我天生瞳孔細﹐眼白 > 黑﹐給人的感覺相對上比較兇 =_= 想雙眼水汪汪﹖要靠妝美女恩物 --> 大眼CON﹗但係坊間不少老翻﹐甚至不同牌子﹐要選擇﹐最好係要靚得黎付合三大原則﹕透﹗亮﹗自然﹗

我戴左好幾年大眼CON﹐算係有D心得。年紀小時唔係好覺牌子同牌子之間有咩分別。不過年紀大左﹐淚線少左﹐開始明白點解CON要透氣。尤其是如果諗住早上戴住直落到夜蒲﹐對CON透氣D眼的紅筋會少好好好多﹗(代表對眼透得到氣~)

1-DAY ACUVUE DEFINE獨有「色素夾層」設計，色素層同眼球零接觸，氧氣直穿色素層到達雙眼，日日戴都一樣舒服又健康。一生人得一對眼﹐唔該大家比返少少愛心好好呵護﹐要靚都要有命先靚得到加嘛﹗﹗

我戴緊既呢隻係1-DAY ACUVUE DEFINE每日拋棄型隱形眼鏡，隻色叫閃亮金，自然環圈設計，唔會遮住對眼原本的顏色，所以就唔會無左對眼原有的深度，雙眼散發自然美。

我一把年紀唔想太過出位丫嘛。哪﹐戴左同無戴﹐其實一眼就知。個邊邊勁define﹐對眼自然得黎爆sharp醒﹐成個人精神左﹗唔似d其他浮誇嘅C on條邊邊勁有”狗牙邊”，結果戴完俾人話我無左眼白，好Scary!

有無發覺隻con的顏色設計好窩心，除左有黑色的環圈設計之外，都有淡金色的圈圈，戴左上去效果唔造作，同我眼珠color 好襯丫!而且隻con真係有令到眼睛有擴大至黃金比例"1:2:1"嘅效果(平時得1:1.5:1)! 你睇下我對右眼就知，眼珠真係大左嫁!

有左對大眼後一般返工去街已經靚左一大截﹐但聖誕wor﹐再靚D再搶D當然更加好啦。我去左bobbi brown度學化大眼妝﹐希望學返一招半式等我唔洗過一個lonely lonely christmas啦...

圖中呢盒靚到震既係limited edition twilight pink lip & eye palette ($680)﹐應付日常look同party look都足夠有突﹗勁想擁有﹗﹗

左手邊呢枝係無敵眼打底筆﹐防油眼一流﹗至於掃掃呢﹐右手邊兩枝夠化眼妝喇﹐毛質好舒服~新手似乎都唔難上手。

另外用到的神物係呢兩枝mascara﹐先用上面個枝梳鬆D眼毛﹐根根分明後再用下面個枝﹐勁卷勁濃密唔洗夾﹗一陣比你睇下有圖有真相。左邊個枝我諗唔洗個講啦﹐遮瑕液﹐黑眼圈係香港特產﹐可以當手信送比人就好喇。

化妝妹妹話﹐我對眼空間好多﹐因為有好勁眉骨﹐要精神大眼﹐要多用深色少少的eye shadow在中央至眼尾。閃閃的眼影可以唔洗用太多~

即係比高手兩三下就可以化到一對自然卻不失霸氣的大眼party make up。眼線只是稍稍的填密睫毛根部﹐眼睫毛亦無夾過﹐真係快靚正﹗

甘返到屋企最緊要係自己都replicate得到先得架... 我今次試下自己化﹗戴返對大眼CON先啦。戴的仍然是我最愛既1-day acuvue define﹐今次係動人啡。其實因為每個人瞳孔顏色不一樣﹐帶出黎個效果都唔同架。好似我甘﹐對眼好黑﹐所以啡色並唔算好明顯﹐但對眼大左同埋define左就一定架喇。你睇左圖同右圖就知道啦。

動人啡成對都係啡色﹐色素仍然係夾係兩塊鏡中眼唔會接觸到眼球。而眼妝方面我用到的是bobbi brown smokey warm eye palette ($550)

