今朝去左銀樂表演

所以冇去表演英文嗰個朗誦

好似出賣左佢地咁

銀樂表演完就同Toby一齊走

落到去,見到晴同埋佢

佢一見到我,塊面即刻黑晒

你估我好据你呀

我咪一樣好唔据你

成日以為自己大晒

小小野就嬲

好小器囉!!

話我唔尊重你意見

你有尊重過我咩!?

有口話人冇口話自己

唔好以為自己大晒啦

你咁勁,夠薑咪叫晒女籃d人唔好理我囉!!!

我忍你就以為我唔敢串你

你收啦!!!

我唔發火就當我係病貓

你冇野呀!!?

我都忍左你好耐架啦

如果我要串你就神早串左啦

唔好以為我唔敢串你呀!!

唔係淨係我一個唔据你架

好多人都唔据你架!!

唔好以為我地會服你呀!!

成日都係咁

明明係自己唔岩仲要話人

話我唔尊重你意見!?

就算我尊重你意見又有咩用呀

你可以去咩?

你根本就唔可以離開屯門碼頭去第二度玩

唔係淨係我話你唔可以離開屯門碼頭去第二度玩架

佢地都係咁講架

根本就係大家都覺得

話想去沙灘打排球

根本就冇人想去

我地一開始就講到明

唔會掉低任何一個人去玩

要去就一齊去

你係唔据我咪出聲囉

話我地浪費你d時間!!?

淨係你d時間好寶貴呀??

我地d時間唔寶貴既??

仲有呀,我話你唔認真係因為你講既時侯o係度玩呀

我從來都係對事唔對人

根本就冇針對任何一個人

如果你係都要咁講

咁我都冇辨法

成日話我地唔信你

你有信過我地咩??

本來我都唔想搞內訌

諗住大家就算唔同班,女籃都可以一齊

但係既然你咁講

我冇野好講囉!!

你岩晒,我錯晒咁得未呀!!?

今日場波我地梗係赢啦

35:14

終於都赢番場lu

總算鬆一口氣

今日打完波超攰呀!!!!

但係超好玩

今日場波佢地每個人都有進步

大家團結左,合拍左,攻同守都好左

今晚繼續睇波

[[葡萄牙]]對[[法國]]

我撐[[葡萄牙]]

希望今晚唔好爆冷啦

仲有1場,挨埋佢呀!!

睇波!!!睇波!!!睇波!!!

之前幾日冇打到日記,今日打番

今日要番學呀!!

十萬個唔願意

尋晚2:30睇波

[[德國]]對[[意大利]]

[[德國]]輸左呀!!

仲要比人炒蛋

2:0

唉. . .

仲有2場

睇埋佢呀!!!

睇到5點幾就o係廳訓左一個鐘

跟住就比老豆嘈醒左

起左身,超攰

好似冇訓過咁

好冇精神

但係心情有d緊張

因為今日下晝籃球要比賽

同一間學校打『友誼賽』

唉. . .

其實真係冇咩精神

因為淨係訓左一粒鐘

但係我又唔可以唔睇波喎

算啦

我番到學校應該會精神d

希望今日場波我地會赢啦!!

大家加油!!努力!!!

今日練完銀樂就落左平台同fd打羽毛球

落到去打左一陣,浩銘就落左黎

大家就一齊玩

玩左一陣

開始有d留意浩銘

發覺佢真係好似佢呀哥

無論浩銘講野既語氣定係行路既姿勢都超似佢呀哥

我一見到佢,就會諗起佢呀哥

但係我明明已經唔再鍾意佢

點解我仲會諗起佢d野架??

唔通我仲未忘記佢??

唔通我仲鍾意佢??

唉. . .

個心好亂呀!!

我寧願浩銘今日冇落

咁就唔會鈎番起對佢呀哥既記憶. . .

算啦. . .

都係唔好講呢d野

講番銀樂

聽日比賽啦

一定要嬴呀!!

我地一定要攞金獎呀!!

大家加油!!努力!!!!!

今朝9點番左學校玩球類活動

Miss Wong同Dee Sir都有同我地一齊打籃球

跟住打打吓就走

因為打到好攰

就同Toby,Katie,kelly去左Wena屋企玩

去到Wena屋企就食杯麵,睇電視同玩電腦

到1:15就同Toby番學校練銀樂

番到學校鬼死咁曬

仲要企o係操場到乾煎個幾鐘

都算. . .

呀sir仲要我地換埋制服操

唉. . .

操到差d中暑

又熱又攰

真係慘!!!

操到出晒汗,成件衫濕晒

好似岩岩沖完涼咁

真係操得好攰呀!!

有d唔想再操

但係今個星期日要比賽

所以唔可以唔操

全部人都操得超辛苦呀

希望我地既努力會有回報啦

我地既目標係攞金獎

希望得啦

唔講啦!!要食飯. . .

再見>3<