拉麵風繼續吹﹐很久之前佐敦Ramen Champion中試過的博多一幸舍﹐已經自立門戶衝出food court﹐去到登龍街地鋪啦~ 登龍街愈來愈多日系美食了。(有興趣可以回顧一下之前的食評 --> 這裡)

不過大家不用去佐敦那邊了﹐因為博多一幸舍已經遷出啦。換句話說﹐要吃的話一定要來銅鑼灣這邊排長龍啦﹐無計~

裝修以木系為主﹐空間和其他拉麵店差不多﹐數張面牆的檯﹐數張四人檯。所以排長龍已是意料中事。

空間雖不多﹐但每兩坐位之間都會設有一系列讓你吃得更愉快的調味架。牆上有一張教你吃什麼要加什麼醬/配料的海報。讓不了解博多拉麵的朋友仔不會出洋相。哈哈~~ 架上的配料於辣菜全部是自家泡制﹐幾好味~ 都幾辣﹐嗜辣的朋友應該會覺得好味到可以送白飯吃~ XP

點菜紙如上﹐和其他拉麵店大同少異。小食種類幾豐富﹐是拉麵店中較少見的。服務員會介紹餐紙﹐亦會推介食法﹐例如初次吃的話﹐會建議客人點淡一點口味。因為日本人一向重口味﹐怕香港吃不慣~ 而長頭髮女士服務員會給她橡筋圈﹐嘩哈哈~是我喜歡的電話線橡筋圈~ (女人應該知點解電話線好吧﹖超細心囉~~~)

最後我點了 (1) 博多濃厚豬骨拉麵 ($68) + 叉燒3片 ($30) + 溫泉蛋 ($12) 湯底要了淡﹐正常油量﹐硬麵。下單後大概10分鐘左右便有得吃了~ 原來拉麵本身已付兩片叉燒﹐所以現在共5塊 O_O 還加了個蛋﹗一個女仔怎吃得下﹗

除了叉燒和蔥﹐碗內還有少量木耳絲。筍﹐紫菜﹐芽菜等常見的拉麵配料都需要額外加錢才有的﹐大家要注意了啊。先來一口湯﹐豬骨味超香﹐我覺得這個咸度和油份都差不多了﹐可能我自己的口味仍然未到日本人的level。

這個時候要介紹一下這個玩兒。為什麼服務員叮囑大家點淡湯﹐因為這個拉麵醬油可以加味﹐自己慢慢調到自己的喜好。按一下﹐油就會吸到上一層去﹐有marking看看自己要加多少吧﹗這個小裝置我第一次見﹐再其他拉麵店中從沒見過呢﹗

叉燒簿切﹐偏瘦﹐我自己就很喜歡啦~始終感覺較為健康丫﹗麵條要了硬麵﹐有嚼勁﹐掛湯力不俗。吃畢麵條﹐湯都吸到剩1/3了。 ;-) 溫泉蛋煮得剛好﹐不過吃拉麵還是叫糖心蛋較為“對胃”﹐溫泉蛋還是配飯比較好~

小食方面﹐首推博多一口餃子 ($30/5pcs)。size剛好一啖一隻﹐皮超簿﹐煎得剛剛好﹐超脆口﹐一個人絕對可以KO兩碟~

搏多炸雞塊﹐ $30/3 pcs。相信如果兩者同價﹐男士會喜歡啖啖肉多一點吧﹖這個炸雞很不錯﹐外脆內軟﹐不是炸得死實的那種﹐內面還有雞肉汁~ 真係雞有雞味。可以點碟上的味粉吃﹐不過女仔我覺得不點已經好好味~~ 講開又講﹐連續兩碟炸物﹐兩碟都一滴油都無﹐碟上零油光﹗超想知道師傅如何做得到﹗﹗>O<

博多炒飯 ($35)﹐用上豬骨湯去炒﹐少許蛋絲﹐蔥花和叉燒絲﹐飯有豬骨湯的咸味﹐好特別﹐很少吃到有豬骨湯味的飯﹗size大概是一個萬壽無疆碗左右﹐其實都OK飽肚。博多薯仔沙律($25)﹐薯仔蓉+BB沙律醬+黑椒+明太子+蔥花﹐這個配搭確是幾新鮮。吃的時候和以把材料混在一起吃啊﹗

