繼續介紹一下我最近減肥既八寶﹐亦是我最期待既一寶 --> Slendertone智能修臀褲。

較早前參加左slendertone既活動﹐認識到呢個品牌﹐實在太~高興喇﹗比起一般坊間既減肥產品/食品等等等等﹐slendertone係一個有醫學根據﹐study support﹐臨床實驗﹐更係愛爾蘭醫療儀器製造商Bio Medical Research旗下的品牌。實在值得期待﹗

有瘦面產品﹕智能提升修面器

減byebye肉產品﹕智能修臂器。

造福萬民既﹕智能修腹腰帶。(PS 呢個親身試過﹐好舒服﹐我覺得就算唔當佢係減肥產品﹐當係按摩下都幾盞鬼~)

同埋登登登凳﹕智能修臀褲﹗﹗曬花~ 亦係今次我要重點試﹐重點介紹既產品喇﹗4星期keep住用﹐我希望我個pat pat無幅圖咁firm都可以去到一半啦 >O< (合掌﹗) 下面個幅圖﹐就係話你知slendertone既原理喇。 透過電子肌肉鍛鍊 EMS(Electronic Muscle Stimulation) 科技，刺激肌肉神經密集之處，令肌肉自動收緊及放鬆，就如做運動時的肌肉反應，從而使肌肉結實。

買電器個陣大家不妨留意一下CE個嘜頭呢個安全認證﹐同埋個雷射貼紙保證正貨。

打開個盒會見到一個controller同埋條褲個本體。好緊張呀~ 呢個controller其實仲可以控制瘦byebye肉既智能修臂器﹐所以如果入手既個儀器個陣﹐可以省掉買controller個cost架。

用之前﹐個controller要叉電。個插頭有兩腳有三腳﹐莫非...真係去旅行都要帶住佢唔比籍口自己偷懶﹖XD

就係咁插住﹐駁好喇﹗唔睇說明書都唔難搞~

叉電中... 好心急用呀~ 我叉住訓覺﹐所以唔知大概要叉幾耐先滿電~

好﹐呢個時候睇睇條褲先。正面好正常﹐背面就見到﹐收埋左幾粒metal stud﹐用來通電用﹗

跟機會有一包jelly pad﹐因為皮膚係唔可以直接接觸個幾粒stud架。呢D jelly pad可以用到爛為止﹐可以散買配返。

條褲背面﹐而家要將D jelly pad貼好先﹗

撕走背面個D膠紙便可固定。面頭個幾張膠紙我建議keep住。用完條褲可以貼返上去防下塵之類都好丫。

褲頭收埋左個插頭﹐用黎駁住controller架﹗

連接好﹐就可以開始療程喇﹗﹗共有四種唔同時段既program﹐最長可以做30mins。而intensity方面﹐可以up to 99架﹗﹗點為之intensity呢﹖就係愈高度數電流愈高。剛剛開始個陣﹐可以慢慢適應左幾分鐘先慢慢升上去。要起碼升到25以上先有效架﹗哪﹐呢度我想提醒一下大家﹐因為始終牽涉到電流﹐EMS﹐呢個技術已經廣泛係一D肌肉治療上使用﹐亦同過FDA認可﹐但如果你(1)心臟有問題，包括安裝了心臟起搏器 (2) 需接受胰島素注射既糖尿病人 (3) 癌症，尤其是在皮膚有病變既病人 (4) 懷孕中﹐都應該consult左醫生先好用呀﹗﹗

其實我已經使用左兩個星期﹐而且我已經習慣到65呢個intensity喇~~哈哈哈~好期待再2星期後﹐即用後一個月後既後果﹗﹗到時再同大家分享成果﹗祝福我減肥成功﹐有個firm既pat pat啦~

more info:

slendertone official: http://slendertone.com.hk/tc/index.php

slendertone FB: https://www.facebook.com/SlendertoneHongKong

fitboxx.com: http://www.fitboxx.com/show.asp?htm=fit088.htm

===========================

情人節送禮進行中﹗詳情 –> https://www.facebook.com/photo.php?fbid=744582512226164&set=a.560518697299214.127510.560506497300434&type=1&theater

===========================

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]

http://www.facebook.com/pages/Popcorn-express/560506497300434

 除左對腳之外﹐我既減肥計劃仲有瘦面。有塊瓜子面﹐影相真係上鏡好多。其實包包面分好多腫﹐其中一種﹐係嘴嚼肌發達﹐要搞掂呢種包包面﹐除左選擇醫學美容之外﹐我真係諗唔到仲有咩方法喇。