甘靚想點先﹗完全唔捨得開齋﹗XD 六隻暖色﹐由左到右﹕

• ivory 
• antique gold metallic
• blonde
• golden chocolate metallic
• chiffon sparkle
• espresso

呢幾隻色真係無敵易用﹐新手都唔會一頭煙。實在係居家旅行必備良藥﹗﹗

其實我都悄悄地問過化妝妹妹點樣配搭顏色﹐妹妹話﹐啡色CON本身都已經sharp﹐所以眼影方面求求其都可以好型。我先用ivory成個眼窩打底﹐然後到blonde掃曬成個雙眼皮位﹐再用chiffon sparkle掃在眼尾﹐少少閃﹐已經十分靚同對眼大左110% 其實晚上仲可以加golden chocolate metallic到眼袋﹐少少臥蠶feel﹐仲靚D添呀﹗﹗

放大少少對眼比大家睇真D﹐獻醜了。新手黎講我覺得合格﹗主要唔係我學野快﹐而係 (1) acuvue define真係好 define (2) bobbi brown eye palette 又顏色到質地都十分易上手﹗

對眼大到呢﹐直頭似美圖秀秀過甘囉﹗真心靚﹐同埋後生左好多~ 呵呵﹐聖誕i am ready去打獵喇~~

唔想出賣朋友~ 哈哈﹐化左呢個眼妝出席公司聖誕party﹐爆多同事唔認得我﹗喂﹐平時我污wear唔代表我唔係靚女囉﹗我要靚起上黎我自己都驚呀﹗XD 哈哈~~ (講呢D) 好啦﹐希望大家都有個愉快holiday﹗﹗記得執返靚對眼去party喇﹗

http://www.youtube.com/watch?v=BvPeW4vj47U

more info:

ACUVUE Define Christmas: http://www.acuvue.com.hk/define-christmas

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 正常人一日應該都洗一次頭。我都係﹐不過由於我份工返夜﹐有時候返到屋企已經3~4點零晨﹐再者﹐大家都知道我喜愛夜蒲﹐夜媽媽返到屋企﹐凍冰冰﹐又唔想嘈醒屋企人﹐有時候逼不得意唯有洗少次頭... 個頭痴立立之余﹐仲一頭煙味﹐點算好﹗﹗

要夜蒲返到屋企神不知鬼不覺﹐除左 (1) 香水噴衫 (2) 香口膠 之外﹐比我認識到呢枝dry shampoo頭髮乾洗噴霧實在太好了~ 牌子名batiste﹐來源地英國﹐原來外國好出名﹐專門for一D不能洗頭的朋友﹐如準媽媽等~

三隻味﹐分別係原味 (清新味)﹐野性 (可可豆香為前調、花香撩人的雲喱拿及麝香作基調，木香作尾調) 同花香味 (紅木槿、香雪蘭、晚香玉、橙花、牡丹及百合)。$56/200ml。我個人甘WILD﹐更係最愛豹紋野性啦~

用前﹐記住搖勻﹐好似chok cocktail甘。哈哈~ (黎杯snow ball先啦喂~)

噴在髮根位﹐離開頭髮大概30cm左右。哪﹐真係要離開DD﹐否則個頭會變白髮魔女﹐因為D噴霧係白粉狀架﹗噴完﹐撥鬆D頭髮。撥走D白粉﹐順便可以做蓬鬆效果。

左圖係用前﹐事實上﹐咳咳﹐我真係個晚無洗頭 =_= (朋友生日P﹐落左bar﹐頭髮又立又超勁煙味...) 右圖係用後﹐確係立即爽晒﹐D野性味都幾香~ 效果都唔錯﹗

batiste呢枝dry shampoo唔算好重﹐帶出街放手袋都OK。既然係甘﹐我建議都係帶出街用好D。因為用後﹐不只一手係白粉﹐仲要周圍都係 ^^;;; 一陣比屋企人誤會就大鑊了 (講呢D...) 方便係幾方便﹐但善後就有D麻煩。我諗﹐一次半次都可以﹐但最好都係洗下頭啦~ 哈哈~~ 分享到此﹐夜蒲萬歲﹗

