解係萬用﹖因為無論係當sleeping mask敷﹐短時間舒緩mask敷﹐或當係保養品搽﹐都OK﹗之前打part time既日子﹐每日賣超過200盒(絕無誇張﹗) 玫瑰味則未試過﹗好期待﹗

牌子唔同左﹐今次呢盒係colourmix獨家既i-MIIX﹐但包裝等等都大同少異﹐都係六無(<-- 即無添加色素等等不良成份)。不同既除左有人人識既蘆薈外﹐仲有玫瑰同蜜糖味選擇。容量上亦大好多﹐有成500ml﹗真係唔好同我慳﹐有咁厚敷咁厚﹗

一打開膠蓋D玫瑰味真係要用個撲出黎形容。老實講﹐我覺得D味有D過濃﹐即使我個人係玫瑰fans。

我自己就會當係急救mask用。前陣子天氣反反覆覆﹐個鼻頭就乾到甩皮喇...

勁厚敷﹐大概等20分鐘左右啦﹐我會洗走架﹗

gel狀既jelly保濕做得唔錯﹐最驚喜既係真係做到即時既彈性提升﹗

除左好似我咁當係急救沖洗式mask敷外﹐其實都一樣可以訓覺前當護膚last step咁做sleeping mask用。有時候我幫男友針清﹐搞到佢口腫面腫個陣﹐我都會厚厚地幫佢敷呢個gel﹐等佢降紅舒緩。大前題係要唔介意陣超級勁十級濃玫瑰味。前日經過屋企樓下間colourmix見到賣緊$28一盒﹐真係不能要求更多既價位﹗買返一盒看門口﹐搽身搽手搽面﹐抵到爆炸﹗

more info: https://www.facebook.com/colourmix.cosmetics

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 我過左一個十分高清既情人節﹗因為我用左make up for ever MUFE既高清無瑕底妝系列﹗先介紹下我用左系列入面邊幾種產品先﹗

有HD foundation $440, HD pressed powder $350, HD blush $260 同埋佢地自家既濕粉掃﹗MUFE有幾pro相信都唔洗我多講﹐平時去演唱會大部份舞台化妝都係由佢地包辦。要面對而家科技咁先進既鏡頭下﹐除左要有化妝技巧外﹐用既化妝品都實在好重要。要係一張團體大合照入面突圍而出﹐就係靠呢個少少秘訣喇﹗

塑膠瓶樽身﹐顏色係一般膚色適用既N120。

具修飾毛孔﹐減淡皺紋瑕疵功效。因為佢粒子細﹐可以折射光線﹗質感輕盈﹐唔油唔LUP﹐仲有D silky感覺添呀﹗

用前要搖一搖先。我試過無搖﹐會見到D粉底好水架~

呢支掃全名係prevision foundation brush #100。毛質好舒服架﹗

份量唔洗好多﹐呢度有一泵﹐大概1.5泵左右啦﹐就夠晒我一塊大面喇﹗

由面中間向外掃﹐向上掃可以令皮膚望落去更緊緻D。個掃個尖尖位可以壓一壓鼻翼個D位﹐毛孔立即失曬蹤﹗

大概由一個黃面婆變到白白滑滑﹐都唔洗5分鐘。有乜理由仲可以容許自己素顏出街丫﹗(我覺得連黑眼圈都遮得好唔錯﹗)

跟住就到呢個我非常愛﹐最令我驚喜既高清pressed powder。其實同碎粉同一道理﹐不過方便帶出街姐。呢個好物﹐其實我之前已經用過﹐亦十分喜歡 ---> Go thru MAKE UP FOR EVER!

不過之前個個make up class係用碎粉。呢個都一樣﹐D粉係透明架﹗勁細緻﹐勁控油﹗唔可以唔講﹐始終都係化妝品﹐為左可以做到細滑啞緻效果﹐佢係有用到silica呢個成份既。只要落妝落得徹底﹐其實係可以接受﹐唔會長期block到毛孔既。除左silicone powder外﹐佢仲有透明質酸增加返D水感﹐皮膚唔會太乾﹐唔會有強烈粉樣。

用碎粉又好﹐定係呢隻pressed定妝粉﹐最好都係配合返一個碎粉掃。都係喇﹐由面中央向外掃﹐便可~

燈光唔係好好真係唔好意思﹗不過隱約都見到﹐係有一種霧化效果﹐尤其是係D毛孔比較粗大既位(即係個鼻啦...)﹐你見到﹐係極之咁光澤﹗

胭脂﹗一個高清妝點少得一個自然微紅既cheek先﹗呢隻係210色。整個系列有10隻色架~

一打開210發覺係呢隻非常粉紅﹐非常少女既粉紅﹐心中暗暗發毛﹐究竟﹐我handle得到嗎﹖﹗﹖﹗﹖﹗

除左隻色之外﹐呢隻臘質質地既胭脂亦係我第一次認真用上面。其實我自己真係prefer呢隻質地more than平時用開個D powder類。因為呢D用完唔會有粉樣﹐唔會出乾紋﹐而且感覺上應該更顯色﹐更容易暈開。佢同碎粉原理都差唔多﹐為左滑﹐都係一樣有silica﹐落妝個陣大家只要做得足﹐唔成問題既大家可以放心用。

