我用過都幾多goodskin labs D野﹐可能因為佢確係for年紀比較大既人﹐which is me -_- 唉唔認老都唔得﹐前幾日去做treatment﹐都比人話我面珠開始下垂所以苦紋深左。 >_< 回顧下我goodskin labs家族吧﹕ 日夜明眸亮肌眼霜 緊緻淡紋抗皺霜

老實講﹐我對goodskin labs既印象都係比較focus即時效果 > 長期改善。所以呢﹐我自己會日間用佢地既product多過夜晚用。呢個FIRM-365TM 賦活緊緻精華可以講得上係我覺得早晚都合用既唯一一樣goodskin labs既product﹗﹗

Goodskin Labs FIRM-365TM 賦活緊緻精華獨家V technology V顏科技含以下成份﹕

• CME﹕維生素C和E的複合物，能促進自身肌膚膠原蛋白增生，提升及緊緻肌膚
• Photozomes感光賦活酵素：脂質體含天然水藻植物萃取，經感光作用產生天然酵素能夠促進骨膠原再生，加強肌膚彈性，賦予肌膚再活功效
• Argireline Peptide六胜肽蛋白﹕促進肌膚的重建機制，加速自身肌膚膠原蛋白增生，有效去皺，令肌膚進入更新狀態，回復青春。
• Radiance Cocktails (提亮複合物)
• Pearls珍珠末﹕為肌膚帶來即時亮澤的效果
• Glucosamine葡萄糖胺﹕溫和地去除老化角質，使肌膚柔滑幼嫩
• Moisturizer (保濕成分) Sodium Hyaluronate透明質酸鈉、Glycerin 甘油及Trehalose海藻醣﹕為肌膚即時注水及鎖水，減淡乾紋、細紋，飽滿肌膚

精華杰身﹐但唔係難推。呈珍珠白﹐應該係因為成份有珍珠末同個D radiance cocktail。其實goodskin labs D 產品唔難見到呢個radiance cocktail成份﹐佢真係好著重即使效果。所以一搽上手﹐立即見到隻手令令地。

你話夜晚訓覺有無必要塊面閃閃下﹐我就真係唔prefer。但呢枝精華點解我會夜晚都用呢﹖因為佢出奇地保濕﹗彈性亦唔錯﹗一用上面﹐就覺得幾舒服。呢樣係好緊要架﹗如果唔舒服﹐我根本連繼續用落去既意欲都無﹗

內心我並期望用完真係會好V面﹐我但求佢可以做好保濕增加彈性就算架喇。日覆日用﹐望返下D自拍相先發覺﹐面仔好似確有緊緻到﹐係有V到。最明顯係條jaw line靚左。過左25歲﹐皮膚彈性真係差左好多﹐大家要努力按面﹐保持住呢塊V面呀﹗﹗goodskin labs全部SASA獨家發售﹗唔講唔知﹐其實goodskin labs係estee lauder D姐妹品牌黎架﹗

more info: https://www.facebook.com/sasahongkong?ref=profile

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 情人節過左喇﹐白色情人節就黎緊。講真﹐行街食飯睇戲﹐你唔厭我都厭... 我情人節就送左個facial比男友。二人同行﹐一個人有半價優惠﹐好抵﹗而且﹐男人貪靚貪在骨子裡﹐口中說不身體卻很誠實囉。見佢成日呻爆瘡﹐決定帶佢去做個極深層清潔﹐順便自己都想嘆下~

nuage我去過幾次 (熱石&減肥)﹐一早知道呢度有個雙人房﹐亦係我再度光顧既原因。你知啦﹐掉低個男人自己一間房﹐佢又會話驚尷尬架喇。

講左我自己先。我幫自己揀左個炭粉激光﹐其實都係清潔毛孔既一種療程﹐不過除左清潔外﹐對均勻膚色都好好。女士就比較適合﹐因為我地不嬲都有好基本既清潔同護理﹐可以講得上係清潔facial中較為advance。(男人就唔好一黎就黎D咁激既~)即係﹐你睇下我本來係幾油光滿面先啦...