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 neogence是我偏愛的牌子之一﹐最大的原因係因為 --> 平靚正又大大枝﹐比較實事求事的感覺。今次要介紹係neogence眾多條line之中一年365日都好需要的HA玻尿酸系列。可以先回顧一下我之前用過的其他neogence產品丫﹕粉刺溶解精華

neogence 玻尿酸深度潤澤化妝水針對乾性至極乾性肌膚所研發，豐潤的質地中含增量1.97倍保濕精華：雙分子玻尿酸及天然海藻醣TORNARE®，能深度潤澤角質，大幅提升肌膚水分吸收量；同時添加獨特的抗旱鼠尾草萃取XeradinTM，強化肌膚補水機能，幫助肌膚快速補滿水分。使肌膚長時間維持潤澤涵水狀態，舒緩乾荒肌膚的缺水問題，重新展現肌膚的水潤健康光澤。並能提升後續有效成分的吸收；成分單純，不含酒精，低刺激。

**品牌簡介

真係好大枝~ $200/200ml~ 我只可以說抵到爛。如果家中有用開導入機﹐我會好推介呢枝toner!

因為質地都少許杰身﹐似精華水。呢隻質對配合導入機推好舒服﹐唔會推爛塊棉花﹐又唔會推親我地幼嫩既肌膚~ ;)

neogence的包裝一向平實卻又一絲不苟。我非常buy簡約包裝﹐因為其實我用清野都OK快﹐有時候都覺得自己唔環保。如果產品上可以簡單D﹐我D罪惡感都會細D...

除左用導入導出機外﹐用化妝棉抹效果一樣好OK﹐都幾光澤﹐又唔LUP。HA系列主要成份當然係HA (<-- 透明質酸/玻尿酸)﹐所以保濕能力不需多講都知道好。效果都幾即時見得到﹐實在是冬天豪用之選﹗

未用前﹐皮膚唔係最差﹐不過見到少少唔平滑﹐少少粒粒 (<-- 唔知大家知唔知﹐大部份時候爆暗粒﹐都係因為皮膚底層太乾 > 污糟﹗所以如果你爆暗粒﹐你需要既未必一定係導出﹐反而係導入啊﹗﹗)用後兩星期﹐我覺得皮膚平滑左﹐光澤都好左。呢個價錢﹐我好滿意﹐回購list已加上neogence HA lotion個名喇。

HA係列我真係幾推介比所有姐妹﹐反正無人敢講自己唔洗保濕呱﹖﹗我自己一向有用開neogence HA保濕精華(圖右)﹐呢支係sample size only﹐我都唔知自己用清左幾多枝了。用後皮膚漲卜卜﹗﹗化妝都貼D啦~

more info: https://www.facebook.com/sasahongkong

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 報應來了﹐前陣子又電又染又染又染﹐夏天還勉強可以﹐冬天開始極乾燥﹐估唔到頭髮狀態仲反映得快過皮膚 =_=

好得人驚﹗我甘大個人﹐未試過頭髮如此差過﹗未試過頭髮打結打到梳唔到落尾﹗﹗真心灰爆﹗(<-- 而且掉髮多了﹐好驚呀﹗﹗>O<)

遇到monaco argan oil急不及待要試試﹗﹗包裝好靚﹐原來係韓國產物﹐失敬失敬﹐因為望個盒面有點點歐洲風~

分量十足﹐因為係玻璃瓶身。每枝都付有一個泵﹐都幾方便﹗

要插個泵前﹐要撕掉錫紙﹐和挑走個透明膠washer﹐再扭入瓶子~ 記住了﹐不需使用暴力的。

不過個泵認真麻麻地﹐泵了大大話話50幾下都唔出... 我放棄了~ 都係用倒的算了。小心控制份量的話﹐都唔會話太難用。

最好在髮尾半乾下刷上monaco argan oil。有乜好﹖它的成份分別是﹕

• 摩洛哥堅果油-摩洛哥堅果油萃取自摩洛哥堅果樹的種子
• 維生素B5-保溼劑、柔軟劑，給頭髮光澤及保溼作用
• 荷荷巴油-其萃取之油脂具有保溼及滋潤特性

最好的是它不油膩得來又幾滋潤﹐我終於可以一梳梳到尾喇﹗(白髮齊眉呢D就... 哈哈﹐有對象再講啦~)