今次我有機會體驗瑪沙醫學美容既V形瘦面皇牌療程﹐價值$2800﹐共60 unit 既韓國Siax®施麗適®A型肉毒桿菌素。其實除左用黎重塑V形臉部輪廓外﹐亦可用黎改善動態紋(額頭紋、眉心紋、魚尾紋)﹐修飾腿部或手臂線條。其實我好有興趣搞搞我D抬頭紋架﹗

今次去既係旺角分店﹐地方唔算大但五臟俱全。進行注射療程醫生只會係星期二四晚上當值﹐所以記緊BOOK時間同埋準時﹗好似我甘﹐好準時到﹐但都要排曬隊等左成半個鐘以上。因為真係非常多人﹐有DD輪街症既感覺﹐哈哈~

場外半個鐘﹐但見醫生就唔洗十分鐘。醫生快而準﹐一針就到嘴嚼肌。60UNIT即每邊面各30UNIT平均分。至於有D人大細面﹐我就唔知醫生會唔會因應客人而有所調較。因為一入到房﹐醫生同客人真係零溝通架。有咩問題﹐要一開始同出面D consultant姐姐好好傾清楚呀﹗針完﹐可見到少少針孔。因為Siax®並非Restylane個D﹐針入面係無麻醉藥既﹐少少痛在所難免。

拿拿聲入左廁所自拍一兩張留為記念。成個過程唔計consult同排隊等﹐快到無朋友﹐連照照鏡望下自己既機會都無。

返到屋企沖埋個涼﹐針孔已經消失左。打完我無感覺痺或痛或任何不適。老實講﹐真係完全無感覺﹗consultant話趙野食個陣可能會有少少痺﹐但我真係一D都無。我有諗過可能其實我個嘴嚼肌根本唔算太發達﹖哈哈﹐唔知呢~

比大家睇睇一D舊相先﹐呢堆相係一個month前既我。老實講我不嬲都面尖尖﹐不過略嫌個腮骨位唔夠明顯﹐影相個陣都難免會包包面。

呢D係療程後一個星期&兩個星期既我。確實﹐影相面係超級V﹗其實照鏡甚至日常生活並唔明顯﹐完全十分自然﹐但一影相立即睇到有分別﹐真係好神奇﹗﹗

瑪沙醫學美容既V形瘦面皇牌療程用到既Siax®A型肉毒桿菌素係韓國已有一定顧客﹐安全度我無懷疑過。如果你想要一個快靚正既result﹐瑪沙係一個唔錯既選擇。售後服務﹐例如消炎藥/如何打理護理等等完全欠奉﹐總之如果你expect任何service你就輸了。但價錢確係適中。我覺得都OK可以考慮回頭光顧既。

Marsha FB: https://www.facebook.com/marsha.hk

Marsha official: http://www.marsha.com.hk/marsha.php

旺角 (總店) - 2836 6211
彌敦道 701 號番發商業大廈 12/F 全層 (旺角港鐵站 A1 出口)

===========================

情人節送禮進行中﹗詳情 –> https://www.facebook.com/photo.php?fbid=744582512226164&set=a.560518697299214.127510.560506497300434&type=1&theater

===========================

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]

http://www.facebook.com/pages/Popcorn-express/560506497300434

 係FB提到最近十管齊下減肥﹐宜家先講講我既第一管 --> 2B alternative skirt ready瘦大腿霜﹗我有理由相信全香港90%女性見過呢個product﹐因為2B既廣告深入每個地方﹐由九巴到雜誌都見到佢。代言人係胡定欣+楊怡﹐兩位都係我幾喜歡既藝人﹐哈哈﹐佢地D戲真係幾好架~ (<-- 離題﹗)

呢枝只針對hip對下到腳﹐並唔係一枝可以用晒全身。理由係﹐腰部脂肪&甲組腳既肥法並唔同﹐有D係純粹脂肪﹐有D係水腫，所以唔可以只用一 支全效產品就能解決架﹗

用量﹕約一個一蚊銀份量

用法 ﹕每晚洗澡後,﹐由下向上塗均

一個療程3盒﹐持續使用腿上的水腫會漸漸改善,﹐而且每天再收緊皮膚和肌肉組織,﹐重點改善你下半身線條。

除左主要功用去水腫同收緊肌肉外﹐2B skirt ready仲可以控毛﹗﹗實在係一雙美腿必須既一個point﹗吸收都幾快﹐唔算LUP﹐亦唔覺得有發熱。氣味就一般。尤其實最近回南天﹐硬係覺得有種UP味 =3=