銅鑼灣博多一幸舍比ramen champion時期大為不同。豬骨味濃郁得來可以自己調較咸味油份﹐滿足不同人需要﹐這一點我很喜歡。吃罷﹐看見涼了的湯結了一層膠﹐可想言之骨膠原有幾豐富有幾足料﹗女生想靚唔想肥﹐可以考慮博多一幸舍的拉麵﹗自己吃過好幾加以豬骨湯主打的拉麵店﹐雖然家家都可以customize碗麵﹐但大多較為咸和肥膩。無論你重口味定要健康﹐博多一幸舍都可以滿足你個胃。

地址﹕銅鑼灣登龍街39號地下

more info﹕http://www.openrice.com/restaurant/sr2.htm?shopid=158567&region=0&s=3

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 凍冰冰最好打邊邊﹐剛剛就同兄弟幫去左黃大仙涮得棧10下10下~ 地點係豪苑商場﹐OK近地鐵站。

同兄弟幫食野多數去D任食放題﹐因為男仔性格都係鐘意咩都食﹐邊似得我地D女仔貴精不貴多丫﹗涮得棧並非任食﹐等佢地感受下咩叫享受啦...

點解甘講呢﹖因為呢度並非唔似打邊爐D酒樓甘麻甩﹐呢度係有卡座﹐有房﹐非常獨立加私隱﹗仲每檯都有自己電視﹐可以睇自己鐘意既節目﹗分分鐘正過唱K﹗今日好好彩我地5個人有房坐﹐好開心呀﹐因為我地真係超嘈怕嚇親隔離~ ^^;;;

電視機下面仲有個電腦可以係到touch screen點菜﹐點完仲有個list比你睇點左乜同埋幾多錢﹗呢個system真係好鬼正﹗唔洗怕漏單同埋計錯數﹗

醬料要$15/人頭﹐一坐低就收左錢架喇。D醬料幾新鮮衛生﹐唔次出面個D得返一兩粒﹗唔錯唔錯﹐呢$15我覺得比得值既﹗

一邊辣一邊唔辣~ 超級嘆 ;) get ready 喇好緊張呀湯底唔該快D滾啦~~~

選擇極多﹐仲有熟食/刺身等等。湯底都有11種﹐豐儉由人。有朋友唔好辣﹐我有鐘以蕃茄﹐於是我地要左蕃茄薯仔豬骨鍋$58

叫左﹕鮮魷魚 ($42)﹐茼蒿 (皇帝菜) $32﹐炸枝竹$28

金菇雜菌拼盤$38﹐鮮黑牛柏葉$58 (<-- 黑牛柏葉真係比較少見)

鮮豬潤$35﹐鮮蝦+墨魚手打滑$78。呢個手打滑有DD美中不足﹐份量唔多﹐且有點散﹐下次可能都係食返餃好D。

叫左個好得意叫老友鬼鬼既野﹐原來係油炸鬼夾左D蝦滑﹐幾得意都幾好味~ 最主要係名改得好﹐哈哈﹐$58。

皇牌推介脆鯇魚片$48﹐我檯食神話好味到不得了﹐要encore叫多碟﹗而我就鐘意呢個包心蟹子丸$32﹐你可能覺得搞咩呀鐘意埋曬D甘普通既野...

比大家睇睇個樣先。D蟹子多到爆﹗實在非一般坊間貨色囉唔該﹗正豆﹗﹗

打邊爐唔少得既肥牛(中$88﹐大$128)﹐一睇個樣都知道同出面街任食既分別啦﹐唔洗我多講。肉類好受兄弟幫歡迎﹐轉眼間就清左碟。

最後當然係要食返D烏冬啦﹗稻庭烏冬$28/3。開頭唔知道一碟有3個甘多﹐叫左兩碟﹐黎到個陣飽到呢... XD 不過都清曬碟~ D烏東確係幾彈牙﹐稻庭口感﹐好好味好滿足﹗

而最開心係同一班好朋友睇電視既睇電視﹐打機既打機﹐一邊食一邊嘆刪埋房門無人打擾。服務員會定期入黎收下碟﹐加茶加湯﹐服務好好。經過呢次﹐相信D男人對打邊爐食物既要求會提高左﹐唔再乜都放落口﹐將味道﹐服務﹐環境置諸腦後。見到大家食得甘開心我都好開心﹐雖然我本人並非食肉獸(<-- 即係﹐肥牛呀豬潤呀牛柏葉呀個D其實我全部無食過。)但可以同好朋友過既時光係我一生中最珍惜最重要﹗一定會再黎東九龍涮得棧﹗

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 而家同大家拜年會唔會早左少少﹖不過如果你想靚靚過年﹐而家開始做功課就差唔多喇。開架品牌mask house我都用過好多野﹐真係唔錯﹗不如回顧下先啦﹗