用後頭髮立即充滿彈性﹐貼服得來唔會塌﹐直髮卷髮都用得到。唔錯唔錯﹗一枝 $189/100ml﹐實在要入一枝看門口。味道微微果香﹐都唔錯。風吹埋黎隱約聞到少少味架﹗而家晚晚用﹐第二朝早上出門口就睇情況 (<-- 即係﹐如果趕得切出門口就用...) 希望長久用落去我D頭髮可以救得返﹐唔洗剪左拒地啦>_< 我想在留長D啊﹗﹗ >O<

順帶一提﹕ Monaco今年亦有份參展香港冬季購物節，攤位:1E16，有$199 MONACO ARGAN OIL禮盒裝(限量200盒)，12月17號上 gooodapple.com 影低佢地Monaco廣告，仲可以免費換領試用裝乙支(10ml) 唔好錯過啦﹗﹗

**產品/產品資料由品牌Monaco提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 勁開心可以去到感受咩叫真正享受 --> 嘆音樂﹗自問自己都幾鐘以聽歌﹐但一直以來﹐都局限於“聽”歌 ﹐而未係“欣賞”歌。作為一個歌手或填詞人﹐可能個message已經帶到出黎。但今次去到metropop x sony x CY Kong 星級音樂人試聽分享會﹐見識到一個音樂人﹐真係好唔簡單﹗

其實年輕年代的我係一個punk rock友﹐勁鐘意band sound (而家都係﹐咳咳...) 我聽歌都會好細心去分鼓﹐結他﹐貝斯續層去聽。不過當年的科技﹐未能將每種樂器分得十分之清楚。SONY今次要介紹的產品﹐可以幫到我呢D半桶水﹐甚至可以滿足一堆音響發燒友去到更高的層次﹗認住我身後個個黃黑色LOGO﹐寫住Hi-Res Audio﹐真正靚聲﹐真係好靚﹗

今次分享會星級音樂人CY KONG亦有出席分享﹐原來他編曲和作曲好玄架﹐係由畫意到詩情﹐我束心配服﹗現場播了我非常耳熟能詳﹐Eason的歌 -->不如不見﹐主旋律和黑擇明﹐但用上左圖的那對Hi res speaker & player﹐嘩﹐成首歌感覺唔同曬。好希望各位eason fans都可以聽到我個日所聽到的﹐因為我唔識形容﹐真心感動 >O<

對於選擇耳筒﹐各有各喜好﹐無論係外形定係spec﹐豐儉由人。不過SONY的design﹐大家都知道靚架啦。又電腦到手機﹐日系外形不嬲贏成條街﹗

女人仔﹐講spec我睇完都唔明架喇~對我黎講﹐外形係第一位吧 XP 全cover的headphone (我稱為米奇老鼠耳仔)﹐黑紅色型到爆﹗係我最鐘意機顏色﹗

想襯返部白色手機﹖都有白色款比你選擇。其實我自己好少用呢類全cover形的headphone﹐因為怕大舊帶出街唔方便。不過我都多朋友都鐘意﹐順便掛頸當accessory。

我自己都係prefer呢D入耳的earpiece喇。雖然細細粒﹐但個design都幾人體工學﹐入曬耳﹐音樂聲直頭似聽緊靚聲live﹗好正﹗好似感受到eason係我耳邊唱歌甘>_< (呢款係XBA-H1)

音響發燒友實在唔可以錯過全新Hi-Res體驗﹗﹗我都好希望擁有啊﹗感覺如果我用上Sony Hi-Res系列的話﹐我青春punk rock熱血會再次沸騰起來的﹗﹗(燒﹗)

more info: http://www.sony.com.hk/high-res/

(要spec要detail自己睇啦~~)

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434