幾個月前有機會比我見識到我一生人未去過如此靚﹐豪﹐既餐廳 --> 北京道一號one peking aqua。其實一直好想寫返篇抒情文(﹖)不過又壞電腦又燒壞腦﹐而家用我僅余既記憶保返先。

話明一級食府﹐記得要 (1) BOOK檯﹐尤其是大時大節 (2) dress code﹐最好靚仔少少啦。不過老實講﹐入到去見到外國人其實都好casual入去飲下啤酒only﹐所以我都唔覺得要特別好隆重。餐廳環境以醉人景色為賣點﹐所以佈置都較昏暗浪漫。怕黑人士手機download定個電筒app喇。不過話需如此﹐餐廳並唔係認真地浪漫﹐都OK嘈﹐當然比劈場靜啦﹐但個人覺得比清bar嘈。

尤於我BOOK左檯所以有窗口位坐﹐無敵夜景﹐我呢邊係面向九龍公園﹐聽聞消費個min charge比望維港個邊平D。(<-- 朋友講的) 九龍公園景其實都好靚﹐coz i was raised in 油尖旺所以我好有感情。個晚剛剛好係bollywood DJ night so 個場有DJ standby打牒。去之前最好問清楚﹐especially如果你expect好靜好浪漫甘飲下野又甘岩撞正個日打牒就真係喊都無謂喇。

candle and nuts, somehow it really reminds me of neway K場。哈哈~

we ordered 2 drinks at first but i can't recall the names right now. something that does with grapefruit it's all i know. 個人覺得酒精濃度唔高﹐好易入口。

麵包種類有3~4款﹐served with sour cream﹐幾好味架~ 係凍既﹐同埋硬既。

頭盤分別有fried tofu with soy source and parma ham with 火箭菜。可知道Aqua係一間意大利fushion日本菜既餐廳﹐開頭都有D驚驚地﹐但出奇地好好味﹐個炸豆腐又滑又唔油膩﹐好過好多日本餐廳﹗

主菜係卡邦尼汁scallop天使麵& asparagus 煎銀雪魚。兩個都好好味~ 卡邦尼汁終於似返卡邦尼~ 你知啦﹐出面街個D白汁又話自己卡邦尼加嘛。銀雪魚煎得岩岩好﹐肉質好滑﹐仲好鮮甜﹗真係未食過甘好味既魚呀﹗

甜品係mango cheese cake。well, this one is kind of ordinary and not much surprise. maybe 美心 can be even better than that。餐跟甜品係要另外加錢的﹐呢個我建議大家可以唔洗加喇﹐就算你係甜魔都好﹐留肚去許X山好過啦。

and last but not least we ordered 2nd round of drinks. the one one left is called TOKYO AQUA which is SO SUPER GOOD! 係清酒加上柚子汁﹐勁清甜勁好飲﹐served with blue cheese, grape and some apple slices。呢個好飲到後來再返叫個一次。價錢真係唔記得喇﹗sorry!!

其實好多野我都真係唔記得﹐食評失格。除左Tokyo Aqua真係好好飲之外~ 服務我覺得都OK﹐so far so good。但真係唔好expect酒店式服務﹐亦唔好expect個場好靜。一生人叫做係見識過﹐餐飯其實係 girls on top 參加遊戲中左所以請架﹗(但of course唔包酒水。)最後自貼大概$600左右。我諗即使要比錢食﹐都食得起﹐一生人豪一次半次都唔過份。有機會有咩大event我都會再黎 ^_^

Thanks girls on top again!

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 距離上次醫學美容釀成意外都唔知隔左幾耐﹐靠政府真係蛇都死。其實如果有興趣進行醫學美容﹐真係要做做功課﹐小事如光學脫毛﹐到大事如入侵性療程﹐要出起事上黎先識驚已經太遲喇﹐無謂要靚唔要命丫嘛... 首先﹐最好進行療程之前了解一下美容院用咩儀器﹐係咪原裝正貨﹐有無醫生在場﹐而醫生究竟係咪真係醫生﹗