一般落妝後﹐會修眉同按肩頸﹐都做得好足架。之後就到戲肉喇。先搽左呢D黑媽媽既炭粉﹐等佢乾一陣。

大概等5分鐘左右﹐就可以開始打laser了。

打個陣﹐好似一般打laser咁會比較嘈﹐dak dak聲咁。每一下dak dak聲都會射走D炭粉。大概如圖一般。

大曬全面﹐大概10分鐘左右啦。因為有層炭粉係度﹐我就感受唔到咩熱力﹐亦唔痛﹐完全無感覺。但﹐自己自拍一張﹐D皮膚真係又如BB一樣﹗

做左先一次﹐已經完全愛上炭粉激光喇陰公﹗﹗﹗

跟手仲加左part水份導入hydro boost﹐因為打完laser一般都會乾乾地﹐近排D天氣又唔係幾穩定﹐為免自己皮膚敏感﹐都係加返part補水好。(而且男人個邊有排都未做完 XD)

再搽返D面霜眼霜~ 啊﹐係WOR﹐而家做緊情人節優惠(2/14 ~ 3/14)﹐但男友(或朋友/親人都得)﹐會送返個玫瑰香氛按面架﹗哈哈哈﹐真係好sweet呀~ XD

完成﹗素顏﹐只係畫返條尾。個樣好精神﹐唔化妝都完全唔失禮﹗好喇。女人facial文大家睇得多﹐係時候去睇下男人個邊... 哪﹐呢度無靚女﹐更加無靚仔﹐純分享﹐不喜勿插﹗

我男友D皮膚﹐如果10級係最差﹐我覺得佢都達7級。最主要係油﹐毛孔爆粗大﹐極多深層污糟野。我已經有同佢做下家用果酸﹐不過你知啦﹐家用果酸最多都係去到10AHA﹐好話唔好聽﹐對D面皮厚到如腳皮既男人黎講﹐真係有Q用咩。今次我的佢入黎nuage﹐都係幫佢揀左果酸exuviance SRS活膚療程﹐不過nuage用到30度﹐希望可以幫佢將D污糟野推出黎啦﹗

雖然客人係條咩都唔識既細路﹐但nuage都童叟無欺﹐會有修眉服務。用到既product係果酸界皇牌exuviance﹐男人無聽過唔出奇﹐女人無理由唔知呱﹗

由toner到洗面到peeling﹐全部都有果酸成份。peeling呢枝仲去到30度﹗男人面皮厚﹐應該無咩感覺。但如果佢feel到少少吉吉地﹐你就要解釋下呢個現象好正常﹐叫佢唔好大驚少怪。(唔係你估女人好易做﹗)

大概敷果酸peeling 3mins左右﹐之後會敷返個中和neutralizer。然後再敷返個舒緩mask﹐15分鐘左右啦﹐等佢乾。呢個時候﹐我見男有好似訓著左覺。我諗﹐男人開始明白點解女人會鐘意做faical喇。

乾左之後﹐個面膜可以就咁撕走﹗係咪有DD期待好似剝殼雞蛋一樣呢﹖﹗

搽返D眼霜面霜。好喇搞掂﹗﹗哈哈﹐識得笑﹐即係正斗啦﹗果酸既效果係將D死皮推走﹐加快返個新陳代謝﹐皮膚會即使見到光澤﹐而呢幾日可能會爆瘡﹐因為D污糟野開始推上面。記住幫男人做返保濕﹐敷下水份mask就得架喇。順便落下藥﹐叫佢買D mask返黎啦﹗哈哈哈哈~~~

更多資料﹕

https://www.facebook.com/NuageBeauty

香港九龍尖沙咀加連威老道29號信基商業中心5A室
39710760 / 39710761

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

晨早book定位﹐係情人節第二日下午﹐黎到尖沙嘴棉登徑呢度旺中帶靜既Dabyida resaurant and bar嘆個brunch。下午時間﹐真係好relax好嘆~ 夜晚呢度會係酒吧黎架﹗

所謂brunch﹐dabyida係由下午1230到1630。遲左起身﹐都唔洗怕趕唔切~ 呢到個brunch由$168 ~$288不等﹐主要depends你叫咩主菜。餐前沙律同甜品都係自助buffet形式﹐包一杯無酒精飲品。加$150仲可以無限添飲香賓﹐其實作為情人節午餐都OK﹐夠浪漫丫﹗