一星期使用後﹕左邊係before右邊係after。有排都未完成一個療程﹗講講自己感覺吧﹐話說年初一到四去左做一份由早上11企到晚上11既part time﹐要行黎行去﹐仲要擒高擒低。本身自己份正職係坐成日個種﹐所以頭一日放工後﹐簡直覺得對腳完全唔屬於自己﹗﹗放工搭巴士﹐一坐低對腳無力起身落車囉﹐勁誇張﹐真係唔認老都唔得﹗>_< 於是放工就用左2B skirt ready按摩對腳﹐我開頭expect佢會發熱﹐都有少少但唔勁。意外地﹐確係有舒緩到。D肌肉酸痛既感覺散得快左﹐初三已經健步如飛﹐而且可能習慣左part time份工既步伐﹐唔再覺得支力喇﹗你問我對腳有無因為呢枝gel瘦﹐我暫時真係答你唔到。不過我覺得配合按摩手勢﹐去水腫通淋巴應該會做得到﹗

各位姐妹﹐減肥係終生戰鬥﹐又如戀愛﹐大家加油﹗希望夏天前可以回復戰鬥格身形﹗遲D再介紹下我其他齊下既幾管﹗

FB: https://www.facebook.com/2balternative

official: http://www.2blife.com/

weibo: http://weibo.com/2blife

===========================

情人節送禮進行中﹗詳情 --> https://www.facebook.com/photo.php?fbid=744582512226164&set=a.560518697299214.127510.560506497300434&type=1&theater

===========================

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 一直係Gulsha古爾莎玫瑰水用家﹐回顧一下前文先啦 --> 按我﹗

剛好用完之前個枝﹐就收到噴霧包裝既玫瑰水﹗內涵不變﹐不過呢個噴嘴仔就方便左N倍﹗

尤其是朝頭早趕時間出門口﹐急速保濕化妝非用噴霧式既toner不可﹗噴嘴令到水份子更細﹐更快吸收﹗正 X100000﹗

拍兩拍﹐得左﹗因為內涵無變﹐我唔多講喇﹐快D回顧下前文睇下呢枝玫瑰水有幾正先啦﹗﹗

我想重點介紹一下Gulsha新成員 --> 晨露玫瑰護膚油﹗($568/30ml) 我知道﹐好多人﹐尤其是身在香港既你﹐好怕用油。但用得得宜﹐其實油係非常之好用亦好有功效架﹗﹗

油既提煉過程比水更矜貴﹐共用了4000公斤大馬士革玫瑰先得一公升精華油咋﹗所以有“液體黃金”呢個美譽。不含礦物油﹐100%天然﹐零paraban﹐混和有機jojoba oil﹐實在係天氣極乾燥和轉季好物。例如好似呢幾個星期﹐忽冷忽熱﹐皮膚好易敏感。我地皮膚本身有油脂﹐其實用油黎護膚係更吸收更舒服架﹗

樽口設計同之前玫瑰水差唔多﹐都係每次一滴滴﹐唔會浪費﹐容易控制份量。

我都好明白﹐大部份人都好驚油﹐驚爆瘡﹐驚塊面泛油光﹐痴LUP LUP等等。但其實油有萬千個好處﹐其中一個係油同皮膚本身油脂可以溶埋一齊﹐繼而更吸收﹐仲可以形成保護層。如上圖﹐邊忽泛油﹖隻手用後都不知幾滑添呀﹗﹗

轉季其實唔洗換過曬D護膚品﹐只要配合得好﹐慢慢加加減減﹐效果好之余﹐仲會少D機會皮膚敏感。我用返平時既cream狀面霜﹐加3滴Gulsha玫瑰油。

順便想同大家share一下我平時用油按摩面仔既方法。可以瘦面排水﹗先用cream+oil塗均全面﹐而Gulsha face oil有天然玫瑰味﹐我會按實面部好好聞一下﹐心情放鬆﹐好舒服~

用手指骨由下而上推到耳仔﹐再用較剪手﹐係下巴位向上拉提。呢個動作可以V面排水。

按按眼底去水腫眼袋﹐因為Gulsha face oil一D都唔LUP﹐我自己就無出油脂粒。但如果你怕﹐可以避開眼部位置~ 然後再用手指骨﹐係額頭中間開始向外推﹐可以淡抬頭紋﹗