即係呢﹐其實我一直都覺得自己幾大膽﹐但大膽都會怕死﹐更加怕靚唔成反毀容﹗所以進行醫學美容一定唔好貪平﹐講真架﹗唔係話因為我係blogger先甘講。今次我就揀左尖沙嘴Healthlase康仕美激光皮膚護理中心進行我定期都有做下既Teosyal注射喇。Healthlase確係非常大﹐所有step都一絲不苟﹐成個過程我好放心。先睇睇下面塊牆﹕

醫生﹐醫護人員同激光治療操作人員全部都有註冊﹐有晒證明﹐真金不怕紅爐火。以下係healthlase對客人的權益需知﹕

顧客各項治療權益

1. 就政府監管美容業條例，選擇美容中心時，要確保中心安全可靠，進行任何入侵性療程，必須確認中心是由註冊西醫進行該療程。
2. 客人有權對自己所做的療程之流程、成效、藥物或療程資料以及療程會帶來的不同反應等都在療程前了解清楚。
3. 客人有權了解清楚中心所提供的價格包括什麼服務及治療之細則。若有額外收費，必須盡早說明。
4. 客人有權詢問負責該療程的醫生姓名以作參考。
5. 若進行非入侵性療程，客人有權了解治療師及美容師是否有足夠知識及經驗進行該項療程。最理想是他們接受過相關的訓練及有醫生監察更佳。

場地光猛清潔為主﹐給人專業準確的感覺。其實尖嘴店真係好大﹐除了美容部還有其他保健服務架。

HealthLase 是一所以醫學為基礎的皮膚醫學中心。擁有專業的醫療團隊，成員包括：醫學美容醫生、醫護人員及激光治療操作人員等。引進之治療技術及激光儀器均具備醫學報告及臨床實驗証實，而且獲得世界皮膚科醫生廣泛推薦及認可。為客戶提供一個舒適可靠的環境下接受專業治療服務。

• 作詳細專業的皮膚分析
• 設計最適合的療程組合
• 親自進行治療及按需要調校療程進度及組合
• 處方適合的護膚品配合治療，以求達到最美效果
• 設計往後保養計劃，以求長久保持效果，達致終身美麗

仲有好多醫美級保養品﹗進行完醫美療程真想效果KEEP得好D﹐可以黎呢度配返D產品返屋企~

進行療程同見醫生之前﹐首先會安排填一D簡單資料同做一個皮膚分析。呢D data之後會transfer比醫生架﹗

之後就去左醫生房~ (房間好光猛D相可能少少爆光唔好意思呀~) 首先醫生會聽聽客人自己對自己有咩不滿﹐有咩地方想改善同expect有咩後果。睇我個樣﹐就知道好唔妥自己兩條虎紋啦...

而醫生亦會用佢專業角度比意見﹐大家有交流﹐並非你想點就點﹐因為有好多時候﹐我地照鏡只睇到表面。例如﹐你覺得你個眼袋該死﹐但你不知道原來你個眼袋係因為萍果肌下垂。醫生會同客人溝通好﹐大概點做﹐Teosyal又係咪適合﹐成個過程好互動﹐而並非一味想你做D貴假療程而妄顧後果﹐十個LIKE﹗﹗

除左望頭先皮膚分析D data之外﹐醫生更會take a close look你塊面。我唔敢話自己係達人﹐不過對於打透明質酸我都確係素有經驗﹐我更知道呢個step的重要性。我曾經試過有一次打個陣﹐上到床醫生先突然轉呔話我想打個個位唔適合打.... 臨時轉場個種感覺真係有D火滾﹐可知道而家我唔係講笑加嘛﹗﹗﹗

好﹐大家都了解曬療程﹐我就去到療程房間喇~ 房間超舒服清潔﹐仲有個無敵境觀 ---->

哪﹐如果你係好緊張個隻﹐呢個境應該可以令到你注意力分散D無甘驚。(不過呢﹐其實真係無乜好驚架咋﹗)

仲可以食下花生飲下咖啡﹐嘆到呢~ XDD 我會係下一篇先share我療程過程和效果﹐吊下你引先~~XP 以係係Healthlase網站﹐入面有幾多最新美容知識﹐我覺得都幾有趣﹐去睇下喇喂﹗﹗