餐廳好大﹐位置闊落﹐朋友聚會或情侶細語都可以﹐唔怕被eavesdropping。

一坐低就會set好檯同埋斟暖水 ^_^ 點好主菜﹐侍應會同你講你可以先出去享受下出面buffet salad bar先。咁上下先會起主菜架~

出面沙律bar D野食refill都幾快。總之個氣氛同平時同D自由人出去爭食係唔同既﹐見到岩先食﹐唔洗搶唔洗爭﹐大家唔該比D儀態啦﹗

沙律同芝士好好味﹐好新鮮。仲有水牛芝士同埋巴馬火腿添~

主菜我地要左海蝦脆煙肉粒辣鮮茄意粉($178)﹐同埋白菌辣肉腸烤脆皮pizza($168)。一上檯﹐岩岩好D風吹去我個邊﹐香到口水都留埋~ 最好既係﹐我地食完沙律先起菜﹐即叫即做真係又熱又新鮮~

共有3隻大蝦﹐都幾彈牙。D辣鮮茄汁其實都唔係好辣﹐茄味勁香﹐實在非一般罐頭茄汁﹗

pizza唔係pizzahut貨色﹐簿批﹐好似餅乾一樣香脆。侍應幫我地曬上即磨黑胡椒﹐香味更上一層樓。嗜辣既我﹐加多兩滴tabasco﹐色香味俱全﹐好惹味﹗

甜品區係沙律隔離﹐亦都係refill得幾快。事實上﹐眼闊肚窄﹐比你食你都無可能食得曬。我覺得最緊要係唔好浪費食物﹐希望大家都可以做得到。

要左一件超級chocolate既肥到爆朱古力mousse cake﹐又如awfully chocolate般出色﹗blueberry cheesecake芝味濃郁﹐無過甜。

仲有小巧精緻既macaron同fruit tart。舊macaron出奇地好味﹐我本身並非嗜macaron既人﹐仲嫌佢地多色素太甜﹐但呢舊幾香仲好脆添~﹗

最後黎返杯movenpick coffee做總結﹗D奶都pre-heat過﹐真係好細心又有heart﹗

呢個價錢同氣氛同服務﹐我覺得抵到爛﹗實在無理由唔返轉頭。一定會再黎嘆過 ^O^ 大力推介比大家﹗

FB: https://www.facebook.com/Dabyida

openrice: http://www.openrice.com/restaurant/sr2.htm?shopid=127192&region=0&s=3

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434

 又返返黎我既終生事業減肥呢個topic先。之前已介紹過2b既另一款產品2b skirt ready。腳之後﹐到手臂同肚腩喇﹗

每次見到個盒我都會諗起on call 36﹐哈哈~ 100ml大大支其實可以用到起碼1month﹗

有新品保證雷射貼紙架﹗買個陣要留意一下。仲有好多國際認證﹐安全無害。其中一樣野係﹐2B呢支瘦手臂肚腩霜無辣椒素﹐以水份引導產生熱力去燃燒脂肪﹐所以敏感既chance大大減低﹗

到期日子係2015年﹐我希望我唔洗等到個日先減得到肥啦... 要勤D用先﹗﹗

掉左個紙盒樽身都印有日期﹗

用量﹕約一個一蚊銀份量

用法﹕每晚洗澡後,﹐由下向上推﹐再打圈按摩3分鐘﹐至完全吸收。由於2B Into Arm & Body燒脂程序會釋出熱能﹐越多脂肪釋出熱能會越熱﹐所以建議你第一次份量少一點﹐再慢慢加多。用的時候﹐會發現皮膚會有種拮拮既感覺﹐這是正常情況。原因是2B Into Arm& Body是透過水導入技術﹐將深層燃脂精華由毛孔帶入脂肪底層。

一個療程﹕3盒。使用後會發現手臂byebye肉的位置frim左﹐肚腩會得到明顯改善。

用左三份一都無我無乜before and after相比大家睇。不過呢枝同skirt ready唔同﹐呢子會微微發熱﹐同埋個味道怡人一D。感覺上我會比較prefer呢支多一D。講真﹐減肥長遠黎講都係要鍛練返D肌用﹐所以做運動啦﹐一定唔可以懶架﹗但我覺得都可以配合2b alternative產品﹐雙管齊下﹐減肥之余要靚shape要健康﹗﹗

FB: https://www.facebook.com/2balternative

official: http://www.2blife.com/

weibo: http://weibo.com/2blife

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]

http://www.facebook.com/pages/Popcorn-express/560506497300434

 一炮而紅既台灣人氣品牌annie's way真係魅力沒法擋﹗無論而家既元朗得返5度﹐都無損我敷mask既意志﹗因為﹐真係堅係正斗﹗

數到最出名既莫過於佢地既果凍jelly mask喇﹗我真心覺得稍為愛美既女人都應該聽過佢有幾堅。

係香港要入手正貨annie's way最好就係去fingershopping.com網購﹐或是去log-on同埋wishh beauty﹐千葉草等等。詳細既地址可以參考下呢度﹕https://www.facebook.com/annieswayhk/info