用手指骨由頸兩旁向下顎推﹐再向下推至鎖骨位。排毒﹗多D做呢個動作﹐腮位線條都會靚D架﹗

油本身無顏色﹐陣陣玫瑰味﹗有時候我仲會用黎刷少少落髮尾先吹頭﹐香得黎仲可以預防開叉~ ^O^

希望呢個示範令大家對油改觀﹗而家到3月尾﹐到SASA買Gulsha古爾莎晨露玫瑰護膚油﹐送玫瑰水噴霧一枝﹗情人節唔好再送花貢老套﹐送Gulsha玫瑰系列啦﹗

Gulsha official: http://www.gulsha.com.hk/

Gulsha FB: https://www.facebook.com/GulshaHongKong

SASA: https://www.facebook.com/sasahongkong

網路銷售點GlamFace International http://www.glamfacehk.com/

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 同大家拜個年先﹗馬年祝個個繼續靚﹗青春常駐﹗新年忙都核爆﹐完全無休息過就要準備情人節喇。勁好彩遇到Kanebo COFFRET D'OR 2014春夏彩妝系列﹐連唔係好識化妝既麻甩中女(我指我自己)都可以黎個大變身。以下落黎既分享﹐唔敢話係咩神乎奇技﹐只可以講﹐kanebo呢個系列既化妝品﹐實在好易用﹐如果呢度有朋友都係化妝新手﹐不妨睇埋落去切磋下~

今次用到既﹐係2014年限定色既胭脂smile up cheek﹐眼影3D gradation eyes﹐唇膏rouge essense。包裝靚到震﹐我覺得外貌上有D成熟﹐但顏色其實少女都用得﹗

胭脂係11號pure pink色﹐呢隻色好少女呀﹗

付掃仔一個﹐毛質舒服。外面圈圈淺色﹐內圈深色﹐可以輕易打造漸變面朱仔。帶點點閃粉﹐但唔明顯﹐光澤得黎唔似登台﹐唔洗驚太誇張。

外圈打圈掃然後打圈掃面朱﹐再內圈掃﹐打圈掃係面朱中間。就係貢簡單~

個掃仔抓粉力不俗架~ 想甜美D﹐微笑住咁打圈便可。呢個位叫微笑肌~

其實胭脂真係可以令成個人精神甜美D﹐你睇下我有用同無用個分別就知道啦。面色好左﹐微笑立即加分﹗

眼影方面﹐係7號orange brown色。個盒靚到唔捨得打開﹗

step by step教曬你點用。日本係一個精於以圖代字既國家丫﹗

呢幾隻色﹐實在無可能出錯架喇。基本中既基本。新手都可以輕易handle唔會screw up。

我一於跟住幅圖化個最基本既眼妝啦﹗個盒入面D工具都齊曬﹐就算家中無化妝掃套裝都得架喇﹗

柔和大地色﹐好易配搭。

輕輕加返條眼線﹐睫毛液﹐眼仔立即大左精靈左~

唇膏係RD-205﹐係我較少用既深紅色﹐亦是我一直好想挑戰既顏色。

包裝上唇膏比較成熟﹐可能少女都係鐘以唇彩多D﹖不過呢隻唇膏其實都唔難handle。

以上係無潤唇下塗上一層。如果大家有睇開我FB近況﹐應該知道我個嘴敏感爛曬甩皮。所以呢隻唇膏﹐真係好潤﹐遮到唔少唇紋﹗好過我用緊個隻潤唇膏添呀﹗O_O 整個妝容都好簡單好自然﹐其實我好懶﹐我好少化妝~ 但如果幾個step就可以精神D﹐我又唔介意多D化妝﹗

以上係一個甜美同cool爆示範。同樣係用kanebo COFFRET D'OR 2014春夏彩妝。可愛白痴樣﹐用眼影最閃最淺色個隻﹐係眼廉中眼位加強﹐令隻眼望落去圓D。胭脂就當然係要多D粉紅色啦。成熟版﹐加多DD深啡色落眼尾同眼底﹐唇膏再實色地塗一層﹐胭脂只用左外圈淺色﹐淡淡的。

希望大家唔好嫌棄我呢個簡單而自戀既示範啦﹗最近係打part time既地方認識左好多剛剛學化妝既小妹妹﹐希望呢個分享可以比新手做個參考﹗學海無涯﹐最緊要係 ----> 化妝係要boost up自信﹗信自己都做得到﹐先至會靚﹗明白嗎﹗ ^O^/

more info: https://www.facebook.com/KaneboHK

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434