Healthlase official: http://www.healthlase.com.hk/tc/

Healthlase FB: https://www.facebook.com/HealthLase

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 年尾佳節一浪接一浪﹐雖然天氣急降﹐但女仔去街街扮靚靚﹐衣衫唔多唔少都會露到少少肌膚。唔想失禮人前﹐脫毛實在唔係夏季的專利﹗﹗

要脫毛都要做返少少research﹐因為唔係間間美容院都好。始終都用到激光﹐一失手皮膚就凍過水。脫不到毛反而得到條疤痕就唔好啦。今次我去到中環銀座Calla﹐係日本已經有29間分店﹐中國亦有3間。口碑好﹐信心都大D。

店內環境簡約為主﹐感覺很舒服清潔。已經換上聖誕look提醒我係時候打扮下自己喇~

位於中環皇后大道中 110-116 號永恆商業大廈 17 樓全層﹐境觀開揚。填一些簡單資料﹐了解客人需要先開始療程﹐專業讓人感放心 ^_^

銀座Calla和其他極光脫毛中心有咩分別﹐點解我會去呢間呢﹖佢比出面街最不同的係﹐多左一個保濕STEP﹐用到一部叫“美肌潤美”的噴槍﹐向皮膚噴射骨膠原和透明質酸﹐在打極光前和後都會噴一次﹗保證打激光前打後都唔會乾爭爭﹗﹗尤其是而家係冬天﹐呢個保濕STEP實在十分之重要﹗﹗

房間光猛整齊﹐空間感唔錯﹗

袍和拖鞋都好可愛~ 仲有個籃放自己雜物唔洗放地下或locker﹗幾好﹗

而呢部就係我剛剛講過的神物美肌潤美﹗好期待脫毛後的效果﹗﹗

整理間亦是十分清潔齊全。方便大家lunch鼠落黎做treatment﹐或放工做完之後去街街~ ^_^下次再分享我脫毛後的效果﹗我去銀座Calla個陣見到有個優惠都幾抵﹐HK$388激光自選部位脫毛放題，無次數限制及額外收費，另加送「美肌潤美」保濕噴槍護理。(我諗我應該會JOIN脫脫唇毛﹐嗚 >_<)

Calla銀座
地址：中環皇后大道中 110-116 號永恆商業大廈 17 樓全層
電話：2343 5338
網址：http://www.ginza-calla.com.hk/
FB： https://www.facebook.com/ginzacallahongkong
**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

大力恭喜台灣潮服店 Major made正式登陸香港﹐位於尖沙嘴加連威老道59A﹐集合歐美日街頭文化服飾﹗﹗

當天開幕請來MAJOR made 靚仔老闆同美女model Mavis﹗場面極之熱鬧﹗D 貼紙好靚啊~~ (心心眼)

當日真係好多人﹐好多客人買野﹐店員都忙到跳舞﹐不過可能係台灣熱情傳承﹐D店員都好好人掛住笑容﹐感覺確實有D似係台灣shopping﹗﹗

貨架都比人搶到7788﹐哈哈~ 不過款式都仲好多﹐主打色彩﹐街頭服裝。每款唔係得好多件架咋﹐要買可能要訂貨﹗所以睇岩真係要拎上手﹐一放低就無架喇﹗﹗XP

除了衫褲﹐仲有好多個性accessory襯返﹐貫徹shinbuya 109文化﹗

仲有其他類別﹐少女最不能抵抗呢D細細粒可愛既毛毛裝飾~

一眼入鋪頭就比我spot到呢套粉紅色格仔boot + cap﹐少女 loli punk﹗好鬼型﹗

然後呢件撞色major made bear大熱棒球jacket﹗cute到爆開﹗好鐘意﹗

繼續走可愛路線的有major made bear cap帽。D 刺繡位做得好精緻﹐一睇就知道同街邊貨D分別。

格仔控我對手上呢兩件都好滿意﹐左手邊的充滿英倫搖滾味﹐you know what, that's just so fuxkin me ;) 而右手邊就係假兩件﹐其實係一件衛衣連格仔裙﹐立即又變返森系少女 XP

入正題。其實早早早早就鎖定係要入黎買返頂cap帽﹐因為我勁鐘意帶帽﹐除左因為型之外﹐主要係因為帶左帽我就可以唔洗梳頭。哈哈哈哈﹐真係架﹗係外國個陣﹐大人細路都係戴頂帽就出街﹐一除低頂帽個陣D頭髮會嚇親人甘亂XD

試呀試呀﹐頂頂都好鐘意﹗﹗點揀呀﹗>O< (一戴左帽個人上曬身甘CHOK到呢個樣...)

