今日考通識....都ok既~ 如無意外 合格無難度~    考左兩個鐘  估唔到都差D唔夠時間 最後一分鐘先寫完....傻的....

之後中文會話.. 等左好耐先到我... 條題目教學質素下降  最大責任係唔係個老師身上  其實我好想答認同的~  但諗諗下 認同真係無咩野講...最尾揀左不認同..  同楊佳 20 何雅婷 王軍達 一組  成組六個人變到好似得番我地四個傾計咁...  王軍達又要無咩出聲.... 俾廖sir監考... 搞到我超淆底~ 最後好彩無事...

離考試仲有幾日.... 我竟然仲無心情去溫.....點算... 唔想自己下年係4C見大家....  放棄十幾日玩既時間  就可以換來下年既幸福   張駿明 你要加油呀...    唔可以再俾其他人對我失望....  英文同數學係我最差既兩科  我一定會盡力考好依兩科   另外之前考得唔錯既地理同通識  要保持落去.... 希望分數可以高過之前D分...  平均分要高過上次五分....俾心機呀張駿明  你一定得既....

原本諗住7點45分伶住個水樽去天安門俾佢的~ 點知..自己淆底~ 無去到.... 跟住第一個小息都送唔到~ 放學都仲係送唔到的~   點知... 我係葵盛東搭車返歸時~ 有兩架車一齊到.. 我上左前一架~ 後一架就自然開走... 去到診所 我竟然見到佢.... 上左後一架車~ 我終於鼓起勇氣係個書包度伶出個水樽出尼~ 沿途搭車個心都跳得好快.... 等到落車啦~  做左一樣唔會令我後悔既事啦~ 行埋去 送份野俾佢.....   張駿明...你終於有勇氣啦~  佢都開心咁接左啦... 送完之後 行返屋企果陣~ 自己係咁笑 痴左線咁~ 好耐都無見過張駿明開心到會笑啦~

miss明明約左8點15分係九龍塘地鐵站等既~  點知有D就好鬼早去到... 好D就遲得好緊要~ 副官遲到左15分鐘~ 司徒姐遲到左30分鐘~   好趕咁去到... 去到D人坐哂係度~  我地仲要係度搵番自己個位~  終於開始啦.... 痴線既~ 50題都要睇圖做~  明明好多中四既參加~ 佢就出45題中六既野~ 仲要有一題出錯左~  唉~  雖然我有少少信心可以合格的~ 50題MC~ 不過今次係計全組的~ (4個人) 今次應該入唔到第二階段......

有少少緊張~  miss俾我本野我都係睇過幾眼~  依次都係要睇下副官~  副官得 我地組就得架啦~