今日臨離開屯門果陣 岩岩經過屯門市中心既賽馬投注站既天橋  聽到好大聲 兩個食環署既職員捉住一個老伯伯 話佢非法擺檔  要充公哂全部野同埋要帶佢走~ 我見個伯伯係咁求佢 睇下可唔可以放過佢~ 點知  不單指無理佢 仲即刻拉佢走~  個伯伯既私人物品都未伶走 ~俾人拉走左~  其他圍觀既人竟然無人幫手~ 香港人真係咁的嗎~ 伶番伯伯私人物品都好呀 好彩最後都有一個有心人叫住班食環署班人  俾番D野果個伯伯~   依D人既一舉一得 睇到我呆哂~  D食環署既人又唔諗下 點解咁多人要做小販呀~ 你估佢地唔想過得好D  係屋企食下飯 休息下咁  依家D舖位既租金都好貴~  依D小本經營既點負擔得起貴租~   仲有 我覺得香港人真係好無同情心  無人肯幫手    好似事不關己   己不勞心咁~  換轉果個係你地 你地既感受會係點~  好徬徨 好無助既感受~  

日日既心情都係咁 都唔知咩事  好似嬲左成村人咁~  可唔可以俾番幾日開心既日子我呀~ 求求你~

自從知道無得買mizuno之後 就日日黑口黑面  都唔知嬲D咩~  不過因為咁樣 我又可以好專心咁上堂~ 最鐘意上地理~

著埋pe套裝 都係好鬼凍~  係咁俾蔡紹龍 鍾sir 成成拉到我D筋鬆哂 ~ 爽呀  做完熱身諗住去開跳遠的~ 點知 又係要做阿四 幫手汁哂D先開得跳遠 仲話係田徑隊甲組副隊長   竟然俾D F1點番我轉頭~   開完跳遠之後 蔡紹龍俾左一系列既訓練俾我  有好少少都偷雞的~  終於都做完啦~ 第一次試跳  第一步跑落去已經好唔順的~ 仲要錯腳~ 最後一步用錯左隻腳 落地果下 勁抽筋~ 痛到面容屈曲~ 唉~ 之後 咩都無得做 只係係咁sd sms 都幾悶的~  連想同佢地跑都唔得   走果陣見到蕭談平~ 同佢一齊行落葵芳搭車~ 點知 走左一架車之後 等左二十分鐘都無車  終於都有車啦 點知得一個位 蕭談平知道我趕時間 讓俾我走先~  我搭完車返到青衣 都專登等佢架車 真開心~

我對地理比起其他科付出左好多既努力~ 最後達唔到自己目標 只可以希望自己下次再俾心機D
我依家對跳遠都係~ 無論我係93定係94都好~93定係94 唔係我既藉口 如果我係94的 只會有一種以為自己嬴定的心~ 咁樣 我永遠都得唔到進步~我既目標係可以得到阿sir既賞識 去到學界~其實獎牌依家對我無咩作為 有既係對自己既肯定 冇既只好再努力~其實只要我有付出努力~ 得出尼既結果係唔重要的~有因先有果~ 有付出就一定會有收獲~    我竟然會同佳承講左以上依D野~  覺得自己開始長大啦~ 思想成熟啦~ 諗野再唔會係咁幼稚 每做一樣野之前都諗清楚  唔好衝動行事