• 蜂毒眼部修護精華
• 分子+幹世胞面膜

mask house係made in korea既開架品牌﹐一講korea除左GD同running man之外﹐愛美的你應該會諗起蝸牛﹐蜂毒同蛇毒。無錯喇﹐今次終於到試類蛇毒喇。蛇毒主打既function係去紋﹐能夠模擬蛇毒入侵人體皮膚神經，令肌膚馬上產生緊縮現象，使鬆弛肌膚變得緊緻有彈力。此外，類蛇毒血清蛋白，是一種用於美容的複合物，有助阻截幼紋、頸紋及眼紋三大皺紋問題，加上透明質酸、維他命E醋酸酯等保濕修護成分，令細胞得到充足滋潤，剔除歲月催生的老化痕跡，完美滋潤肌膚，全力肌底回彈。

一如以往﹐mask house都係極講求包裝。每枝5ml﹐共15ml一盒﹐$198。開架黎講﹐都叫係上級價錢架喇﹗

每次用上一支試管﹐呢度大概有0.5ml左右啦。記得早晚都用呀﹗

我自己就因為老﹐所以會用一支試管份量係塊面﹐另一支用係條頸度。香味近乎零﹐係少有無咩味既韓國產品。印上面﹐吸收得極之快﹗

呢個精華令我都幾驚喜﹐覺得賣到$198/15ml果然係有D料到。用後﹐勁保濕﹐拍得住醫美品牌效果。而且用後塊面好滑﹗但又未至於滑到假個D silicon effect。幾好幾好﹗我而家已經KEEP住用左兩星期喇﹗﹗

用精華打左底之後我通常會敷返個mask將D精華逼入去皮膚底層。今次要敷同系列既類蛇毒美白黑面膜喇﹗﹗Mask house首款黑色水凝面膜，加入類蛇毒精華，為二勝肽美肌合成物。透過生物科技模擬蛇毒液入侵人體肌膚，細胞於短時間內自我增生，藉此改善皺紋及動態紋。配合M ask H ouse® 首創黑面膜 TCD ™ 水凝技術( Transdermal Cosmetic Delivery)，促進精華滲透至肌底，有助淡化黑色素及暗啞死皮，令肌膚煥白光澤。

一盒三片﹐每片有28g精華﹐$99。都係一個上級開架價錢。不過而家萬寧做緊promo﹐好似會員咭100分+$66就可以換購﹐有興趣既朋友唔好錯過喇﹗

一打開個袋﹐見到好多層野...

睇真D﹐真係好多層。mask分上下兩截﹐每截都有一塊珍珠膜同透明膠膜。如圖﹐可見精華零滴漏。就係個個TCD技術喇﹐精華完整凝鎖於網面兩面，不易流失﹐面部熱力產生體温感應作用，促使肌膚瞬間吸收水凝精華，並鎖緊水分。敷用15分鐘後，精華透過體溫力作用下，快速被融化並吸收，只剩網層。

敷左下面個截﹐嘩~~成個日本個D Ojisan甘呀XDDD 哈哈好搞笑﹗個面膜兩面個質地有少少唔同。一面滑D一面有少少網紋。我兩邊都試過敷向面﹐分別不大﹐大家可以不理。

呢D質地貼面就梗架喇。但個鼻位有少少剪得太開﹐敷唔到乾爆又較深沉膚色的鼻翼﹐sosad。

我敷左20分鐘﹐精華其實吸得好快﹐可能因為at the beginning個mask就唔多覺有精華流出黎啦。個袋入面都無乜精華剩架喇。敷後﹐覺得兩邊面充滿彈性﹗持久度大概係0.5~1天。係一種我覺得需要日日敷的面膜。

開價品牌黎講﹐價錢真係唔算係平。但效果一如以往都幾明顯﹗蛇毒比較適合年紀上25+的朋友仔﹐皮膚變得滑左﹐保濕都OK﹐仲有少少美白功效呢﹗正所謂防範於未然﹐未出紋之前好快快保養喇﹗到出左紋先保養就太遲喇﹗﹗>O<

more info: http://www.mask-house.com/

FB: https://www.facebook.com/maskhouse

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 指定動作﹐回顧左先啦 --> 醫學美容碎碎唸

而家講講我之後的療程先。過程一D都唔恐怖﹐所以唔會打格仔﹐大家放心睇。

等我介紹下﹐其實咩係teosyal。Teosyal係透明質酸注射既其中一個brand﹐係大牌子﹐好多人用過﹐安全度有保證。Teosyal有四種﹐而今次呢種叫Redensity II﹐下稱reden 2。Reden 2主要係一D for即時D既效果﹐所以我覺得唔可以稱得上微整。大家大可以用一個保養既角度去睇呢件事。Reden 2分子較細﹐主要用係一D比較delicate既位置﹐如眼底淚溝苦紋呢D細微得黎又好鬼黑人憎既紋。效果因為好即時﹐你會立即expect見到改善﹐光澤加飽滿。你話丫﹐教我如何不愛它﹗

