今朝11:45先起身

Daddy蒸左隻粽比我~

尋日世界盃終於開鑼啦>3<

德國V.S.歌斯達黎加

德國4:2赢左歌斯達黎加

正. . .不過冇睇到...有d後悔

唔緊要...今晚睇波蘭V.S.厄瓜多爾補番數>3<

今日溫左書

但係唔想考試. . .

我真係唔想出年入唔番A班呀!!

我唔想再去適應其他人呀!!

我真係好想一覺醒來就考完試

然後入得番A班咁就好啦~

好想修補我地5個人之間既關係. . .

奈何我唔知應該點做. . .

救命呀!!!

好煩呀!!!!!

今朝7:30出門口,

落到去又見到佢啦. . .

好救命呀!!

跟住喺學校都冇咩特別. . .

放學,"蔚"要功輔,所以我,"恩"同Toby就等埋佢

等到5:15,我地就走啦~同埋Gary,Ray佢地一齊走啦

點知去到巴士站,Gary,Toby同Ray佢地冇跟黎

佢地喺另一個巴士站上車

我,"恩"同"蔚"冇理佢地,喺另一個巴士站上車

我地三個上到車見到佢地,大家冇講野

我同"恩"都覺得我地同Toby出現左問題

發覺大家中間好似有幅牆咁

完全溝通唔到囉!!

跟住Toby喺我個站度落車

我地傾左一陣

跟住番到屋企

同"恩"傾左一陣電話

我地仲未諗到解決既方法

件事仲未有進一步既發展

有待星期一先再傾~

唉. . .好煩呀!!

都唔明點解大家有d咩事唔可以拎出黎講

而要收收埋埋喺個心度

又或者講事講非

呢件事唔好同呀邊個講,o個件事又唔好同呀邊個講

點解要咁啫??

咁做對大家都唔會有好處架啦

只會令大家誤會o係度講對方壞話

點解到左呢個時候仲要咁呀??

學期尾啦. . .點解大家唔可以開開心心咁過埋呢2個月呀??

我真係好希望大家之間唔會再有幅牆. . .

今朝6:30起左身,覺得好熱,所以就沖涼洗頭~

跟住7:30出門口落去搭車

落到去又見到佢. . .

上到車見到"蔚",就去左同佢坐

今朝"君"唔知係咪轉左性,竟然唔搭佢老豆車,去搭K52

番到學校,落去食早餐

訓育組冇啦啦播歌,點唱週喎!!

今日d堂都幾悶. . .

中文:Ms Wong教書

家政:Test

音樂:考牧童笛

英文:教書,listening

科學:Test,教書

英文導修:唔知佢講咩

放左學就去左合唱團個大食會

玩d game無聊到嘔. . .

不過d野食嘰好味

番到屋企,做H.W.食飯,沖涼

咁就完左一日啦>3<

今朝9:30起身,

煮早餐比daddy同媽咪食~

今朝早餐都算豐富,有奄列同腸仔。

我喺廚房煮左半個鐘,d早餐都算ok,好彩冇煮焦...

跟住佢地一起身,見到張枱度有早餐...

超驚訝~~

食完早餐之後,大約11:00

佢地就番工啦!

我就温書,温到下晝

跟住傾電話,玩MSN

一日就咁就過左啦...