最好﹐就當然係用胭脂掃或sponge印開啦。不過我懶﹐同埋想試左隻色係我塊面度會係咩效果先﹐所以用左手指暈開。其實都OK﹐因為佢個質地真係好容易控制。就算你唔係必先利其器﹐都一樣可以工欲善其事架﹗yeah~ 為左隆重其事﹐我決定問各方英雄借出超勁相機外拍(實情係我屋企D燈光真係好唔掂)﹐比大家睇下有幾高清﹗﹗

室外光。普通一千萬象素手機鏡頭。個日天陰陰﹐而我個人就不嬲黑媽媽﹐sor~

商場光。普通一千萬象素手機鏡頭 (tilt左background﹐人本身無effect無filter。)

室內光。samsung note 2﹐ tilt左background﹐人無effect無filter。

室內光。casio自拍神器exilim~唔好問我spec﹐我真係唔識。無用到美肌﹐光圈優先mode。用相機影係唔同D﹐個胭脂其實十分之顯色架﹗好自然﹐仲好少女添~

室內光。olympus Om-D E-M5﹐好啦﹐spec我都係咩都唔識。不過D色好靚﹐我個妝同background一樣﹐D顏色好出好鮮明。有左make up for ever HD系列﹐我愛上左出街玩外拍喇﹗﹗下個星期再出街影過 ^_^ 希望大家唔好嫌棄睇我呢D自戀post~

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 話說農曆新年個陣小妹去左拍爛檔幫個朋友手做part time﹐而part time既地方﹐如果大家曾幾何時對我生活有DD興趣而又有add me FB / IG﹐係喇﹐就係瘋魔萬千港人既韓國牌子nature republic喇。個幾日﹐除左做到人都癲之外﹐有幾個問題經常比客人問﹐分別係﹕

• exo D poster仲有無得換﹖
• 買野有無得儲分做會員﹖
• exo 枝唇膏有未﹖
• 點解貢貴貴過韓國貢多﹖
• 之前去韓國買個枝野我用曬喇﹐點解呢度無得買返﹖

無錯喇﹐我先發現﹐即使係一間專門店﹐仲要係暫時香港第一間專門店﹐D貨品始終唔夠韓國個邊齊﹐同埋因為租金等等問題﹐價格確係貴少許既。

其實而家網購真係好方便﹐分分鐘方便過我由新界西出旺角﹐仲要未計要同D高質旅客爭同逼。如果有D化妝品or護膚品你之前已經用過﹐想配返﹐真係不妨選擇網購﹐反正你唔需要試上手呢個step啦。今次我要介紹既網站係呢個﹕http://www.fullmask.com.hk/

打工期間﹐都幾多人詢問呢個collagen line。門巿偏偏就係無呢隻濃縮精華。

fullmask送貨都幾快﹐大概1個工作天就送左黎。價錢比門巿平大概$10~$20左右啦。你可能覺得﹐甘點解我唔去門巿買呢﹖我諗你可能真係好耐無行過西洋菜街喇。況且如果個價錢平到驚﹐你又係咪堅信佢係正貨先﹖﹗

其實今次打工最大既得著﹐除左錢之外﹐就係同D客吹水。原來韓國skincare男女老少都幾鐘意用。有個客真係講過呢隻濃縮精華﹐佢話呢隻好過大大枝個隻精華。呢盒 9ml x 4樽仔既濃縮版﹐fullmask價$150﹐價錢very ok。nature republic D野老實講不嬲都唔算貴既。(悄悄話﹕某程度上﹐nature republic skincare方面係好用過etude house﹐唔係賣花讚花香...)

