話咁快就8月5號啦....又過一年了.....生日快樂呀.....希望你今年都可以過得開開心心....

日日係屋企無野做咁..... 食飽就訓...訓飽又食..... 但又食極都唔肥.... 痴線架... 我好想肥番少少呀....仲以為食飽就訓...訓飽就食可以令到我肥番D.....點知一D用都無....   仲有.... 日日都唔想係屋企....但又無街去...  日日要係屋企玩電腦... 悶....

派左成績表...其實未派果陣都大約估到自己幾多分....   放左學... 廖sir留低左我地..係度傾關於我地既野..... 聽完有少少眼濕濕... 聽完之後 落左去葵廣   無哂方向感   行完3樓 又落番地下.. 跟住又上番3樓 覺得自己真係好白痴    雖然可以升到班... 其實自己連中四既水平都達唔到.... 勉強升上中五 會好辛苦...好多野都追唔番....  寧願重讀中四都好過依家咁..   不過既然升到既...就應該展望將來... 下年俾心機... 盡力考好D....

成晚都掛住西班牙果場波...  搞到兩點幾起身開電腦睇波.....  好彩西班牙都無令我失望....  沙比阿朗素個球12碼原本入左... 我仲大聲咁叫左出尼...點鬼知..要再射過.... 第二次就唔入啦...  巴拉圭果球十二碼都俾西班牙門神 卡斯拿斯守到...勁.... 最尾86分鐘由最fit既大衛韋拿撞柱彈入... 西班牙嬴1比0   開心死我...... 不過四強對岩岩炒阿根廷4比0既德國....   氣勢好似唔夠德國強咁... 唔緊要....波係圓既.. 未到最後一刻都唔知邊一隊勝出..

之前自己掛住玩...到考試前個幾日  仲係度玩..玩.玩..到考完之後....先尼後悔  後悔到好想重新尼過...

點解果陣自己要玩....好擔心星期一既派卷..  擔心下年可能要留班...