我呢個係honey 蜂蜜深層保濕果凍面膜 (250g) 蜂蜜為天然既美容保養聖品﹐深層保濕﹐ 適合缺水乾燥肌膚。主要成份有：蜂蜜萃取、天然保濕因子、卵凝脂、玻尿酸、甘草酸鉀。一打開蓋﹐一陣陣蜜糖桂花膏味就飄出黎喇~~

敷凍膜之前﹐最好先清潔好面部﹐同埋記得打底。好多人都覺得敷媽屎前打底好奇怪﹐但你諗深一層丫﹐打左個底之後可以利用敷mask呢段時間將D養份逼入皮膚入面wor﹐又有幾奇呢﹖annie'sway剛剛好出左支新品 --> 果凍噴霧﹐質地杰身似精華水﹐我會用呢個黎打底﹗

噴濕面仔﹐再拍入肌底﹐就係甘簡單。而加先開始正式敷mask﹐記住喇﹐要厚D敷千祈唔好省住用﹗如果唔係﹐要乾得好快﹐唔夠時間比佢清潔你D毛孔架﹗

大概貢上下啦起碼﹗hehe~ 呢段敷緊既時間你會做D咩呢﹖我通常都係轉下珠玩下puzzle and dragon﹐有興趣可以add我一齊玩﹐不過我仲係好低呢咋 =_=

講開又講﹐點解呢個凍膜話保濕但我又話可以清潔毛孔呢﹖係呀﹐其實成個annie's way果凍面膜最最最最為人熟悉既function﹐其實係深層清潔尤其是去黑頭粉刺呀﹗敷大概30~40mins﹐用返個剷剷走D jelly﹐D jelly本來透明既﹐而家剷出黎有少少濁左﹗

洗洗面﹐嘩﹗面仔滑曬同埋白左一度囉﹗﹗呢個甘好既效果﹐值得我risk my life係嚴寒中敷mask呀﹗﹗唔好比佢停﹗我要介紹埋一個比較少D人講既annie's way paper mask比大家﹐因為﹐呢個超級驚喜呀﹗﹗﹗

一盒5片﹗每片D成份上都有少許唔同﹐不過都係美白既~ 甘樣既組合係坊間比較少見﹐幾特別﹗

我手上呢片係左旋C白皙面膜﹐含保濕精華與左旋Ｃ，嫩白防皺，保溼、使肌膚不呈現乾燥粗操現象、讓肌膚重現活力神采。其余個四塊我都敷曬喇﹐效果出黎都差唔多所以我唔特登再影相﹐望見諒﹗

其實在種種一次性即棄mask中﹐我最鐘意既質地正正係呢種紙mask。而annie'sway既paper mask﹐無論係剪裁﹐大細﹐厚簿﹐精華量﹐都非常合我意﹗

敷足30mins都唔覺乾﹗撕走後﹐再拍曬袋中D精華上面﹐嘩~ 如果頭先我話敷完jelly mask白左一度﹐甘paper mask真係可以話白多2.5度﹗

精華吸收得超級好﹐一D都唔會話過LUP﹐完全唔需要清洗或抹走﹐效果keep到兩日兩夜﹗即係話﹐如果你好豪既話﹐可以兩day先敷一次paper mask。但我覺得一星期兩次已經OK有凸了。敷完﹐加返少少面霜便可﹐訓個靚覺又一day﹗﹗

annie's way既jelly mask同paper mask產品效果cover到曬一般人需要架喇﹐上去佢地網站睇下自己需要D咩啦。男女都用得﹐不如買返D比另一半啦﹐幫佢護膚﹐可以增加兩個人感情添呀 ^_^

annie's way FB: https://www.facebook.com/annieswayhk

fingershopping: http://www.fingershopping.com/anniesway

**產品/產品資料由品牌提供。真心分享﹐但畢竟大家DNA不同﹐效果因人而異。不喜勿插。

謝謝收看﹗路過的請LIKE一下給我少少的支持吧~>3<~
找我﹖[email protected]
http://www.facebook.com/pages/Popcorn-express/560506497300434