我有諗過﹐nature republic香港專門店唔入呢隻精華既原因﹐可能係香港/國內同胞會覺得呢個份量少﹐唔抵用。係農曆年假打工既日子﹐我大大話話教左無200都有100個客﹐千祈唔好睇份量﹗我發現好多人對護膚仲係停留係搽cream。你知嘛﹐要皮膚好﹐真係要由toner --> 精華 --> cream﹐最少呢3個steps。唔去左D角質﹐唔導入精華到皮膚底層﹐你搽D cream上面幹什麼﹖

質地並唔係相像中“濃縮”﹐相反﹐吸收得幾快同埋無勁LUP勁令立立。nature republic既skincare都幾適合香港用﹐普遍都係著重爽同吸收。係WOR﹐講開又講﹐唔少客都有問過點解無蛇毒條line賣。我都唔知﹐唔通個老細以為香港/國內同胞好驚蛇﹖咪玩啦﹗如果你想買蛇毒條line﹐fullmask都有﹐大家可以去望望﹕http://www.fullmask.com.hk/product.htm?id=22

純分享完。雖然只係工作左一段好短既日子﹐但可以同客人分享心得真係好開心。網購係好方便﹐但有時候又覺得人同人之間既interaction都一樣重要既。好感激曾經黎過鋪頭入黎探我既朋友仔﹗﹗呀﹐其實fullmask都有門巿係葵涌廣場2樓~

fullmask: http://www.fullmask.com.hk/index.htm

FB: https://www.facebook.com/fullmask

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 相信大家都知道﹐或者你可能唔知道﹐我踏上寫blog之路既完因係一年幾前我爆瘡爆到爛曬面。用盡所有方法﹐而家既我已經打倒昨天的我了﹐嘩哈哈﹗間唔耐都仲會爆下﹐但主要係爆暗粒﹐然後手多多搞搞下就留低好多印... 其實由爆到體無完膚到而家皮膚唔差﹐我真係非常勤力。過去都分享過唔少product同埋一D我護膚既tips。今日要分享一下而家靚左之後既保養療程。

登凳﹐就係大名鼎鼎既瑪姬maggie beauty喇。瑪姬真係好出名﹐想當年我都有心郁過join佢地個滅瘡療程﹗勁多明星等等捧場﹐個壁佈版星光熠熠﹗

今日我去既係尖嘴店﹐交通極為方便。地方就舊左少少﹐但有樣野我好鐘意既﹐就係...

牆上呢個鐘呀﹗我唔知大家做facial個陣係咪係一個極為relax mode下做呢﹖但我唔係囉﹐因為我經常性趕返工做呢樣個樣﹐有呢個鐘係我頭頂等我都大概知自己仲有幾多時間剩﹗房間整齊同齊料﹐其實都OK既。一入到房﹐美容師會先幫我洗個面﹐再望清楚D皮膚狀況。點解我塊面成日都油光滿面架﹖﹗

其實點解會爆瘡﹐好多時候都係因為D污糟野﹐又或這自己面油block左我地D毛孔﹐以至發炎紅腫。而瑪姬就發現仲有另一個成因﹐就係其實係我地D毛巾枕頭上有機會有D蹣虫﹐呢D虫靠食我地皮膚上面D蛋白質大﹐所以有機會係我地塊面上面築愛巢架...嘩... 真係好核突囉唔該 >O< (想睇下佢地個樣嗎﹖ ---> 慎入)

不如講下maggie beauty點解對自己呢個滅瘡療程甘自豪先啦 --> 透過獨家無添加草本精華，可以達到切底殺死蹣蟲，然後疏通毛孔，令粉刺自然排出，並達至深層消炎化瘀，對囊腫性嚴重暗瘡特別見效。

先用maggie beauty獨家藥水抹面﹐主要係疏通毛孔。味道真係幾臭下﹐不過用過臭水既朋友仔應該知道個種感覺﹐咩叫苦口良藥﹗然後立即敷返個水份倒模mask約15mins~

sorry﹐燈光係正我塊面上方而相機又正正擋住... 不過我相信都睇到皮膚有返光澤﹐同埋好白滑~

未完架﹐仲會搽另外兩隻藥水﹐主要係殺死D虫同埋將D重金屬帶走﹐等皮膚真真正正清潔﹐唔洗不停loop住爆瘡。

最後搽返D防曬﹐完成﹗果程大概60mins﹐留意﹐係唔包修眉同按摩既。有針清﹐但我情況良好所以唔洗清~(嘩哈哈聽到呢句好老懷安慰﹗)

燈光都仲係差左DD。不過油光滿面個情況明顯改善﹗

出去梳返好個頭﹐諗住化返少少妝先返工﹐照鏡個下發現D皮膚又白又滑又零油光﹗素顏靚過化妝﹗於是一於素顏走出門口﹗

你可能話﹐做完facial都唔靚就死得啦﹗但最神奇係﹐做完只係一次呢個皇牌滅瘡facial﹐我竟然成日零泛油﹗皮膚質素keep到成日。對於乾性皮膚既你可能唔會明白﹐我可以係冬天都持續一頭煙既油性皮膚﹐一日內無泛油對我黎講係幾犀利﹗

心郁想試做既朋友仔可以去下面到登記做一次睇下點﹕

http://www.maggiebeauty.com/discount_index_cn.php?cat_id=290

maggie beauty official: http://www.maggiebeauty.com/

maggie beauty FB: https://www.facebook.com/maggiebeauty

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434