行街買野你都會check下貨﹐係healthlase做treatment你一樣可以驗貨架﹗例如Teosyal﹐你點知係咪真係正貨呢﹖你係可以request醫生比個盒你﹐對下入面同出面個serial number係咪一樣﹐同埋記得睇expiry date。證實係全新﹐堅料﹐唔係人地打剩而留比你先好開始療程呀﹗其實大家接受醫學美容個陣要記住﹐你係有呢D權利去check貨﹐唔好人地話乜就乜﹗你估而家真係出街買顆菜咩﹗﹗>O<

洗面消毒呢D唔洗講架啦~準備喇~

醫生再講解下﹐我已經好清楚架喇~~ Teosyal入面本身已經有麻醉藥﹐不過姑娘仍然會令你進一步放心幫客人敷cool pad。

開波喇喂。其實你問我﹐我就真係一D都唔驚。我明白大家對驚既程度都唔同﹐但講真﹐真係零痛楚架﹗

same step applied on the other side of my face ;)

搞掂條虎紋﹐再搞搞對眼先~~

你睇下我幾開心 XD (其實係醫生叫我笑下﹐因為reden 2真係好細份子﹐基本上完全唔需要moulding呢個步驟﹐所以要笑下睇下自唔自然呀~)

相片中的右邊面既Before and After (<-- 左邊已搞掂左﹗) 我諗﹐效果真係唔洗我多講。

立即化返少少妝返工。你見到眼底下面係有兩粒針孔﹐但老實講﹐仲細粒過我平時爆個D瘡囉﹐哈哈~~ 個樣精神左勁多。真係好開心﹐遇到一個手勢好好既醫生﹐一隊好有溝通既團隊。我仲約左兩星期後返黎覆診﹐比醫生睇下效果。下次再share我既進度呀﹗

Healthlase official: http://www.healthlase.com.hk/tc/

Healthlase FB: https://www.facebook.com/HealthLase
**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 女仔鐘意食甜品﹐其實係鐘意個賣相同埋個氣氛﹐仲有﹐係鐘意同鐘意既人再坐一會但願能再坐一會。所以呢﹐一間甜品鋪﹐對我黎講最緊要係 (1) 氣氛 (2) 賣相 (當然味道都好緊要) (3) 環境。家附近既sense dessert cafe開左好一段日子﹐每日排長龍﹐每次想試都試唔到。到有機會試個陣﹐我想同個個人食既個個人已經離開左我﹐人生就係十分無奈。

抒情文打到呢度就夠喇。終於比我係sense臨打佯之前入到去﹐我一定唔要在錯過呢個機會﹗

臨打佯﹐無乜人﹐可以比我影到呢個場面﹐相信除非你包場﹐不然基本上係長時間滿座架~ ^_^ 我覺得我呢一刻好幸福啊~

雖然趕住收鋪﹐但waiter and waitress態度仍十分友善﹐仲好友笑容﹐真係好感動﹗食甜品﹐就係一種享受。如果仍然係澳牛咁既態度﹐食黎做乜先你話係咪﹖

窩夫 + 生果配料一款 + 雪糕一款 + 醬料一款 ($45) 賣相好靚呀﹐無因為收工求求其~。 我地要左曲奇雪糕 + 朱古力果仁醬 + 蕉。

朱古力心太軟加vanilla雪糕 ($55)。雪糕無得揀味架﹗(如果有得揀就好喇~)心太軟冷熱適中﹐朱古力好流心﹐勁滿足 ^_^

我唔係咩食家﹐對我黎講味道並未十分難忘。但個環境同服務我好滿意。平時多人個陣有無甘寫意我就唔知喇。係咪貴﹖係﹗but if you are with the right person, everything else is just like whatever <3

more info: http://www.openrice.com/restaurant/sr2.htm?shopid=116125

FB: https://www.facebook.com/pages/Sense-Dessert-Cafe/399018096836748

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434