你估下我最後買左邊頂帽呢﹗(其實到呢一刻我仍然未拿定主意...)

係我對住塊鏡係甘CHOK個陣﹐我本來以為台灣一級美麻豆Mavis走左架喇﹐拒勁nice甘走過黎話要同我合照O_O 拒話要同鐘意Major made既fans合照拎返去台灣﹗你話丫﹗台灣人真係好好人﹐好熱情﹗我愛台妹﹗﹗﹗(誤﹐係我愛台灣先岩﹗)

Major made I love you so much and I will come back for more caps for sure ;) ;) ;) ;) come visit Major made Hong Kong at TST! 一定有一款style適合你﹗

===========================

開估﹐我買左sexy diamond呢頂黑色加彩色刺繡NYLON﹐真係CHOK到爆炸﹗

前戴﹐flip住戴﹐一樣貢型﹗

P.S. 其實我... 只係落街買送咋。哈哈哈哈哈...

Major Made HK FB: https://www.facebook.com/majormadehongkong

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 韓國最出名係咩﹖靚仔﹖靚女﹖我自己就覺得係蝸牛同紅參喇﹗蝸牛紅參保養品興左幾年﹐但受歡迎程度有增無減﹗可見其效果唔係撒眼嬌。蝸牛幫助實現第2層皮膚的誕生﹐含餵飼紅參的韓國蝸牛黏液成分﹐幫助提高皮膚的防御力﹐無色素﹐無酒精﹐無礦物油﹐獲ECOCERT認証成分﹐更精純﹐無刺激成分﹐更含多種珍貴保濕及美容成分。

今次我要試的韓國LOHASYS snail active essence mask﹐一盒有五塊$210 (@雅施)。圍起一塊要$42架﹗一塊有20g﹐即係大概20ml精華啦。有效成分有:

• 甘油﹐甜菜鹼﹐有效柔軟表皮﹐持久保濕
• 玻尿酸﹐非蛋白質的黏多糖類﹐能加強真皮層之基質﹐有助保濕和增加皮膚彈性效果
• 蝸牛精華保濕﹐抗皺﹐抗痘及提高皮膚的防禦能力
• 甘草酸鉀抗敏﹐抗炎﹐舒緩,﹐可增加皮膚防禦能力

打開包裝袋﹐面膜夠濕但精華不至於滴溜。而袋中就無乜精華剩﹐即係話﹐D精華真係係張paper mask入面﹐比心機敷返15~20分鐘啦﹗

蝸牛咩味我真係唔知﹐不過paper mask的香味正係一般蝸牛產品的味。沒有紅參味﹐可能因為紅參係用黎餵蝸牛而非直接添加在精華中。紙質係一般non woven不織布﹐剪裁OK﹐貼面度90%﹐我自己就岩岩好﹐但我塊面我只可以講算係正常SIZE﹐面較圓或包包面的朋友仔可能就未必覆蓋得曬喇。

20分鐘後D精華真係吸曬入面仔﹐你睇下左手邊張相﹗可能最近天氣乾得狠﹐所以除左吸收得快左﹐有D精華可能比空氣抽乾左呀>_< 好﹗撕開面膜﹗我都好心急睇下$42的面膜效果去到邊﹗

其實呢排天氣真係好乾﹐我護膚都好勤力架喇不過額頭呢個重災區仍然乾到甩皮﹐好痕﹐手痕R又爆瘡 =_= 係敷呢個mask前我有用保濕精華打左個靚底先敷﹐可以將D精華“逼”曬入面仔﹗敷後﹐額頭明顯光澤飽滿左。可惜得一塊﹐實在未能評論功效。總聒黎講﹐蝸牛成份既保養品真係幾適合我﹗喜歡蝸牛既朋友不妨試下﹗﹗

雅施FB﹕https://www.facebook.com/aster.cosmetic

雅施官網﹕http://www.aster.com.hk/index.php?lang=2

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434